Үнсэнд хордсон Улаанчулуутынхан | News.MN

Үнсэнд хордсон Улаанчулуутынхан

Үнсэнд хордсон Улаанчулуутынхан

Нийслэлийн гэр хорооллынхон энэ жил түүхий нүүрс түлэхгүй өвөлжиж байна. Сайжруулсан түлш шаталт сайтай ч, үнс ихтэй байгааг иргэд ярих болсон. Түлсэн түлшний үнсээ яах вэ гэдэг гэр хорооллынхны нэг толгойны өвчин болжээ. Зарим нь гудамжиндаа үнсээ шууд гаргаад асгачихаж. Харин зарим нь “Сайн түлш”-нийхээ уутанд амсрыг нь хальтал чихсэн үнсээ хогны машинд ачуулахаар хашааныхаа урд гаргаад тавьсан харагдав.

Өвөл ил задгай хаягдсан үнс агаарт дэгдэж, хавар нь нарийн ширхэгт тоосонцор амьсгалын замын бүхий л өвчин үүсгэгч болж байна. Утаанаас ялгаатай нь нүдэнд үл үзэгдэвч хүний биед асар их хор хөнөөлтэй. Үүний хор уршгийг нь Улаанчулуутын хогийн цэгээс амьдралаа залгуулж буй хүмүүс амсах болжээ. Учир нь, гэр хорооллын айл өрхүүдээс гарч буй хог хаягдлын дийлэнх нь үнс. Тэнд амьдарч буй хүмүүс үнсээр амьсгалж, үнс "идэж" байна гэхэд хилсдэхгүй. Манай сурвалжлах баг өчигдөр /2019.12.11/ Улаанчулуутын хогийн цэгийг зорьсон юм.

Нар шингэж, харанхуй болох дөхсөн ч амьсгалахад бэрх, өмхий нэвширсэн агаар, өвлийн хүйтнийг хүмүүс үл тоон ажиллаж байлаа. Хогны машин ирж явааг харангуутаа уралдаж очоод ачаан дээр нь гарч, өөрт хэрэгцээтэй эд зүйлсийг эрж хай, ухаж төнхөж харагдав. Улаанчулуутын хогийн цэгт өмнөх жилүүдээс ялгаатай нь улаан өнгийн уут энд тэндгүй. Хөх саарал үнс элдэв янзын хог шороотой холилдож, шороон дээр гэхээс илүү үнсэн дээр алхаж буй мэт санагдана. Өнөөх гэр хорооллын айл өрхүүдээс гарсан хог хаягдал болох “Сайн түлш”-ний савлагаатай үнс ил задгай хаягдсан нь энэ байв.

Үнс бужигнахгүй ч хар өнгийн хувцас сааралтаж, хөл дор тоос бужигнах. Энд ажиллаж буй хүмүүс амны хаалт хэрдээ л зүүж, зарим нь цамц, ороолтоор хамраа битүүлсэн, бээлий өмссөн байх боловч үнснээс болж биеийн ил гарсан хэсэг нь цус шүүрч, нүд нь харахын эцэсгүй өвдөх болсныг хэлж байна билээ.

Улаанчулуутын хогийн цэгт нуруугаа бөгтийтөл ажиллаж, эхнэр гурван хүүхдээ тэжээхээр амьдралаа залгуулж яваа 23 настай Т /нэрийг нь нууцлав/ улаан эрээн болсон бугуйгаа харуулж, үнснээс болсон гэдгийг тайлбарлаж байв. Нүд нь үргэлж өвдөж улайх нь энүүхэнд бөгөөд нүүр, гарандаа тос түрхэхгүй л бол арьс нь улайсандаа цус шүүрч, загатнаад, байж суухын эцэсгүй болдог аж.

