Даллас Маврикс багийн залуу од Лука Дончич өнгөрөгч амралтын өдөр болсон Майами Хит багийн эсрэг тоглолтын эхний үеийн 10:20 секундэд шагайдаа хүнд гэмтэл аван тоглолтыг орхисон. Түүний өгсөн шинжилгээний хариу гарч, тэрбээр дор хаяж хоёр долоо хоног тоглохооргүй болжээ.

Энэ тухай багийн ахлах дасгалжуулагч Рик Карлайл хэвлэлдээ ярихдаа “Ирэх лхагва гариг хүртэл тодорхой мэдээлэл гарахгүй. Гэхдээ тэр Милвауки руу бидэнтэй хамт явахгүй. Харин Даллас хотод Кайси Смитийн хамт үлдэн эмчилгээ хийлгэнэ” гэжээ. Энэ жил 20 настай Лука Дончич энэ улиралд 30,4 оноо 9,9 самбар 9,3 дамжуулалт дундажлан гайхалтай улирал өнгөрүүлж байсан билээ.

Б.МӨНГӨНТАМИР