Орон байрны хулгай хийж, бусдад их хэмжээний хохирол учруулсан гэмт этгээдүүдийг цагдаа нар илрүүлжээ. Тодруулбал, 1991 онд төрсөн эрэгтэй Ш, 1987 онд төрсөн эрэгтэй Б нар нь бусдын гэрт нэвтэрч хулгай хийсэн 40 удаагийн үйлдлээ мэдүүлээд байгаа аж. Мөрдөн шалгах ажиллагааны явцад тэдний үгсэн хуйвалдаж, улмаар зохион байгуулалттайгаар хулгай хийдэг байсныг тогтоожээ.

Уг гэмт хэргийг Эрүүгийн цагдаагийн албаны Хулгайлах гэмт хэрэгтэй тэмцэх хэлтэс, Хан-Уул дүүргийн цагдаагийн газрын алба хаагчид илрүүлсэн байна. Гэмт этгээдүүд 2018 оны аравдугаар сар, 2019 оны ес, аравдугаар саруудад амины болон орон сууцуудаар орон байрны хулгай хийжээ.

Б.ЦЭЦЭГ