Тэрбээр “Бид эхнэр, нялх хүүхдүүдээ тэжээхийн тулд өглөө бусдаас урьтаж ирдэг. Улаанчулуутаас амьжиргаагаа залгуулах хүмүүс өмнөх жилүүдээс олширсон. Тиймээс эрт ирэхгүй л бол мөнгө олохгүй. Би таван жил энд ажиллаж байна. Өмнө нь гэр хорооллын айл өрхүүдээс ирдэг байсан түүхий нүүрсний үнс хаягдал хор багатай байсан юм билээ. Бужигнадаг боловч биед ямар нэгэн хор нөлөөгүй. Гэтэл энэ жил манай гэрт нүдний дусаагуур, гар, нүүрний тосноос их зүйл байхгүй болсон. Түүхий нүүрс хориглож байна гэсэн. Шахмал түлшнээс ялгарсан үнсний тоос арьс загатнуулах нь юу ч биш. Биеийн ил гарсан хэсгээр улайж, цус шүүрэх болсон. Нүд тэсэхийн аргагүй өвддөг. Нүдэнд харагдахгүй ч үнсний хор нөлөөг биеэрээ мэдэрч байна. Хэдийгээр өөр ажил хийе гэсэн ч ажил олддоггүй, мэргэжилгүй гээд голдог, эсвэл цалингаа өгдөггүй. Энэ бүх шалтгаанаас болоод дахиад л Улаанчулуутдаа ирдэг. Цалингаа цагт нь өгдөггүй ажлаас энд ажилласан нь илүү ашигтай” гэлээ. Түүнээс насаар ах боловч адилхан л Улаанчулуутаас амьдралаа залгуулж буй эрэгтэй мөн л үнсний хог хаягдлаас болж багагүй “зовлон” туулдаг аж.

Өдгөө 57 настай Б /нэрийг нууцлав / Улаанчулуутын хогийн цэгт ажиллаад таван жил болжээ. Тэрбээр өмнө нь нэгэн хувийн компанид хог ачигчаар олон жил ажилласан байна. Айл өрхүүдийн хог хаягдлын дийлэнх нь үнс боловч биед нь ямар нэгэн нөлөө үзүүлдэггүй байсныг тэр  ярьсан юм.

Иргэн Б хэлэхдээ “Би олон жил хог ачигчаар ажилласан. Айл өрхүүдийн хог хаягдлыг ачиж явахдаа үнстэй зууралдаж л байсан. Гэхдээ бие өвдөж, зовиурлаж байсан удаагүй. Та нарын харж байгаа шиг утаа буурсан юм шиг боловч үнсний хор нөлөө биднийг хордуулж байна. Шахмал түлшнээс гарсан үнс энд ил задгай хаягдах болсноос эхлэн бие зовиурлах болсон. Арьс тэсэхийн аргагүй загатнаж, нүд хэдэн өдрөөр улайж өвддөг. Зүүгээр шивсэн юм шиг өвдөнө. Бодвол нарийн ширхэгт тоосонцрууд нь л нүд рүү ордог байх. Би ч яах вэ дээ, өнгөрсөн хүн. Ихдээ л арван жил амьдраад л яваад өгнө. Үлдэж байгаа залуус, хүүхдүүд л хайран санагдах юм” гэлээ.

Хөгшин эх, гурван нялх хүүхдээ тэжээхээр Улаанчулуутаас амьдралаа залгуулж буй 20 гаруй насны эмэгтэйд бас ийм зовиур илэрдэг гэнэ. Гэрт нь ханиадны эм, нүдний дусаагуур, тосноос их зүйлгүй гэв. Түүний хувьд арьс нь загатнаж, нүд улайж өвдөхөөөс илүүтэй ээж болон хүүхдүүддээ ханиад хүргэх вий гэхээс л эмээдэг аж. Иргэн А /нэрээ хэлэхийг хүсээгүй/ хэлэхдээ “Хог хаягдлын дийлэнх нь үнс байдаг шүү дээ. Энэ жил түүхий нүүрсийг хориглож, шахмал түлш хэрэглэх болсноор бид илүү их хордож байна. Ханиад хүрвэл эдгэхгүй. Биеэр улаан эрээн зүйл туурна. Тос түрхэж арга хэмжээ авахаас өөр аргагүй. Арьс загатнаж, улайхаас илүү ханиад хүрсэн бол эдгэдэггүй нь хэцүү. Одоо ханиадтай таван сар болж байна. Ээж, хүүхдүүдээ л өвтгөх вий гэж айх юм” хэмээв. Энэ мэтчилэн замд тааралдсан хүмүүс нэг л шалтгаантай адилхан зүйл ярьж байлаа.

