Аз жаргалтай Улаанбаатарт явган алхахыг "хориглоно" | News.MN

Аз жаргалтай Улаанбаатарт явган алхахыг "хориглоно"

Аз жаргалтай Улаанбаатарт явган алхахыг "хориглоно"

Аз жаргалтай Улаанбаатарт явган алхахыг "хориглоно"

Улаанбаатар хамгийн аз жаргалгүй, явган зорчигчдод ээлгүй хот. Иргэд, компаниудын ухамсаргүй үйлдлээс болж, явган зорчигч гишгэх газаргүй болоход хүрсэн. Жил бүр зам өргөтгөх, шинэчлэх бүтээн байгуулалтын ажил өрнүүлдэг ч явган хүний зам Улаанбаатарт улам багассаар.

Аз жаргалтай, ухаалаг Улаанбатар явган хүний замыг нь хуулж хаяад, авто замтай тулган барилга, хашаа барьсан газар энд тэндгүй тааралддаг. Эсвэл явган хүний зам дээр томоос том нүх ухчихсан байх жишээтэй. Алхаж явах үед өөдөөс машин гараад ирэх нь энүүхэнд. Хөгжлийн бэрхшээлтэй иргэдийн эрхийн тухай яриад бүр хэрэггүй.

Тээврийн цагдаагийн албаны “Цахим замын цагдаа” фэйсбүүк хуудаст иргэдээс явган хүний замыг зогсоол болгож ашигласан, жолоочийн буруутай үйлдлээс болж хүүхэд бэртсэн гомдол мэдээлэл дийлэнх хувийг эзэлдэг байна. Энэ оны эхний 11 сарын байдлаар явган хүний зам дээр автомашинаа байрлуулсан 181 тохиолдол Тээврийн цагдаагийн албанд бүртгэгджээ. Эдгээр гомдлыг шийдвэрлэж, Зөрчлийн тухай хуулиар арга хэмжээ авчээ. Тодруулбал, явган хүний замд саад учруулсан жолооч нарт Зөрчлийн тухай хуулийн 14.7-гийн 35.2-т зааснаар 20 нэгжтэй тэмцэх хэмжээний төгрөгөөр торгууль ногдуулсан байна.

ЖОЛООЧИЙН БУРУУТАЙ ҮЙЛДЛЭЭС БОЛЖ 370 ХҮҮХЭД БЭРТЖЭЭ

Нийслэлийн хэмжээнд эхний 11 сарын байдлаар 558 хүүхэд бэртжээ. Үүнээс 388 нь явганаар замын хөдөлгөөнд оролцож байхдаа осолд орсон байна. Тэдний 370 нь жолоочийн буруутай үйлдлээс болж бэртсэн гэж Тээврийн цагдаагийн албаны Урьдчилан сэргийлэх хэлтсийн мэргэжилтэн Б.Зоригоо хэлэв.

Тэрбээр “Жолооч нар замын хөдөлгөөнд оролцохдоо хурд хэтрүүлдэг. Үүний улмаас хүүхэд авто осолд өртөх нь их байна. Арав хүртэлх насны хүүхдийг хараа хяналтгүй орхисноос үүдэн хүүхэд явган хүний зам дээр тавьсан машиныг тойрч гарахдаа автомашинд мөргүүлэх нь цөөнгүй. Мөн явган хүний зам дээр автомашинд мөргүүлсэн, бэртсэн тохиолдол ч ослын тодорхой хувийг эзэлдэг. Орон сууцны зам дээр явган хүний зам хааж эгнүүлэн тавьсан машины голоор хүүхдүүд гарч явахдаа осолд өртөх тохиолдол ихэссэн. Тиймээс эцэг эхчүүд бага насны хүүхдэдээ анхаарал хандуулах, жолооч нар орон сууцны хороолол дунд зогсоход бэлэн байдлаар удаан оролцож, сонор сэрэмжтэй замын хөдөлгөөнд оролцохыг  уриалж байна” гэлээ.

Нийслэлд буй гудамж талбайн явган хүний зам ихэвчлэн автозам дагасан байдаг. Ийм замаар алхахад автомашинаас ялгарч буй утаанд хордохоос бус эрүүл мэндэд тустай зүйл огт байхгүй. Өнөөдрийн байдлаар нийслэлийн есөн дүүрэгт 251 байршилд шинээр явган зам шинээр барих засварлахаар болжээ. Замын бүтээн байгуулалтын ажилд Нийслэлийн засаг даргын 2019 оны дөрөвдүгээр сарын 23-ны өдрийн A/374-А/382 дугаар захирамжаар нийт 3.131.4 тэрбум төгрөг төсөвлөсөн байна. Өнгөрсөн жил 200 сая төгрөг төсөвлөсөн бол энэ жил 15 тэрбумыг төсөвлөжээ.

