НМХГ: Шаардлага хангахгүй архи худалдаалж байна | News.MN

НМХГ: Шаардлага хангахгүй архи худалдаалж байна

НМХГ: Шаардлага хангахгүй архи худалдаалж байна

НМХГ: Шаардлага хангахгүй архи худалдаалж байна

Шинэ жилийн баярын хүрээнд хийсэн шалгалтын талаар Нийслэлийн мэргэжлийн хяналтын газраас (НМХГ) өнөөдөр /2019.12.13/ мэдээлэл хийлээ.

Тус баяртай холбоотойгоор нийслэлийн 330 аж ахуйн нэгж, томоохон худалдааны төв, зах, сүлжээ дэлгүүр, хүнсний ресторан, эвэнт холлууд, мах, гурилан бүтээгдэхүүний үйлдвэрүүдэд НМХГ-аас хяналт шалгалт хийжээ. Шалгалтаар 532 зөрчил илрүүлсэн байна. Мөн Сүхбаатар дүүрэгт үйл ажиллагаа явуулж буй гурилан бүтээгдэхүүний үйлдвэр нь эрүүл ахуйн шаардлага хангаагүй тул үйл ажиллагааг нь зогсоожээ. Шалгалтын хүрээнд таван аж ахуй нэгж, 12 иргэнд нийт 11 сая 400 мянган төгрөгийн торгууль ногдуулжээ.

Мөн “Оргил” сүлжээ дэлгүүр, “Алтан гадас трейд”, “Тэнгэр трейд” хариуцлагатай хувьцаат компанийн сүлжээ дэлгүүрүүдээр худалдаалж байсан хаяг шошгын зөрчилтэй 17 нэр төрлийн буюу 1.2 сая гаруй төгрөгийн үнэ бүхий бараа бүтээгдэхүүнийг буцаан татжээ.

Түүнчлэн “Жүр-Үр” хариуцлагатай хувьцаат компанийн 118 ширхэг  тортыг зориулалтын тээврийн хэрэгслээр тээвэрлээгүй гэх шалтгаанаар устгуулсан байна.

Шалгалтын явцад 127 бүтээгдэхүүнээс дээж авч шинжилжээ. Шинжилгээгээр цөөнгүй бүтээгдэхүүн чанарын шаардлага хангаагүй байна. Тухайлбал, Төв аймгийн “Морьт хангай” компанийн үйлдвэрлэсэн “Морьтон” архи дахь найрлага стандарт хэмжээнээс хэтэрсэн тул зах зээлээс татсан байна.

Мах боловсруулах үйлдвэрүүд нь хугацаа нь дууссан хиам, зайдсыг нохой, гахайны хоолны зориулалтаар аж ахуйн нэгжүүдэд худалдаалдаг, түүнийг нь иргэд хүнсэндээ хэрэглэж байсан тохиолдол илэрсэн байна. Үүнд Зөрчлийн тухай хуулиар хэрэг нээн шалгаж байгаа аж.

Сонгинохайрхан, Чингэлтэй, Сүхбаатар, дүүргийн гэр хорооллын дэлгүүрүүдэд худалдаалж байсан “Мөнхжин-Од” компанийн үйлдвэр нь “Хандгай”, “39” зэрэг стандартад нийцэхгүй архи худалдаалж байсныг илрүүлсэн байна. Энэ хүрээнд 102 шил буюу 518 мянган төгрөгийн архийг устгажээ. “Мөнхжин-Од” кампанийн тусгай зөвшөөрөл өнгөрсөн оны дөрөвдүгээр сард дууссан байтал үйл ажиллагаа явуулсан байсан байна.

Шинэ жилийн баяр болох гэж буйг тохиолдуулан НМХГ-аас дараах зүйлийг анхаарууллаа.

