Цагаан морин жилийн ардчилсан хувьсгал гэрэл зурагт | News.MN

Цагаан морин жилийн ардчилсан хувьсгал гэрэл зурагт

Цагаан морин жилийн ардчилсан хувьсгал гэрэл зурагт

Цагаан морин жилийн ардчилсан хувьсгал гэрэл зурагт

Улс төрийн өлсгөлөн, Монголын ардчилсан холбооны Анхдугаар их хурал, Сүхбаатарын талбай дахь 20 гаруй мянган хүн оролцсон цуглаан гээд Цагаан морин жилийн ардчилсан хувьсгалын түүхийг өгүүлэх гэрэл зургийн үзэсгэлэн өнөөдөр /2019.12.09/ Монголын театрын музейд нээлтээ хийлээ.

Ардчилсан хувьсгалын 30 жилийн ойд зориулан зохион байгуулж буй "Цагаан морин жил-Ардчилсан хувьсгал-30” гэрэл зургийн үзэсгэлэнд гэрэл зурагчин, сэтгүүлч Т.Энхболдын түүхэн агшныг харуулсан гэрэл зургийн архиваас 100 орчим гэрэл зургийг дэлгэжээ.

Үзэсгэлэнгийн нээлтийн үеэр гэрэл зурагчин Т.Энхболд “Би мэргэжлийн сэтгүүлч хүн. Тухайн үед “Монцамэ” агентлагийн англи, орос хэлнээ хэвлэгдэн гардаг байсан “Моngolia” сэтгүүлийн сурвалжлагчаар ажилладаг байлаа. Гэрэл зургаа өөрөө авч, мэдээгээ өөрөө бичнэ. Харамсалтай нь, тэр үед миний бичсэн мэдээ, гэрэл зургийг сэтгүүлд огт нийтэлдэггүй байсан юм. Бараг зургаан сарын дараагаас л миний анхны мэдээ зурагтайгаа сэтгүүлд нийтлэгдсэн. Миний бие Цагаан морин жилийн ардчилсан хувьсгал арванхоёрдугаар сард эхлэхэд гэрэл зураг авч эхэлсэн. Тухайн үед би гэрэл зургийн архивтай болсон. Өнгөрсөн хугацаанд ардчилсан хувьсгалын олон үзэсгэлэнд оролцож, гэрэл зургаа дэлгэж байсан. Харин энэ удаа анхны бие даасан үзэсгэлэнгээ гаргаж байна

Миний гэрэл зургуудад 1989 оны арванхоёрдугаар сарын 10-нд хамгийн анхны ардчилсан хувьсгалын цуглааны дүр төрхийг харуулсан цөөнгүй зураг бий. Анхны цуглааны үеэр жагсагчид сэтгэл зүйн хувьд их айдастай, дуугарч ядсан, яах бол гэсэн хүлээлттэй эхэлж байсан. Цуглааны сүүл хэсэгт “Хонхны дуу” эгшиглэхэд л хүмүүсийн царайнд инээмсэглэл тодорч байлаа. Мөн нэгэн чухал түүхэн үйл явдал бол улс төрийн өлсгөлөнг анх удаа Монгол Улсад зарласан. Энэ үед зарим жагсагчид амьдралаараа дэнчин тавьсан байсан” гэж ярилаа.

Түүний хальснаа буусан нийт 300 гаруй гэрэл зургаас энэ удаа 100 орчим зургийг нь олон нийтэд дэлгээд буй нь энэ ажээ.

А.СҮРЭН

Гэрэл зургийг Д.БҮЖИН

 

Энэ мэдээнд өгөх таны сэтгэгдэл?
3
ЗөвЗөв
2
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2019-12-09 43.242.243.70

нэг гүүр өнгөрөөд Ажилчны-" район байдаг байлаа яндангийн дуугаар ажилдаа очдог байлаа хонхны дуунаас хойш бүх үйлдвэрүүд будаа бүх ажилчид аиьдралгүй одоо гүүр даваад нэлээдгүй баячууд хоёр гүүр даваад ,,, ийм байна

Avatar

Зочин 2019-12-09 213.143.46.139

ХУВЬСГАЛАА ХАТ.ӨҮҮ ЗАЛУУ ҮЕИЙГ МУНХРУУЛ.ТА НАРТАЙ ТА НАРГҮЙ УГААСАА ШИЛЖИЛТ ХИЙХ Л БАЙСАН.ТА НАР ЗҮГЭЭР Л ХУДЛАА ГЭНЭН ЦАЙЛГАН ТЭНЭГДҮҮ АНГИЙХНЫ ТОЛГОЙГ ЖООХОН ЭРГҮҮЛСЭН ШҮҮ ДЭЭ.БҮҮ БУР,БҮҮ ЖҮЖИГЛЭ

Avatar

Бат үүл элбэгдорж хоёрын ардчилал 2019-12-09 202.21.116.6

Бат-үүль Элбэгдоржийн өмссөн бүх хувцасны үнэ эд нарын ач нарын барьж буй утасны хаан ч хүрэхгүй юм байна.

Avatar

Зочин 2019-12-09 43.242.242.59

Ардчилал гэж нэрлэгддэг энэ хувьсгалын үр шимийг цөөхөн хүн хүртсэн дээ. Нийт ард түмэн ихэнх нь гуйлгачин болсон. Өвчин тусаад эмчигээ авъя гэвэл мөнгө, дээд сургуульд суралцъя гэвэл асар их мөнгө бүх зүйлийг мөнгөөр хэмдэг болсон. Үнэгүй юм гэж юу ч байхгүй болсон. Элбэгдорж, Бат-Үүл, Батбаяр, Дорлигжав, Эрдэнэ, Сайханбилэг, Баярцогт гээд олон тэрбумтан болсон нэрс цаашаагаа үргэжилнээ. Бид ийм ялгавартай цөөхөн хүн нь улс орныхоо баялагыг хувааж иддэг шударга бус нийгмийг хүссэн гэж үү

Avatar

Зочин 2019-12-09 202.55.191.194

Ардчилалын толгойчид гээд байгаа гарууд нэгнийгээ алаад өөрсдөө улсаа цөлмөн тоноод гадаад руу дүрвээд арилж өгсөн дөө хөөрхий муусайн нэхий нөмөрсөн чононууд

NewsMN Гар утасны хувилбар Татах
NEWS.mn

Мэдээллийн эх сурвалж