Үндэсний статистикийн хорооны гаргасан судалгаагаар 2019 оны арваннэгдүгээр сарын байдлаар хөдөлмөр эрхлэлтийн байгууллагад ажил хайж бүргүүлсэн иргэд 36.1 мянга байгаа ажээ. Нийт бүртгэлтэй ажилгүй иргэд өмнөх оны мөн үетэй харьцуулахад 12.6 хувиар, өмнөх сарын мөн үетэй харьцуулахад 3.5 хувиар тус тус буурчээ.

Хөдөлмөр эрхлэлтийн байгууллагад ажил хайж бүртгүүлсэн иргэдийн 21.1 мянга нь ажилгүй иргэд байгаа бол 15 мянга нь ажилтай боловч өөр ажил хайж байгаа иргэд ажээ. Үүнээс 11.2 мянган нь буюу 53 хувь нь эмэгтэйчүүд байгаа бол 368 буюу 1.7 хувь нь хөгжлийн бэрхшээлтэй, 56.4 хувь нь буюу 15-34 насны залуучууд байна

2019 оны эхний 11 сард ажилгүй 76.9 мянган иргэн шинээр бүртгүүлж, бүртгэлтэй байсан 22.5 мянган иргэн ажил зуучлагдаж орж, 58.2 мянган иргэн ажил идэвхтэй хайхгүй байгаа гэсэн шалтгаанаар бүртгэлээс хасагджээ.

А.АНИР