Хойд Америкийн хамгийн том лигүүдийн нэг Үндэсний хоккейн лигийн тоглолтууд эхлэхэд хэдхэн хоног үлдээд байна.

Тоглолтууд Улаанбаатарын цагаар аравдугаар сарын 8-ны өглөө эхлэх хуваарьтай байгаа юм.

NHL буюу Үндэсний хоккейн лигийг SPS HD телевиз Монголд анх удаа дуу дүрсний өндөр нягтрал, монгол тайлбартайгаар шууд дамжуулан үзүүлэх гэж байна.

ЭС ПИ ЭС телевизийн хувьд Английн Прьемер лиг, UFC, Гольф, Автомашины уралдаан, Аваргуудын лиг, Евро 2016 урьдчилсан шатны тоглолтууд зэрэг спортын 20 гаруй төрлийг шууд дамжуулан үзүүлж байгаа Монголын спортын телевизийн ертөнцөд цахиур хагалж буй телевиз юм.