Үнс нь хар тугалга, цагаан тугалга, мөнгөн ус, кадми зэрэг хүний эрүүл мэндэд хортой хүнд элементүүдийг өөртөө агуулдаг тул хүний эрүүл мэндэд ямар хор хөнөөлтэйг дээрх хүмүүс ч баталж буй. Харин Нийслэлийн мэргэжлийн хяналтын газраас үнсэнд ямар нэгэн хяналт тавьдаггүй, ахуйн хог хаягдалтай хамт хогийн цэгт ил задгай хаягддаг, ямар нэгэн хор нөлөөгүй гэх тайлбар өгч байв.

Энэ талаар тус газрын Байгаль орчин, Геологи уул уурхайн хяналтын хэлтсийн дарга Ж.Ганзориг “Орон сууцны айл өрхүүдээс ялгарч буй хог хаягдлын дийлэнх хувийг цаас эзэлдэг бол гэр хорооллын айл өрхүүдийн хог хаягдлын 60 хувийг үнс эзэлж байна. Гэр хорооллоос гарч буй үнс нь ахуйн хог хаягдалтай хамт хогийн цэгт ил задгай хаягдаж байна. Хүний эрүүл мэндэд ноцтой аюул учруулахааргүй тул ахуйн хог хаягдалтай хамт ил задгай хаягдаж байгаа болов уу. Энэ асуудалд нарийвчлан манай байгууллагаас хяналт тавих чиг үүрэг байхгүй. Хэрэв үнэхээр хүний эрүүл мэндэд сөрөг нөлөө учруулсан гэх гомдол мэдээлэл ирвэл бид шалгана” гэв.

Гэр хорооллын айл өрхүүд үнсээ хаана хаяж буй талаар сонирхож үзэв. Ихэнх айл гудамж, хогийн савны дэргэд “сайн түлш”-ний уутанд үнсээ савлаж овоолсон дүр зураг харагдав.

ТҮҮХИЙ НҮҮРСНЭЭС ИЛҮҮ ИХ ҮНС ГАРЧ БАЙНА

ИРГЭН НАРАА:

-Шахмал түлшнээс үнс их гарч байна. Өмнө нь хоёр айл гал түлсэн ч үнс нь бага гардаг байсан. Одоо нэг айлаас гэхэд 20 гаруй шуудай үнс гарч байна шүү дээ. Ердөө 10 гаруй хоноод л үнс дүүрнэ. Манайх үнсээ шуудайлаад, хогийн машин ирэх дөхөхөөр үүдэндээ тавьдаг юм. Удахгүй ирж ачих байх. Ер нь энэ их үнсийг яах ёстойг сайн мэдэхгүй л байна. Манай хөршүүд ч бас их үнс гарч байна гэж байна билээ.

ИРГЭН Т.МӨНХБАТ:

-Түүхий нүүрстэй харьцуулахад шахмал түлшнээс их үнс гарч байна. Нэг хувин түлшээр гэрээ галлахад л яг тийм хэмжээний хувин үнс гарч байна. Хогийн поошиг хэд хоноод л дүүрнэ. Хогийн машин тэр бүр ирэхгүй. Заримыг нь савлаж үүдэндээ тавина. Болохгүй бол гудамжиндаа асгана. Ядаж л хүн халтирч унахгүй юм даа. Ер нь их үнс гардаг юм билээ.

ИРГЭН Л.БАТТӨМӨР:

-Үнс их гарч байна. Яагаад тийм их үнс гардгийг сайн мэдэхгүй юм. Шаталт өндөр болохоор их үнс гардаг ч байж болох юм. Айлууд ихэвчлэн түлшнийхээ уутанд савлаад л гаргаж байна. Манайх ч адилхан. Гэхдээ хүмүүст анхааруулж хэлэхэд үнсээ цогтой эсэхийг нь шалгаж бүрэн унтарсных нь дараа уутандаа савлаж айлын хашааны урд биш өөрийнхөө хашааны урд, эсвэл төмөр хашаа налуулж тавихгүй бол гал алдах аюултай байна. Манай хөрш ууттай үнсээ хашааг маань налуулж тавьснаас болж банз нь шатаж, гал алдах дөхсөн. Хэрэв би эрт ирээгүй бол манайхаас гадна хэдэн айл шатах байсныг хэлж мэдэхгүй шүү дээ. Үнсээ болгоомжтой гаргаж хаях хэрэгтэй гэлээ.