  • Хүүхдэд бэлэг сонгохдоо хаяг шошгыг нь анхаарч, бэлгэд багтаж буй бүтээгдэхүүний гарал үүсэл, үйлдвэрлэсэн он сарыг нь сайн харж сонголтоо хийхийг анхааруулав.
  • Мөн түргэн гэмтдэг бүтээгдэхүүн буюу баярын торт сонгохдоо үйлдвэрлэсэн он сар, орц найрлага, хадгалалтын горим зэргийг нь анзаарахыг анхаарууллаа.
  • Түүнчлэн ил задгай худалдаалж буй бүтээгдэхүүн худалдан авахгүй байхыг анхааруулсан юм.
  • Шинэ жилийн баярын арга хэмжээ зохион байгуулж буй аж ахуйн нэгжүүд өөрсдийн хүчин чадалд тохирсон захиалга авах шаардлагатай бөгөөд хүчин чадлаа хэтрүүлэн захиалга авсан тохиолдолд эрүүл ахуй, үйлдвэрлэлийн технологи алдагдаж, хордлого үүсэх магадлалтайг анхаарууллаа.
Энэ мэдээнд өгөх таны сэтгэгдэл?
2
ХахаХаха
1
ТэнэглэлТэнэглэл
1
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Дорж 2019-12-13 192.82.78.249

Мэргэжлийн хяналтынхан болон Шадар сайд Энхтүвшингийн хариуцсан агентлагууд ажлаа маш муу хийж байгаагаас хэрэглэгч эрүүл мэндээрээ хохирсоор байгаа юм

Avatar

Зочин 2019-12-13 66.181.177.219

АПУ мэтийн орчин үеийн технологоор архи үйлдвэрлэдэг өөр үйлдвэр монголд байна уу? ЖИЖИГ үйлдвэрүүдийг хаагаач. АЙМАГ бүр архины үйлвэртэй байх хэрэггүй дээ. АРХИны үйлдвэр байх ёстой гэвэл зөвхөн стандарт хангасан орчин үеийн технологтой үйлдвэрт зөвшөөрөл өгъе

Avatar

/*-*/ 2019-12-13 49.0.213.85

"Азийн чоно" ХХК

Avatar

Зочин 2019-12-13 66.181.180.104

Монголчууд элэг ходоодны хавдраар дэлхийд 1 д байна гэсэн монголчуудаа хүн бүр идэх уухаа дүгнэж цэгнээд үзээрэй мөн халуун тогоо гэж хортой сав байх шиг байгаа юм амттан маш их идэж байна хүн бүр юу идэж ууж явдагаа нэг цэгнэж хасахыг нь хасах хэрэгтэй дээ

Avatar

Зочин 2019-12-13 103.229.121.127

Монголчуудын архины хэрэглээ үнэхээр аймар болж байнаа. Хэдэн ч үйлдвэр байдаг ен бүү мэд. Хаа саагүй, булан тохой болгоны дэлгүүр, мухлагт архи зардаг улс манайхаас өөр байдаг болов уу даа. Бүр шатахуун түгээх газар нь дэлгүүртэй, тэндээ архи зардаг гэхээр бүр гайхалтай. Сод монгол ШТГ дэргэдээ Сод гээд дэлгүүртэй, тэндээ архийг төрөл төрлөөр нь зардаг юм байна лээ.
Энэ мэтээ цэгцэлмээр юмаа

Avatar

Зочин 2019-12-13 202.131.242.254

архины үйлдвэрлэсэн хугацааг үйлдвэрлэгчид яагаад тавихгүй байна аа. хугацаа дууссан архи бол маш аюултай шүү гээд Оросын телевизээр л мэдээлээд байсан. ядаж шинэхэн үйлдвэрлэсэн архи ууж хэвьше Монголчуудаа. архи пиво үйлдвэрлээд 1 сарын дотор уувал гайгүй түүнээс олон хоног хадгалсан бол хортой гээд байна энэ үнэн байх шүү. өдөр бүр шинэ архи ууяаа… кккк

NewsMN Гар утасны хувилбар Татах
NEWS.mn

Мэдээллийн эх сурвалж