Каффейн сэтгэл санааг өөрчилж, ажлын идэвхийг нэмэгдүүлэхээс гадна хүнийг хамааралтай болгодог гэмтэй гэж Жон Хопкинсын анагаахын сургуулын мэдрэл, хий судлалын профессор Роланд Гриффин ярьж байна. Каффейн их хэрэглэдэг хүмүүс үүнийг хар тамхи шиг нөлөө үзүүлдэг байж  магадгүй гэж бодохоос айдаг ч үнэн хэрэгтээ эрүүл мэндэд сайнаар нөлөөлөх нь бага юм. Хамгийн аюултай нь хүмүүс каффейнаас хамааралтай болж буйгаа хүлээн зөвшөөрдөггүй. Учир хүмүүсийн дунд зөвхөн хар тамхичид донтож, хар тамхинаас бүрэн хамааралтай болдог гэсэн ойлголт түгээмэл байдаг.

Ихэнх хүмүүс зөөлөн амттай кофенээс эхэлж, өглөө бүр сэргэх зорилгоор ууж эхэлдэг. “Би аяга кофе уухаас нааш ажлаа хийж чадахгүй нь” гэж ярихыг та цөөнгүй удаа сонсч байсан байх. Тэдний хувьд кофегоо уунгуут эрч хүч орж, ажлаа хийх чадвартай болдог юм шиг санагддаг. Гэвч тэдний анзаарахгүй байгаа нэг зүйл бол кофе уухаа больчихвол тэд энэ байдал арилж, урьдын хэвэндээ орох юм.

Доор бид каффейнаас биемахбодийн хувьд хамааралтай болсныг гэрчлэх шинж тэмдгүүдийг дурьдлаа. Өөрийгөө шалгаад үзээрэй.

    * Толгой өвдөх
    * Нозоорох
    * Сэтгэл санаагаар унах
    * Дотор муухайрах
    * Бөөлжих
    * Шөрмөс зангирч өвдөх

Хэрэв эдгээр шинж тэмдгүүдээс илэрч эхэлсэн бол та каффейнаас хамааралтай болж байгааг харуулж байна. Огт хэрэглэхээ больж чадахгүй бол хэрэглээгээ багасгаад ямар өөрчлөлт гарахыг хараарай.

Бэлтгэсэн Н.Энх