ШАХМАЛ ТҮЛШНЭЭС ЯЛГАРЧ БАЙГАА ҮНСЭЭР БҮТЭЭГДЭХҮҮН ҮЙЛДВЭРЛЭЖЭЭ

Хэдийгээр утаанаасаа салсан ч шахмал түлшээ үргэлжлүүлэн ашиглахад хавар гэхэд 170 мянган тонн үнс агаар хөрсний бохирдлыг нэмэгдүүлэх эрсдэлтэй. Тиймээс  айл өрхүүдээс гарч буй үнсийг  хогийн цэгүүдэд ил задгай хаях бус дахин боловсруулж эргэлтэд оруулснаар байгаль орчин, хүний эрүүл мэндэд учруулах эрсдлээс сэргийлж болно. Үнс нь хүний биед хортой хүнд элемэнтүүд агуулдаг ч хөнгөн цагаан, төмөр, цементийн элемент агуулдаг шохой зэргийг өөртөө агуулдгаараа бүтээгдэхүүн болгож үйлдвэрлэж болдгоороо давуу талтай. Саяхнаас Улаанбаатар хотын Захирагчын ажлын алба, Монголын Барилгын материал үйлдвэрлэгчдийн холбоо хамтран шахмал түлшнээс ялгарч буй үнсийг туршилтаар дахин боловсруулалтад оруулж явган хүний зам талбайн хавтан, боржур үйлдвэрлэжээ. Энэхүү туршилтыг цаашид хэрэгжүүлэх бүрэн боломжтой гэж албаны хүмүүс үзэж байгаа юм.

АЙЛ ӨРХҮҮДИЙН ҮНСИЙГ УЛААНЧУЛУУТ РУУ ХАЯХ БИШ БҮТЭЭГДЭХҮҮН ҮЙЛДВЭРЛЭХ НЬ ЧУХАЛ

Монголын барилгын материал үйлдвэрлэгчдийн холбооны зөвлөх Д.ГАЛСАНБУЯН:

"Үнсэнд агуулагдаж буй нарийн ширхэгт тоосонцор хүний эрүүл мэндэд маш хортой. Энэ асуудлыг бид одоо л шийдэх нь зүйтэй. Айл өрхүүдээс гарч буй хог хаягдлын 70 хувийг эзэлж буй үнсийг Улаанчулуутын хогийн цэг дээр хаях биш дахин боловсруулах байдлаар бүтээгдэхүүн болгож үйлдвэрлэх нь чухал байгаа юм. Энэ жил анх удаа төр хувийн хэвшил хамтран үнсийг боловсруулж бүтээгдэхүүн үйлдвэрлэж туршлаа. Явган хүний зам талбайн хавтан, боржур үйлдвэрлэсэн. Тэр тусмаа явган хүний зам талбайн хавтан хамгийн их хэрэгцээтэй байгаа юм. Үнсээр бүтээгдэхүүн үйлдвэрлэхэд хагардаггүй давуу талтай.

Өмнө нь бид Налайхын замын бетонон цутгалтыг үнсээр хийсэн. Бид эхний удаа айлуудаас 5-10 мянган тонн үнс цуглуулж, бүтээгдэхүүн үйлдвэрлэх төлөвлөгөөтэй байна. Хамгийн гол нь айлуудаас ирж буй үнс нь бусад ахуйн хог хаягдалтай холилдоогүй байх ёстой. Ашигт малтмал ч гэсэн байгальд ээлтэй, дахин эргэлтэд орохгүй бол байгаль орчин, хотын өнгө үзэмж, хүний эрүүл мэндэд сөрөг нөлөө учруулна. Тиймээс айл өрхүүдийн хог хаягдлын 70 хувийг эзэлж буй үнсийг дахин боловсруулж бүтээгдэхүүн болгож үйлдвэрлэх нь чухал байна" гэлээ.

Агаарын бохирдол гэдэгт зөвхөн нүдэнд харагдах утаа бус хөрсний бохирдол, үнснээс ялгарах нарийн ширхэгт тоосонцор хамаарна. Тэр тусмаа өвлийн улиралд гудамж талбай, хогийн цэгт ил задгай асгаж заншсан үнсээ дахин боловсруулалтад оруулах шаардлага зайлшгүй байна.

