Хятад улс АНУ-ын технологиос гурван жилийн дотор "сална" | News.MN

Хятад улс АНУ-ын технологиос гурван жилийн дотор "сална"

Хятад улс АНУ-ын технологиос гурван жилийн дотор "сална"

Хятад улс АНУ-ын технологиос гурван жилийн дотор "сална"

Хятадын Коммунист намын эрх баригчид тус улсын бүх төрийн байгууллагуудад гадаад оронд тэр тусмаа АНУ-д үйлдвэрлэгдсэн бүх компьютер, техник хэрэгслээ гурван жилийн дотор солихыг үүрэг болгосон тухай дэлхийн хэвлэлүүд мэдээлж байна. Хятадын Засгийн газрын энэхүү шийдвэр нь “Intel”, “HP”, “Dell”, “Microsoft” зэрэг АНУ-ын үндэстэн дамнасан компаниудад цохилт болох юм. Энэхүү шийдвэрийн дагуу 20-30 сая ширхэг техник хэрэгслийг солихоор болж байгаа юм.

Гэхдээ ихэнх техник хэрэгслүүд АНУ-ын програм хангамжид зориулагдан бүтээгдсэн байдаг тул гурванхан жилийн хугацаанд гадны бүхий л компьютер хэрэгсэл, техник хангамжийг солих нь хүндрэлтэй асуудал гэдгийг мэргэжилтнүүд тайлбарлаж байна.

Уг шийдвэр нь АНУ-ын компаниудад хохирол учруулж шалихгүй ч өөрсдийнх нь хувьд маш том сорилт болно гэж эдийн засагчид үзжээ.

Хятадын төрийн байгууллагууд Хятадын “Lenovo” компанийн копьютерийг ашиглана гэж таамаглаж байгаа ч түүний процессорын чипийг АНУ-ын “Intel” компани үйлдвэрлэдэг юм. Гэхдээ Хятад улс сүүлийн жилүүдэд өөрийн бичил чип үйлдвэрлэлийн салбарыг хөгжүүлэхэд ихээхэн анхаарал хандуулан ажиллаж байгаа билээ.

Мөн Хятад улсад “Microsoft Windows” үйлдлийн системийг орлох өөрийн гэсэн үйлдлийн систем байхгүй. “Huawei” компани өөрийн “HarmonyOS” үйлдлийн системийг хөгжүүлсэн ч энэ төрийн үйлчилгээнд ашиглаж болох эсэх нь тодорхойгүй байна.

Гадны техник хэрэгслээс ангижрах ажил ерөнхийдөө “3-5-2” гэсэн зарчмаар үргэлжлэх аж. Өөрөөр хэлбэл, 2020 он гэхэд нийт техник хангамжийн 30 хувь, 2021 он гэхэд 50 хувь, 2022 он гэхэд үлдсэн 20 хувийг шинэчилж дуусна гэж тооцоолжээ.

Уг шийдвэр нь Хятадын талаас АНУ-ын хориг арга хэмжээнд үзүүлж буй бодит хариу гэж харж болох ба нөгөөтэйгүүр хоёр улсын хооронд өрнөж буй буй худалдааны дайн хэрхэн технологийн дайн болон хувирч буйг харуулж байна гэж эх сурвалжууд мэдээлжээ.

АНУ-ын эрх баригчид өөрийн компаниудаа Хятадын харилцаа холбооны “Huawei” компанийг “хар жагсаалт”-д оруулж тус компанид бүтээгдэхүүн үйлчилгээ нийлүүлэхийг хориглосны дагуу тус улсын “Google”, “Intel”, “Qualcomm” зэрэг томоохон компаниуд “Huawei” компанитай тогтоосон хамтын ажиллагаагаа “царцааж” эхэлсэн юм.

“Худалдааны дайны нөлөөгөөр Бээжин олон улсад өөрийн эдийн засгийн сул талаа харуулчихлаа. АНУ-ын зүгээс Хятадыг технологиор “боох” илүү хатуу шийдвэр гаргах юм бол Бээжин гаргасан шийдвэртээ харамсах болно” хэмээн Хонгконгод төвтэй “Adamas Asset Management” санхүүгийн байгууллагын захирал Брок Силверс хэлжээ.

Нөгөөтэйгүүр энэхүү шийдвэрийг Хятадын Ерөнхий сайд Ли Кө Цян болон түүний кабинетийн санаачилсан “Made In China 2025” санаачилгын хүрээнд авч буй арга хэмжээ гэж хэлж болох юм. Хятад улс дэлхийн улс орнуудын үйлдвэрлэлийн төв бус өөрийн дотоодын үйлдвэрлэлийг дэмжиж, илүү чанартай, техник технологийн хувьд хараат бус болох гол зорилготой юм. “Made In China 2025” санаачилгын хүрээнд тус улс нь 2025 он гэхэд эм, хагас дамжуулагч, робот хөгжүүлэлт, эрчим хүч, сансар судлал, автомашин, IT, ХАА-н тоног төхөөрөмж зэрэг өндөр технологийн салбарын үндсэн бүтээгдэхүүний 70 хувийг дотооддоо үйлдвэрлэдэг болохоор чармайж байна. Тиймээс ч Хятадын тал худалдааны дайн нь тус улс дотоодынхоо үйлдвэрлэлийг дэмжих нөхцөлийг бий болгож байна гэж харж байгаагаа илэрхийлж байгаа юм.

Эх суравалж: BLOOMBERG

 

Энэ мэдээнд өгөх таны сэтгэгдэл?
3
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

G 2019-12-10 192.82.65.175

Хятад хэзээ ч чадахгүй, учир нь хаалттай нийгэмд хүний тархи бас хаалттай байдаг, дарамтаар хичнээн зүтгээд чөлөөтэй гүйж оун сэтэхүйг гүйцэхгүй

Avatar

Зочин 2019-12-10 43.242.243.155

ЗХУ-ын жишгийг дагаж байгаа юм биздээ. Оросууд радио, телевизор, индүүнээс эхлээд машин, онгоц, атомын з****г хүртэл бүгдийг хуулж хулгайлаад сүүлдээ хүний сэтгэлгээг дарангуйлдаг хоцрогдлоосоо болж сүйрсэн. Хятадууд юмыг үйлдвэрлэдэгч гэсэн зохион бүтээх тал дээр хэзээч эрх чөлөөтэй сэтгэдэг нийгмийг гүйцэхгүйдээ

Avatar

zochin 2019-12-10 103.229.120.95

Orinn zuun jildee Hyatad Oros yaj chardaagaad guitsehguiu.

Avatar

Зочин 2019-12-10 43.228.129.250

Khyatad chadah uu? KOsmetik tudii l zuil dee.

Avatar

Зочин 2019-12-10 59.153.84.70

Ямар манай залхуу Монгол улс биш дээ 1 тэрбум хүн байна энд хөдөлмөрч хүмүүс олон байгаа 3 жилийн дотор биш юмаа гэхэд 2030 гэхэд чадах л байлгүй.Одоогийн Хятад улс яаж хувирсаныг харж байгаа биз дээ

Avatar

Зочин 2019-12-10 58.230.1.46

Харин тийм хаха сүүлийн 30 жилд боломж нь байсаар байхад л зөвхөн газар ухахаас өөр юм сэтгэж чадахгүй, шинжлэх ухаан технологийн хөгжил нь МЭӨ зуундаа байгаа Монгол улс бол 100 байтугай 1000 хувь гадаадаас хараат байдалд байгаа ш дээ.

NewsMN Гар утасны хувилбар Татах
NEWS.mn

Мэдээллийн эх сурвалж