Цагдаагийн амь насыг хөнөөсөн этгээдүүдэд холбогдох хэргийг Улсын Дээд шүүхийн хяналтын шатны эрүүгийн хэргийн шүүх хуралдаанаар эцэслэн шийдвэрлэлээ. Сүхбаатар дүүргийн Эрүүгийн хэргийн анхан шатны шүүх Б.Энхбаярт хүн амины болон залилан мэхлэх гэмт хэрэгт нь 20 жил, Т.Лундаад хүн амины гэмт хэрэгт нь 13 жил хорих ял оноосон юм. Дээд шүүхээс өчигдөр /2019.12.13/ тэдэнд оноосон ялыг ийнхүү хэвээр үлдээсэн шийдвэрлэсэн байна.

Б.Энхбаяр, Т.Лундаа нар нь бүлэглэж, Сүхбаатар дүүргийн нутаг дэвсгэрт 2018 оны аравдугаар сарын 15-ны өдөр тээврийн хэрэгслийг нь зогсоож шалгасан цагдаагийн албан хаагчдын хууль ёсны шаардлагыг эсэргүүцэн зугтаахдаа цагдаагийн ахлах ахлагч Б-г тээврийн хэрэгслээс зүүгдэн явахыг мэдсээр байж засмал зам дээр унагааж, амь насыг нь хөнөөсөн.

Б.ЦЭЦЭГ