Утаа мэдрэгч урдаас ирж явна | News.MN

Утаа мэдрэгч урдаас ирж явна

Утаа мэдрэгч урдаас ирж явна

Утаа мэдрэгч урдаас ирж явна

Агаарын бохирдлыг бууруулах зорилгоор Улаанбаатар хотод энэ жилээс шахмал түлш хэрэглэх болсон. Гэвч үүнээс болж олон иргэн угаартаж нас барсан харамсалтай мэдээ ар араасаа гарсан юм. Угаарын хийн хордлогоос иргэдээ хамгаалахын тулд Засгийн газар мэргэн санаа олсон нь айл бүрт утаа мэдрэгч суурилуулах байлаа. Ном ёсоор өнгөрсөн арваннэгдүгээр сараас айлууд гэртээ утаа мэдрэгч тавьчихаад айх аюулгүй шахмал түлшээ түлээд суух байсан. Ийм үүргийг Улаанбаатар хотын Захирагч С.Амарсайханд өгсөн. Гэвч иргэд одоог хүртэл галаа түлэхдээ айдастай байна. Утаа мэдрэгчийн сураг ч алга.

Уг нь Нийслэлийн Агаарын бохирдолтой тэмцэх газрын даргын хэвлэлд тав хоногийн өмнө өгсөн яриагаар өнгөрсөн Даваа гаригаас /2019.12.09/ гэр хорооллын иргэдэд 200 мянган ширхэг угаарын хий мэдрэгч төхөөрөмж суурилуулж эхэлсэн байх ёстой байлаа. Гэтэл энэ мэдээлэл бодит байдал дээр ахиад л биелсэнгүй. Бид энэ талаар тодруулахаар Нийслэлийн Агаарын бохирдолтой тэмцэх газартай холбогдоход,

“Нийт 170 мянган ширхэг утаа мэдрэгч БНХАУ-д захиалан хийлгэж байна. Нийт өртөг нь 3,5 тэрбум төгрөг. Одоогийн байдлаар эхний ээлжинд 50 мянган ширхэг утаа мэдрэгч урд хөршөөс ирж яваа. Гаалиар орж ирсэн үгүйг мэдэхгүй байна” гэсэн хариу өглөө.

Харин Орчны бохирдлыг бууруулах үндэсний хорооны дарга Ч.Гантулга “Манай үндэсний хорооноос санхүүжилт гаргаж, Нийслэл дээр худалдан авах ажиллагаа зохион байгуулагдаж байна. Миний сонссоноор БНХАУ-ын талтай нийт 200 мянган ширхэг утаа мэдрэгч захиалах гэрээ хийсэн. Эхний ээлжинд 20 мянган ширхэг утаа мэдрэгч энэ долоо хоногт багтаад ирнэ. Бид хурдан ирүүлж, тараалгах тал дээр шаардлага хүргүүлж байна. Уг нь өнгөрсөн арваннэгдүгээр сард багтааж тараах ёстой байсан. Гэтэл захиалга авсан компани Монголын нөхцөлд таарсан утаа мэдрэгч хийхийн тулд судалгаан дээр цаг алдсан зүйл бий.

Ажиллагааны хувьд угаарын хий 50 микро граммаас хэтэрвэл утаа мэдрэгч дуугарч эхэлнэ. Ингэснээр айлууд угаарын хий алдаж буйг мэдэх боломжтой. Утаа мэдрэгч ирсний дараа Нийслэлийн Засаг даргын Тамгын газар дүүрэг, хороодоор жигд хуваарилж эхлэх байх. Гэхдээ ирсний дараа шууд тараахгүй. Эхлээд иргэдэд яаж хэрэглэх заавар зөвлөгөө хүргүүлнэ” гэсэн хариу өглөө.

Утаа мэдрэгч яг хэдийд ирэх талаар илүү нарийн мэдээлэл авахаар Нийслэлийн хэвлэл мэдээлэлтэй холбогдоход “Урьдчилгаа тооцоо, төлбөр хийчихсэн. Урдаас ачигдаад ирж яваа” гэсэн товчхон хариу өгөв. Гэхдээ хэдэн ширхэг ирж буй нь тодорхой бус. Албаны хүмүүс 20 болон 50 мянга гэсэн зөрүүтэй мэдээлэл өгч байна. Мөн захиалсан нийт тоо ч зөрөв. Юутай ч удаан хүлээсэн утаа мэдрэгч урд хөршөөс Улаанбаатарыг чиглээд ирж яваа аж.