ГЭРЭЛ ЗУРГИЙГ Н.БАТМӨНХ

"Болор дуран"-аар шалгав.
Энэ мэдээнд өгөх таны сэтгэгдэл?
12
ХарамсалтайХарамсалтай
2
ХахаХаха
2
ГайхмаарГайхмаар
1
ТэнэглэлТэнэглэл
1
БурууБуруу
0
ЗөвЗөв
0
ХөөрхөнХөөрхөн
Баярлалаа!

Холбоотой мэдээ

48 сэтгэгдэл

News.mn сайтад сэтгэгдэл оруулахад анхаарах зүйлс

Avatar

болор 2019-12-12 88.125.80.192

хогийн цэг дээр амьдардаг хүмүүст болон хог ачдаг хүмүүст зориулж гоё үнс гаргадаг түлш хийх ёстой юм шигээр бичсэн байх юм. хогийн цэг дээр хүн амьдардаггүй болж болхгүй юу … хогоо гараар биш машинаар ачдаг болж болхгүй юу .. ер нь бүх айл орон сууцтай болж үнс гаргадаг түлш хэрэгллэхээ больж болхгүй юу … дэлхийн улс болоод байх юм

Avatar

Зочин 2019-12-12 192.82.68.121

Хогийн цэг дээр амьдардаг хүний гар улайгаад байгаа тул шахмал түлш хэрэглэхээ болъё.

Avatar

зочин 2019-12-12 202.9.46.79

Гэр хороололыг барилагажуулах нь л хамгын зөв сонголт ….өөр арга байхгүйээээээ…..

Avatar

irgen 2019-12-12 169.204.238.34

uvchtei eejiigee tejeedeg 20 nastai 3 huuhedtei eej genuu? ene huuhdiin mungunii tuluu hudlaa jiremselj huuhdiin amidralaar toglodgoo bolimoor yum.

Avatar

Эзэн нь хэн бэ 2019-12-12 103.229.121.213

Энэ иргэдийг Улаанчулуутын тамын амьдрал руу хөөж явуулсан, Улаанчулуутад хорьчихоод байгаа цаад эздийг нь олж шийтгээч ээ. Энэ хүмүүийг хэн тийш нь явуулсан юм бэ?

Avatar

Зочин 2019-12-12 43.242.243.113

Элбэгдорж

Avatar

Зочин 2019-12-12 202.21.108.218

Хорт хийгээр утуулж, иргэд нь угаартаж үхсэн өвлийг дуусгаад нүд арьс нь үрэвссэн , хөх үнсээр шуурсан хавартай золгох нь дээ. Мэдрэмжгүй дээр харгис засаг, хотын удирдлагатай бх заяа нь хаясан нийслэлчүүд юм даа.

Avatar

Зочин 2019-12-12 192.82.73.148

tegeed yatgaahuu bugdeeree. butsaad nuursee tultsgeehuu. yagaad tuuhii nuursed iim hairtai baidgiig odoo oilgoloo. unsee zailuulahaas zalhuuraad l tuuhii nuurs gedeg yum baina. tuuhii nuursnii uns baga gardag n tal n agaart degdeed utaa bolchihdogt baigaa yum. odoo unsn uldeheer zailuulah gej buun ajil gej baigaa bol utaandaa hordood suuj baidaa

Avatar

zocgin 2019-12-12 64.119.26.139

ene bol 90 pnoos l uussen ardchilal garaad l uussen nuguu ardchilal yarisan b***a nar chi ni ter yeiin xuligaan deeremchidteigee ulsiin yumiig xulgailaad bayajsan odoo naad xed chin xamaagui bolson

Avatar

Зочин 2019-12-12 202.21.107.121

tuuhii nuursnii uns ni agaart degdeed saaral agaartai baisan um bish uu. Odoo hordoj bgaa humuust hodolmor hamgaalaliig ni nembel yamar ve. odort suunii norm ogvol horiin zohih hemjeend gadagshluulah bh.

Avatar

Баяр 2019-12-12 192.82.78.249

Иргэдийнхээ эрүүл мэнд эдийн засгаар нь муутгаж тоглохоо зогсоо Хүрэлсүхээ.

