Халдварт өвчнөөс урьдчилан сэргийлэх хамгийн үр дүнтэй арга бол вакцинжуулалт гэдгийг дэлхий нийтээр хүлээн зөвшөөрөөд буй. Вакцин хийлгэснээр тухайн өвчний эсрэг дархлаажуулалт тогтож дахин тэр өвчнөөр өвчлөхгүй гэсэн үг.  Монгол Улсын хувьд 1923 оноос хойш одоог хүртэл вакциныг олон үе шаттайгаар оруулж ирсэн.

Өнөөдрийн байдлаар 11 төрлийн халдварт өвчнөөс сэргийлэх  зургаан төрлийн вакцины дархлаажуулалтыг хийж байна. Дархлаажуулалтын үндэсний товлолын дагуу жил бүр 7,15 настай хүүхдийг сахуу, татрангийн хоёрт вакцинаар дархлаажуулах ажил эхэллээ. Тиймээс дархлаажуулалтаас хоцорсон болон сургууль завсардсан хүүхдүүдийг харьяа дүүргийн болон Өрхийн эрүүл мэндийн төвүүдэд хамруулахыг эмч мэргэжилтнүүд зөвлөлөө.

Б.ЦЭЦЭГ