ЭНЭ ЖИЛ АНХ УДАА ЗАМ ЗАСВАРЫН АЖИЛД 15 ТЭРБУМЫГ ТӨСӨВЛӨСӨН

Улаанбаатар хотын захирагчийн ажлын албаны Хотын тохижилт цэцэрлэгжүүлэлтийн хэлтсийн мэргэжилтэн Г.БИЛГҮҮН:

-Төвийн гудамжуудаар явган зам хангалттай байгаа ч эвдрэл ихтэй байна. Өмнө нь  Нийслэлийн Захирагчийн ажлын албанд явган хүний зам засварлалтын төсөв суугдаж, мөнгийг дүүргүүд рүү шилжүүлж, Засаг дарга нар явган хүний зам засварлалтын ажлыг хариуцдаг, засвараа хийдэг байсан. Өнгөрсөн жилээс явган хүний зам засвар, бүтээн байгуулалт хариуцсан ажлын хэсэг байгуулагдаж, хотын хэмжээнд засварлах шаардлагатай 40 мянган м/кб байна гэж үзсэн.

Энэ хүрээнд 110 орц гарц чөлөөлж, 12 мянган м/кб явган хүний зам шинээр тавих шаардлагатай. Харин шинээр тавих шаардлагатай нь 300 мянган м/кб явган зам хэрэгтэй гэсэн судалгааг гаргасан. Энэ судалгааг дүүргүүд хийхдээ гэр хорооллын гудамж талбайг ч бас хамруулсан учраас ийм том тоо гарч байгаа юм. Үүнд нийт 15 тэрбум хэрэгтэй гэсэн тооцоо гарч, энэ жил дөрвөн тэрбум нь батлагдсан. Энэ мөнгийг дүүргүүдэд хуваарилж, явган хүний зам хэрэгтэй байгаа гудамж талбай болон зам засварын ажилд зарцуулна.

Явган хүний замыг шинээр тавих, засвар бүтээн байгуулалтын ажилд энэ жил анх удаа ийм их хөрөнгийг төсөвлөж, ажлын хэсэг хүртэл байгуул байгаа юм. Өмнө нь дээрх дурдсанаар дүүргүүд зам засварын ажлаа төлөвлөдөг байсан. Цаашид явган хүний зам автозам дагуу байхаас илүү орон сууц, гэр хороолол дундуур холбохоор төлөвлөөд байна. Жишээ нь, Таван шараас нэгдүгээр хороолол хүртэл зам дагуу алхахгүйгээр орон сууц, гэр хороолол дундуур алхаж болохоор төлөвлөж байгаа юм.

Б.ЦЭЦЭГ
ГЭРЭЛ ЗУРГИЙГ Д.БҮЖИН

"Болор дуран"-аар шалгав.
Энэ мэдээнд өгөх таны сэтгэгдэл?
11
ЗөвЗөв
4
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-12 182.160.37.23

Байрны балкон тулгуулж машины тавьдаг болсон хэлэхээр чиний газар юмуу нийтийн эзэмшлийн газарт би машинаа тавих эрхтэй гараад ир гарч зодолдое гэж түрүүсний байрны казак залуучууд орон гэртээ байгаа хүнийг зодно гэнэ .

Avatar

Зочин 2019-12-12 202.126.89.166

Хоорондоо хэт ойрхон тавьсан машинуудын дундуур хувцсаараа шороогий нь арчиж явах ч хэцүү шүү.

Avatar

Явган зорчигч 2019-12-12 43.242.243.237

Явган зорчих хүмүүсийг хамгаалах, тэдний аюулгүй байдлыг хангах зам Улаанбаатар хотод огт байхгүй. Явганаар зорчих хүмүүсийн талаар санаа зовооч хотын дарга нараа!!!
Тохижилтгүй, шороон, хазгай муруй тавьсан, шээстэй, шүлстэй, бохир заваан гудмаар хотын иргэдээ явуулахаа болиоч!!!

Avatar

Зочин 2019-12-12 66.181.178.63

хурдны зам бүр ч хэрэггүй

Avatar

123 2019-12-12 66.181.161.55

BGD 1 horoonii bogd ar orchimd yvgan hunii zam deer ni mashinaa tavichihiimaa .ene horoo . сөх ni hariutsaad hashlagaa sain hiij uguuchee

Avatar

GOTOV 2019-12-12 150.129.142.30

HUURHII YAVGAN BID NART GISHGEH GAZAR OLDOHGUI BAINA SHUU.

