Бразил улсын иргэн 43 настай Гектор Скиаве 60 настай ээжийнхээ өмнөөс жолооны шалгалт өгөх гэж байгаад баригдан цагдаагийн байгууллагад саатуулагдсан байна.

Ээж Мариа нь өмнө нь гурван ч удаа жолооны шалгалт өгсөн ч тэнцээгүй учир Гектор ээжтэйгээ адилхан хувцаслаж очоод өмнөөс нь шалгалт өгөхийг оролджээ.

Хэрэв бичиг баримтын зарим нэг алдаа гараагүй байсан бол нүүр, хумсаа будаж, настай эмэгтэй шиг хувцасласан тэр бараг л ээжтэйгээ адилхан  харагдаж байсан гэж холбогдох хүмүүс ярьсан байна. Мөн тэрбээр ээждээ энэ талаар огт хэлэлгүй ээждээ гэнэтийн бэлэг барих гэж байгаад ийн бүтэлгүйтжээ.

Эх сурвалж: BBC