Г.Хэрлэн, Г.Наранцэцэг нар алтан медалийн төлөө барилдана

Олон улсын жүдогийн холбооны энэ оны сүүлийн тэмцээн болох ес дэх удаагийн Мастерсийн тэмцээн үргэлжилж байна.

Эмэгтэй -48 кг :

-МУГТ М.Уранцэцэг хэсгийн аваргын төлөө Оросын Долгова Иринаг ялж В хэсгийг тэргүүлэн мөнгөн медалийн төлөө гарч ирсэн ч Косовогийн Красникви Дистриад ялагдан хүрэл медалийн төлөө Францын Клемент Меланиэтэй таарлаа.
-Г.Наранцэцэг хэсгийн аваргын төлөө Клемент Меланиэтэй тааран ялж С хэсгийг тэргүүлэн мөнгөн медалийн төлөө Словений Стангар Марусаг ялан алтан медалийн төлөө Косовогийн Красникви Дистриатай таарлаа.

Эрэгтэй -60 кг:

-Л.Өнөболд хэсгийн аваргын төлөө Японы Нагаяама Рюжутай тааран ялагдал хүлээн дагах барилдаан хийх эрхтэй болсон билээ. Тэрбээр дагах барилдаанд Оросын Мшвидобаджэ Роберттэй тааран ялагдал хүлээн тэмцээнээ дуусгалаа

Эрэгтэй -66 кг:

-Ё.Басхүү хэсгийн аваргын төлөө Италийн Ломбардо Мануелтэй тааран ялагдал хүлээж дагах барилдаан хийх эрхтэй болсон. Дагах барилдаанд Украины Зантариа Георгийтэй тааран ялж, хүрэл медалийн төлөө Израилийн Шмайлов Барухтай таарлаа.
-Г.Хэрлэн хэсгийн аваргын төлөө Гүржийн Маргвелашвили Важатай тааран ялж, D хэсгийг тэргүүлэн мөнгөн медалийн төлөө Шмайлов Барухыг ялан алтан медалийн төлөө Италийн Ломбардо Мануелтай таарлаа.

15:30 ЦАГ

МАНАЙ БӨХЧҮҮД ХЭСГИЙН АВАРГЫН ТӨЛӨӨ БАРИЛДАНА

Мастерсийн тэмцээн үргэлжилж байна. Манай бөхчүүд хэсгийн аваргын төлөө барилдахаар боллоо.

Эмэгтэй -48 кг:

-МУГТ М.Уранцэцэг хоёрдугаар тойрогтоо Азарбайжаны Алиева Лейлаг ялж, хэсгийн аваргын төлөө Оросын Долгова Иринатай таарлаа.

-Г.Наранцэцэг хоёрдугаар тойрогтоо Португал улсын Коста Катаринаг ялж хэсгийн аваргын төлөө Францын Клемент Меоаниэтэй таарлаа.

Эмэгтэй -52 кг:

-Б.Хорлоодой хоёрдугаар тойрогтоо Италийн Жиуффрида Одеттэд ялагдаж тэмцээнээ дуусгалаа.

Эрэгтэй -60 кг:

-Л.Өнөболд хоёрдугаар тойрогтоо Францын Мхиедзэ Лукаг ялж, хэсгийн аваргын төлөө Японы Накаяама Рюжутэй таарлаа.

Эрэгтэй -66 кг:

-Ё.Басхүү хоёрдугаар тойрогтоо Хятадын Шуэ Зияаныг ялж хэсгийн аваргын төлөө Италийн Ломбардо Мануелтай таарлаа. – Г. Хэрлэн Германы Сеидл Себастианыг ялж, гуравдугаар тойрогтоо Азарбайжаны Шихайлизада Нижаттай таарч ялан хэсгийн аваргын төлөө Гүржийн Маргвелашвили Важатай таарлаа.

10:20 ЦАГ

МУГТ Д.СУМЪЯА ТЭМЦЭЭНЭЭ ӨНДӨРЛҮҮЛЛЭЭ

Олон улсын жүдогийн холбооны энэ оны сүүлийн тэмцээн болох ес дэх удаагийн Мастерсийн тэмцээн өнөөдөр БНХАУ-ын Чиндао хотод эхэллээ. Энэ өдөр эрэгтэй -60 кг, -66 кг болон эмэгтэй -48 кг, -52 кг, -57 кг-ын жингүүд тус тус шилдгүүдээ тодруулна. Эхний өдөр Монгол Улсаас дараах тамирчид зодоглоод байна.

Эмэгтэй -48 кг:

-МУГТ М.Уранцэцэг эхний тойрогтоо Мексикийн Карилло Эдна-г яллаа. Тэрбээр дараагийн тойрогтоо Азарбайжаны Алиева Лейлатай таарчээ.

-Г.Наранцэцэг эхний тойрогтоо Унгарын Церновицки Ева-тай учраа таарч ялалт байгууллаа.

Эмэгтэй -52 кг:

-Б.Хорлоодой эхний тойрогтоо Гвиней-Биссау улсын Цезар Тасиана-тай барилдаж яллаа.

– Л.Сосорбарам эхний тойрогтоо Өмнөд Солонгосын жүдоч Пак Да Сол-той таараад байна.

Эмэгтэй -57 кг:

-МУГТ Д.Сумъяа эхний тойрогтоо Францын Сисайквэ Сара Леони-тэй таарч, харамсалтай ялагдал хүлээн, энэ удаагийн тэмцээнээ өндөрлүүллээ.

Эрэгтэй -60 кг:

-Л.Өнөболд эхний тойрогтоо Бразилын Такабатакэ Эрикийг ялан дараагийн шатанд Францын Мхэйдзэ Лука-тай учраа таарлаа.

-Д.Амартүвшин эхний тойрогтоо Украйны Лэйсук Артёмтай таарч ялагдал хүлээн тэмцээнээ дуусгалаа.

-Г.Болдбаатар эхний тойрогтоо Германы Плафки Моритзтой барилдаж ялагдлаа.