"Болор дуран"-аар шалгав.
Энэ мэдээнд өгөх таны сэтгэгдэл?
4
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-12 202.55.188.91

Би 6000-аар оруулж ирж чадна. Та нар алибаба руу ороод хардаа

Avatar

иргэн 2019-12-12 103.229.121.196

БАс л нэг цавчилт. Унтаж байгаа хүн наад утаа мэдрэгчийг чинь яаж мэдрэх вэ дээ хөөрхий.

Avatar

Зочин 2019-12-12 202.131.245.34

dugarna geed bgan bishuu. chaavaasdaa

Avatar

Төртэй ард түмэн байх юмсан 2019-12-12 66.181.161.110

200.000 ширхэг 50,000 төгрөгний үнэтэй нийт 10,000,000,000 тэрбум төгрөг. Сургууль барих юмсан. Удахгүй зуучилсан нэг өвөр монгол бүх үнэ ханш зуучийн хөлсийг илчилээд өгөх байхаа… Зунаас өмнө ирээсэй дэээ хөөрхий ….

Avatar

ТҮВДЭНБАЛЖИР 2019-12-12 202.55.188.94

утаа мэдрэгчийг сонгуулиар санал ѳгсѳн иргэпэд тараахаана

Avatar

zochin 2019-12-12 122.201.22.36

teneg orkuudaar duurchikhsen uls ch uudlukhguy yum , utaa ugaar garch baygaagaa ch medekhguy , bas l kheregguy zuyld mungu zarlaa

Avatar

Зочин 2019-12-12 59.153.113.156

шахаа хийчээд араас нь бас далимдуулж шахаа хийнэ энэ улсын мөнгө ард түмний хармааг хоослож ханахгүй юм аа

Avatar

Зочин 2019-12-12 66.181.167.191

ккк.утаа мэдрэгч үү угаарь мэдрэгч үү.согтуу толгой минь ээ.ккк

Avatar

Зочин 2019-12-12 202.72.245.209

харин тийм ээ: микро грамм ч гэх шиг. яаж ийм хүнээр ажил хийлгэдэг юм, ямар ч хяналт тавих хүн байдаггүй юм уу, сонин юм аа

Avatar

зочин 2019-12-12 202.9.46.79

Зуны тэргүүн сарын шинийн нэгэнд ирнээ ..

Avatar

Зочин 2019-12-12 192.82.74.206

Хятад орос улсууд гадаад улс оронд үйлдвэрлэсэн програм хангамжийг тагнуулийн арга хэрэгсэл болох тул бүрэн солихоор шийдвэрлэсэн байна. Ухаалаг утаа мэдрэгч ч бас үүнд хамаарах ёстой, гэр хорооллын бүх айлуудыг тодорхой хэмжээнд хянах боломж гарч байна гэж ойлгож болно. Яамаар ч юм бэ

Avatar

Иргэн 2019-12-12 192.82.78.249

Энэ Засгнийн хариуцлагагүй байдлын нэг тод жишээ ,10 хүний амь 1500 хүний эрүүл мэндээр тоглосон Засагт бол энэ бол жижиг асуудал биз.Энэ урагшгүй янзаараа дулааны улирал эхлэхэд шахсан шаардлага хангахгүй новшоо тараах биз. Юуны энэ ажилд хянах ёстой Шадар сайд Энхтүвшин сайд Даваасүрэн нарт юуны өмнө хариуцлага тооцоочээ Хүрэлсүхээ. Чадахгүй бол ажлаа өгөөд зайл….

Avatar

nb anbdnab 2019-12-12 202.9.40.98

xairan mongo

Avatar

Зочин 2019-12-12 202.179.26.245

Hrn tiim hairan mungu. Tiim l ih amind tulsan chuhal ed bish bna sh dee. Ymar ugaarig saarmagjuulah bish. Heregtseegyi hog n**** l boloh biz hnnn

NewsMN Гар утасны хувилбар Татах
NEWS.mn

Мэдээллийн эх сурвалж