Дэлхийн байгаль хамгаалах сан /WWF/ ирэх 2020 оныг тогоруу хамгаалах жил болгон зарлалаа хэмээн тус байгууллагын Амур салбарын тэргүүн Петр Осипов хэллээ.

"Тогоруу хамгаалах жилийн хүрээнд тогорууны тоо толгой, тархацын талаарх бодит байдлыг Оросын бүс нутгаар гаргана. Байдал янз янз байна. Зарим бүс нутагт тогоруу үржиж, тоо толгой нь олширч байхад зарим газарт эрчтэйгээр буурч байна. Тоо толгой нь буурч байгаа шалтгааныг тодруулах шаардлагатай” хэмээн Петр Осипов хэллээ.

Түүний хэлснээр хөдөө аж ахуй эрчимтэй хөгжиж байгаа газар тогорууны тоо толгой хорогдож байгаа ажээ. Мөн хээрийн түймэр дэгдэх нь тогорууны тоо толгойд нөлөөлж байгаа гэлээ.