Avatar

Zochin 2019-12-12 24.46.100.17

Hiin hooloi orosoos ab,oor ymarch arga ugui

Avatar

Ard 2019-12-12 24.46.100.17

Eruul mendiin yam uunii daguu ajil hiih heregtei b.a
Er ni tegeed hiin hooloi orosoos taviulahad Mongol iin tor buhniig hiihees oor ymarch arga ugui

Avatar

Зочин 2019-12-12 66.181.177.64

Хог ухахаар энэ бтугай л юм гарна шүү дээ…худалдагдсан хөлсний сэтгүүлч нар болих хэрэгтэй түүхий нүүрс шахах мафийн гар хөл болсон

Avatar

Зочин 2019-12-12 192.82.69.97

Хүмүүсээ хогийн цэгээс татаач тэнд байх албатай юу…

Avatar

Зочин 2019-12-12 202.21.108.218

Ирэх хавар хот тэр чигээрээ хогын цэг болох нь бна шүү.

Avatar

Зочин 2019-12-12 202.126.88.64

Энэ шахмал түлш олон улсад бол хоцрогдсон тeхнологи л доо бас. Шинэ эрчим хүчний эх үүсвэр л бодох хэрэгтэй болжээ

Avatar

зочин 2019-12-12 66.181.170.215

Тэгээд яа гээд байгаа юм бэ

Avatar

Зочин 2019-12-12 64.119.27.72

Юу ч хийдэггүй хэрнээ байнга гоншигнож байдаг эрдэмтэд нэртэй хэдэн нөхдүүд юм хийгээчээ, ядаж энэ шахмалийнхаа цардуулыг монголдоо хийчих тархи толгой байдаг юм боловуу эрхэм доктор профессор эрдэмтэдээ

Avatar

Зочин 2019-12-12 192.82.73.238

Чи өөрөө хийгээч. Бусдыг загнаж байхаар

Avatar

zochin 2019-12-12 203.217.139.225

1. Xarluulah gej baigaa bish. Vneheer ih hemjeenii xvnd, shirxegleg vns garch baigaa ni vnen
2. garsan utaa ni xaragdah baidlaasaa tsenher tungalag baigaa ni vnen bolowch Ximiiin nairlagiin huwid hort hii ih bagaa ni vnen. Xaniad buurch baina uu emnelegvvdeer orood har. Xarshiliin suuritai xvmvvs garad naitaalgaad ehelj baina. Jaahan esreg yarisan xvniig uls turjluu xyatad ntr ged dairad baihaar vnen biagaa zviliig boditoor ni xvleej avch shiidwerle!!!!!

Avatar

Зочин 2019-12-12 103.57.92.232

Ерөөсөө түүхий нүүрсээ буцаагаад хэрэглэе.

Avatar

Зочин 2019-12-12 202.131.245.243

Одоо тэгээд яах юм бэ? Буцаад түүхий нүүрсээ түлэх юм уу?

Avatar

Зочин 2019-12-12 66.181.161.64

яаж ийгээд доош хийх сэдвээ олох юм даа үнс бол үнс шдээ ялгаа байна гэж үү их мэдэмхийрсэн улс байх юмаа ингэж ч болохгүй тэгж ч болохгүй гэсэн

Avatar

Оогий 2019-12-12 202.179.26.207

Өөрөө их мэдэгч юмаа. Үнс л бол үнс гэж байдаггүй юм. Юуны үнс гэдгээсээ хамаараад янз бүр байдаг юм. Үнс л бол үнс гэж харанхуй, мулгуй хүн л тийм юм ярих байх.

Avatar

Зочин 2019-12-12 122.201.31.221

Чи өөрөө очоод үзчих худалдагдсан мангарууд

Avatar

Норовжав 2019-12-12 93.26.122.49

Үнс нь шатсан түлшнээс их гарна гэж байхгүй . Шахмалыг түлж олон арван жил болж байгаа улс оронд хордсон гэх мэдээлэл байгүй л байна. Хэрэвээ байдаг бол дэлхийн эрүүл мэндийн байгууллага анхааралдаа авч хориг тавих байсан байх. Ийм түлшийг монголд анх удаа түлж байгаа биш , хүн итгэмээргүй мулгуй юм бичиж байдагаа болимоордоо.

