Дэлхийн гоо бүсгүйчүүдийн уралдаан тэмцээнүүдээс чансаагаараа эхний дөрөвт багтдаг “Miss Universe” наадмын сүүлийн шатны шалгаруулалт өнгөрсөн шөнө АНУ-ын Жеоржиа мужийн Атланта хотод зохион байгуулагдлаа.

Энэ жилийн “Miss Universe” наадмын ялагчаар Өмнөд Африкийн гоо бүсгүй Зозибини Тунзи шалгарчээ. Тэрбээр усны хувцастай үзүүлбэр, үдшийн даашинз зэрэг шалгуурт амжилттай оролцож, асуулт хариултад мөн хамгийн сайн хариулт өгсөн байна.

Тунзи “Надтай адил арьстай, надтай адил үстэй эмэгтэйчүүдээр хүрээлүүлж өссөн. Мөн надтай адилхан эмэгтэйчүүдийг хэзээ ч үзэсгэлэнтэй гэж хардаггүй тийм л орчинд би өссөн. Өнөөдөр энэ бүгдийг дуусгах цаг ирсэн гэж би бодож байна. Би хүүхдүүд миний царайг руу эгцлэн хараасай, хүмүүс миний оронд өөрсдийгөө тавьж үзээсэй гэж хүсч байна” хэмээн хэлсэн нь маш олон хүмүүсийн сэтгэлийг хөдөлгөжээ.

Түүнтэй хамт Мексик, Пуэрто Рикогийн гоо бүсгүйчүүд эцсийн шатанд тунан үлдсэн байна. Мөн энэ жилийн тэмцээний гол онцлог нь анх удаа ижил хүйстэн гэдгээ олон нийтэд зарласан Мьянмарын гоо бүсгүй оролцсон явдал байв.

Эх сурвалж: CNN