Найруулагч Ц.Хүсэлбаатар “Star” телевизийн “Учиртай урилга” нэвтрүүлэгт уригджээ. “Star” телевизийн хөтлөгч Я.Учралын энэхүү нэвтрүүлэгт урлаг соёлын нэр хүндтэй алдартнууд ихэвчлэн оролцдог. Энэ удаад тэрбээр өөрийн ярилцлагын нэвтрүүлэгтээ Ц.Хүсэлбаатарыг буюу аавыгаа урьсан аж.

Найруулагч Ц.Хүсэлбаатар жүжигчин С.Өлзийхүүтэй амьдрал зохиохоосоо өмнө Б.Янжиндулам гэх бүсгүйтэй ханилж хүүтэй болцгоосон гэдэг. Тэр хүү нь хөтлөгч Я.Учрал юм байна.

Нэвтрүүлгийн хэсгээс үзэхэд “Залуу нас гэхээр та өмнө нь нэг амьдралтай байсан” гэх хүүгийнхээ асуултанд “Чи бид хоёр эфирт ийм юм ярих юм уу” гээд аав нь инээвхийлж харагдана. Найруулагч Ц.Хүсэлбаатар, түүний хүү Я.Учрал нарын ярилцлага энэ сарын 7-ны өдөр “Star” телевизээр гарах юм байна.

Г.ТЭГШСҮРЭН

Эх сурвалж: www.shuud.mn