Avatar

Норовжав 2019-12-12 93.26.122.49

Шахмалыг муулах юм олдохгүй болохлоор үнсийг муулж эхлэх шивдээ. Дэлхийн 50 гаруй оронд хэрэглэдэг шахмалын үнсийг муулсан хордсон гэх гомдол гараагүй байна. Өмнөговийнхон олон арван жил түлээд хордоогүй нүүрсийг шахмал болгохд хольсон юм нь барьцалдуулаг- цардуул шүүдээ . Сэжиглээд байгаа бол цардуулыг л шинжил , түүнийг дотооддоо хий ард түмний татвараар тэжээгдэж байгаа олон эрдэмтэд түүнийг хийчих байлгүй дээ Ядахдаа ард түмэндээ нэг хэрэгтэй юм хийлдээ

Avatar

Saraa 2019-12-12 180.149.93.14

Тэнд хүн амьдрах ёсгүй газар. Байх ёсгүй газраас байхгүй зүйл олж яриад байхым даа

Avatar

Оогий 2019-12-12 202.179.26.207

Тэр хортой үнс ганц тэнд биш Улаанбаатар хотоор нэг цацагдаж байна бас агаарт утаатай хамт тодорхой хэсэг нь дэгдэж хүмүүс хордож байна.

Avatar

Нүд сохорч уушгигүй болно 2019-12-12 192.82.67.102

Хүрэн нүүрс хортой гээд байхад л үнсийг нь ч яаж зөв зайлуулахаа шийдэлгүй эхэлснээс бушуу туулай борвиндоо баастай. Хамгийн аймаар нь тэр хороор иргэд нь шууд хордож байгаа явдал.Ардын намынхан яахаараа ийм арчаагүй хүнийг гэх сэтгэлгүй өөдгүй новшэууд байдаг вэ. Үнсээ гудамжинд хаяна тэгээд салхиар хүний хөлөөр машины дугуйгаар хаа сайгүй тарна агаарт хөөрч хотыг тэрчигт нь хордуулна. Энэ одоо юувэ Ардын намын ээлжит 37 он арай биш баймаар. Хүрэлсүх чи юу хийчихэв. Нүд сохорч уушгигүй болно .

Avatar

зочин 2019-12-12 202.55.191.130

Бодит сурвалжлага хийе гэвэл эхлээд үнсийг нь лабораториар шинжлүүлэх хэрэгтэй. Таван толгой нүүрсний үнсний цацрагт идэвхит бодис, хүнд металын хэмжээ нь барилгын материалын стандарт хэмжээнээс бага гардаг. Харин хүрэн нүүрс нь бохирдлын хэмжээгээрээ өндөр байдаг. Амаар биш баримтаар олон нийтэд хандаж байвал зүгээрсэндээ. Сэтгүүлчид уул нь улс төрөөс ангид байж л үнэнг ард түмэнд түгээнэ дээ

Avatar

Зочин 2019-12-12 202.126.89.81

Ардчилсан намын сайт хар бараанаар бүхнийг бичигчид

Avatar

Иргэн 2019-12-12 192.82.78.249

Сайжруулсан нэртэй энэ хор бол хүмүүсийн эрүүл мэндийг сүйтгээд зогсохгүй маш их хаягдалтай учраас эдийн засгийн алдагдалтай ард иргэдийн хармааг сэгсэрч байна гэж жирийн иргэд халаглан ярьж байна.

Avatar

Sansar 2019-12-12 150.129.142.111

Novshiin mongnii setguulch odoo bolildoo utaa baga bolj bn hogon dotor yr baitgui garna

Avatar

орк 2019-12-12 192.82.64.212

Хог ухахаар ярь шарх, харшил гарий шдээ оркуудаа

Avatar

р 2019-12-12 192.82.64.212

Шинжлэх ухааны үндэстэй хийгдсэн байгаа муу сайн оркууд зүгээр май шүү

Avatar

Зочин 2019-12-12 202.131.245.243

Одоо тэгээд яах юм бэ? Буцаад түүхийнүүрсээ түлэх юм уу?

