Волейболын клубуудын дэлхий аваргууд тодорлоо

Хуучирсан мэдээ: 2019.12.09-нд нийтлэгдсэн

Волейболын клубуудын дэлхий аваргууд тодорлоо

Волейболын клубуудын дэлхий аваргууд тодорлоо

FIVB буюу Олон улсын волейболын холбооноос жил бүр зохион байгуулдаг клубуудын дэлхийн аварга шалгаруулах тэмцээний эрэгтэй төрөл нь энэ сарын 4-8-ны/2019.12.04-08/ өдрүүдэд Бразил улсын Бетим хотод зохион байгуулагдсан бол эмэгтэй төрөл нь энэ сарын 3-8-ны/2019.12.03-08/ хооронд Хятад улсын Шаошин хотод зохион байгуулагдлаа.

Эрэгтэйчүүдийн клубуудын ДАШТ-нд Катар улсын Аль-Раяан спортс клуб, Итали улсын Гучинэ Любэ Чивитанова, Бразил улсын Сада Крузейро Волей , ОХУ-ын Зенит Казан зэрэг дөрвөн бөг өрсөлдөж Италийн Гучинэ Любэ Чивитанова клуб финалын тоглолтонд Бразилын Сада Крузейро Волей клубыг дөрвөн сетийн тоглолтонд 3-1 гэсэн харьцаатай хожиж клубын түүхэндээ анх удаа ДАШТ-ний аварга боллоо. Тус тэмцээний “Үнэ цэнэтэй тоглогч”-оор Гучинэ Любэ Чивитанова клубын Бруно Резендэ шалгарчээ.

Харин Хятадад эмэгтэйчүүдийн клубын ДАШТ-нд Бразил улсын Дентил Праяа , Итали улсын Имого Воллей Гонеклиано , Турк улсын Эзациба Витра Истанбул болон Вакифбанк Истанбул , Бразил улсын Итамбэ Минас, Хятад улсын Гуандун Эвэргранд болон Тианжин Бохай Банк , Итали улсын Игор Горгонзола Новара зэрэг 8 клубууд өрсөлджээ. Улмаар финалын тоглолтонд Италийн Имого Воллей Гонеклиано болон Турк улсын Эзациба Витра Истанбул клубууд тунан үлдэж дөрвөн ээлжийн тоглолтонд 3-1 гэсэн харьцаатай Имого Воллей Гонеклиано клуб ялж анх удаа оролцсон ДАШТ-дээ анхны дэлхийн аваргын цомоо өргөлөө. Тус тэмцээний “Үнэ цэнэтэй тоглогч”-оор Имого Воллей Гонеклиано багийн Паоло Огэчи Эгону тодорчээ.

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж