Лас Вегасын тагтаанууд ковбой малгайтай болжээ

Лас Вегасд сүүлийн үед ковбой малгайтай тагтаанууд харагдах болжээ. Хүмүүс эхэндээ тэднийг өхөөрдөж байсан ч удалгүй тэдгээр малгайнууд тагтааны толгой дээр хэрхэн тогтож байгааг гайхаж эхэлцгээжээ. Амьтан хамгаалах газрынхан уг малгайнуудыг тагтааны энгийн амьдралд гай болох, нисэхэд нь саад учруулах, элдэв араатны анхаарал татах аюултай хэмээн үзэж малгайтай тагтаануудыг нэг нэгээр нь барин малгайг нь салгаж авах ажил эхлүүлээд байгаа гэнэ.

Тагтаануудад малгай өмсгөөд байгаа этгээд нууцлаг хэвээр байгаа бөгөөд малгайтай тагтаа харвал утсаар мэдэгдэхийг амьтан хамгаалах газар ард иргэдээс хүсчээ.