Avatar

Зочин 2019-12-12 202.4.248.86

Нийслэлийн даргын хийх ёстой ажил байна шүү дээ. Их үнс гардаг энэ түлшийг шатаах гэж байгааг мэдсээр байж үнсийг нь хаана хаяа вэ гэдгээ урдчилан бодсон байх хэрэгтэй шүү дээ. Яахаараа үнсийг хогийн цэг дээр хаядаг байнаа.Тусгай газар гаргаад газраа ухаад ухсан газартаа хаяад дүүрээд ирэхээр нь булаад хажууд нь дахин нүх ухаж хийх гэх мэтээр явах хэрэгтэй. Одоо хавар болохоор нөгөө ил хаясан үнс нь хйисээд хачин юм болно доо. Толгойгоо ажиллуулж ажил хийдэг хүн ер нь нийслэлд байна уу.

Avatar

Зочин 2019-12-12 202.21.108.218

Энэ үнсээр блок хийж огт болохгүй бх шүү, ширэмлэсэн энэ үнс хүний эрүүл мэндэд маш хортой. Цемент хэмнэж бна гэж хууртаж огт болохгүй.

Avatar

Зочин 2019-12-12 202.21.100.210

Цацраг туяаны хордлого гэж нэг аюулыг нь яагаад ярихгүй байгаа юм бол оо

Avatar

zochin 2019-12-12 124.158.107.15

Haragdah bdlaaraa utaagui bagassan haragdaj bgaa ch denduu hortoi sanagdaad bga doo, ugaasaa ene uner ni bas ene uns ni arai l bish bna.

Avatar

Зочин 2019-12-12 192.82.74.206

Зам засварт суурийн хэсэгт цементтэй холиод хэрэглэж болох байх шүү, барьцалдаа сайн болно

Avatar

Зочин 2019-12-12 64.119.22.205

news.mn сайжруулсан түлшийг нэг удаа сайшаасангүй.ЭБЭгийн сайт үргэлж улс төр хийсээр.

Avatar

бодлын хулгайч 2019-12-12 66.181.167.53

ЭНЭ МОНГОЛД ТӨР ГЭЖ БАЙНА УУ. ЯАЖ ДАРГА БОЛОХ, БҮР ТОМОРВОЛ ГИШҮҮН БОЛОХ МӨРӨӨДӨЛДӨӨ АВТАН АРД ТҮМНЭЭ ЯДУУРЛЫН ТУЙЛД АВААЧИН ХАЯЖ БУЙ ТЭДНИЙГ ЯАХ ВЭ. ЭРХ МЭДЭЛ АЛБАН ТУШААЛ, МӨНГӨ Л ХАРАГДАХААС АРД ТҮМНЭЭ ГЭСЭН СЭТГЭЛ ТЭДЭНД АЛГА. АРД ТҮМЭН ЧИНЬ ӨДРӨӨС ӨДӨРТ ЯДУУРЧ ГУЙЛАГЧИН БОЛЖ БАЙНА. ТА НАР ЮУГАА ХАРЖ БАЙНА. ЭРХЭМ ГИШҮҮД ТА НАР НЭГ НЭГЭЭРЭЭ УЛААН ЧУЛУУТАД ОЧ. ТЭНД ЮУ БОЛЖ БАЙГААГ НҮДЭЭРЭЭ ХАР, ХҮМҮҮСТЭЙ УУЛЗ. ГЭР ХОРООЛОЛООР ЯВ, БҮР ХАМГИЙН ЗАХЫН ГЭР ХОРООЛОЛООР ЯВ.

Avatar

Зочин 2019-12-12 66.181.169.108

Аль юмыг тэгшлэх гээ вэ. Утаагүй боллоо. Үнсээ ачуулаач. Хогийн цэгээс өөр ажил олдохгүй байна уу. Очиж шахмал түлш шуудайлаач. Угаасаа хог ухахаар харшил өгөхгүй яадгийн.

Avatar

бодлын хулгайч 2019-12-12 66.181.167.53

УХААНГҮЙ НОЁДЫН НЭГ ҮҮ ЧИ. ЧИ ӨӨРӨӨ НЭГ ӨДӨР ШАХМАЛ ТҮЛШ ШУУДАЙЛЖ ҮЗСЭН ҮҮ. АРД ТҮМНЭЭ БҮҮ ДОРОМЖИЛ

Avatar

а 2019-12-12 192.82.64.212

Хог ухахаар харшил ярь шар гардаг ш дээ хүүхэд байхад хүртэл байдаг л байсан

NewsMN Гар утасны хувилбар Татах
NEWS.mn

Мэдээллийн эх сурвалж