Avatar

bond 2019-12-12 192.82.77.124

ene ih mashinaa bagasgahguu bol ugaasaa butehgu hotod amidraad bgaamu auto zah deer amidraad bgamu gedgee oilgohoo bolij bn zogsooltoi baij baij mashin avdag bolguul taarna

Avatar

Иргэн 2019-12-12 202.126.88.172

Баянголын Модны 2-ын замаар алхаад үзээрэй. Явган хүний зам байхгүй шороогоор алхаад Ямбий машинуудыг нь тойрч алхах гэж хэцүү юм билээ.

Avatar

Зочин 2019-12-12 66.181.188.54

Явган хүний зам бол зүгээр л машины замын өргөн боржуур шиг нарийн болоод байгаа шүү. Тэрнээс арай өргөн нь машины зогсоол. За тэгээд тэр нарийн зайд автозамын бүх тэмдэглэгээний шон, шонгийн мод, хогийн сав гээд саадтай гүйлтийн зам шиг болгочихно.

Avatar

Lavlaa 2019-12-12 202.126.89.167

BG duureg 4-r khoroo GB khotkhonii uridakh yavgan zamiig Barilga, zogsool khoyoroor shakhsan, khuukhed yavakhad tuvugtei

Avatar

Зочин 2019-12-12 106.186.208.29

Universal design гэдэг ойлголтыг манай барилга, зам гүүрийн зураг хийдэг компаниуд, мөн гүйцэтгэгч компаниуд огт мэддэггүй. Өнөө үед хөгжлийн бэрхшээлтэй, бага балчир, өндөр настан, нас хүйс үл харгалзан бүх хүн тэгш эрхтэй хэрэглэх боломжтой зам барилгын төлөвлөлтийг хийдэг болсон. Манайх бол хүнд биш (хөгжлийн бэрхшээлтэй, бага болон өндөр настнуудад бол бүр ээлгүй) машинд ээлтэй хот болсон. Тээврийн цагдаа нар нь хүртэл маш бүдүүлэг. Хүнээ аюулгүй зам гаргуулах бус машинаа л явуулах зохицуул

Avatar

зочин 2019-12-12 80.110.98.75

хот тохижилт явган хүний зам маш их ажил хийсэн байдаг. ХАРАМСАЛТАЙ ньмаш чанаргүй замууд их түүнийгээ дахин дахин шинэчилж хөрөнгө үрж байна.

Avatar

иргзн 2019-12-12 202.179.25.107

уг нь ч Болит байдалтайгаа нийцдэг бол ч Аз жаргалтай Улаанбаатар гэж сайхан л нэртэй, даана Амьдрал дээрээ Худлаа их Зөрүүтэй юм даа,

Avatar

Зочин 2019-12-12 193.57.67.241

Хуучин ахмадын хорооны байр гэгддэг байсан газрын асуудлыг шийдээчээ. Хотын төвийн 4 замын уулзварын нэг буланд машин, хүн 2 үнэндээ хэцүүхэн зөрж гарсаар мөн олон жил боллоо. Ямар эрх дархтай хүн, компани энэ буланг нийтийн газар луу түрж, есөн төрлийн хашаа барьж иргэдийг зовоож чадаж байна вэ?

Энэ газрыг иргэдэд ээлтэй шийдэж чадахгүй бол ямар ч газрыг шийдэж чадахгүй гэсэн үг шүү.

Avatar

Иргэн 2019-12-12 202.21.117.194

Хотын захиргааныхан өөрсдөө явж үзээч

Avatar

Zochin 2019-12-12 202.55.191.130

Shine guuirnii yawgan hunii zam, home plaza orchmiin yawgan hunii zam saijruulalt heregtei bainaa, yalanguya Dunjingaraw horoolloos baruun zugt garch baigaa yawgan zorchigchid zoriulaltiin bus gazraar dandaa zam garch baina, yawgan hunii zam bolon gartsaa sain gargaaguigees bolood irgediig ersdeld oruulj baina.

Avatar

Зочин 2019-12-12 203.91.114.244

Шинэ гүүр орчим явган зам нэмээчээ. Хотын төв орох гэж дэвэн дэлхий тойрж алхаж байна. Бас хотын төвийн явган замуудаа сайн засаарай, далий муруй хазгай, нарийхан.

NewsMN Гар утасны хувилбар Татах
NEWS.mn

Мэдээллийн эх сурвалж