Хүүхэд хулгайлах гэдэг нэр томъёо Англи хэлэнд анх бий  болсон бөгөөд тэр үед далайн дээрэмчид Америкын тамхины баян тариалан эзэмшигчдэд худалдахаар хүүхдүүдийг хулгайлдаг байжээ. Гэвч 19 –р зууны дунд үед гэмт хэргийн түүхч Колин Вилсон мэргэжлийн гэмт хэрэгтнүүд хүнээр барьцаа болгон мөнгө нэхдэг тухай “ Гэмт хэргийн бодит үнэн” номондоо бичих хүртэл энэ тухай хүмүүс тэр бүр мэддэггүй байсан байна.  Европ, Азид нэлээн тархаад байсан хүн хулгайлах гэмт хэрэг 20 –р зууны эхэн үе хүртэл Америкад огт байхгүй байжээ. Харин 1874 онд Филадельфид гарсан хүүхэд хулгайлсан хэрэг олныг цочирдуулсан юм. 4 настай охиныг хулгайлж, амийг нь хөнөөсөн Росс гэгчийн хэрэг олон нийтийн анхаарлыг татаж хүүхэд хулгайлахын эсрэг хамгийн анхны хуулийг санаачлахад хүргэсэн билээ. Охины цогцсыг хэн ч олоогүй юм. Харин Пинсилвани муж  хүүхэд хулгайлсан этгээдийг 100 мянган ам доллараар торгож, 25 жил шоронд хорих хууль гаргасан юм.  Гэвч баян, эрх мэдэлтэй айлын хүүхдүүд Чикагод  14 настай хүүг хулгайлж амь насыг нь хэрцгийгээр хөнөөх хүртэл Америкчууд хүүхдийн хулгайн аюул заналхийлэл нэмэгдэж байгааг  ойлгоогүй байсан юм.

Баян, хэрцгий алуурчид Натан, Ричад хоёр
Тэд хоёулаа тэрбумтануудын гэр бүлээс гаралтай, өндөр боловсролтой, гаж донтнууд байжээ.  Натаны  I.Q 200 хүрдэг, есөн хэл мэддэг, Чикагогын их сургуулийн хамгийн залуу төгсөгч тэрбээр ер бусын ухаантай солиот байсан гэдэг.  Баян өв залгамжлагч түүнийг эцэг эх нь юугаар ч дутааж байгаагүй бөгөөд хүссэн болгоноо авдаг байсан нь түүнийг өөдгүй этгээд болгож хувиргасанд гайхах зүйлгүй. Тэрбээр өөрийн гар хөл Ричардаас бусад хүнийг үл тоомсорлодог байсан юм. Тэднийг гомосексчид байсан гэдэг. Ричард ч мөн гайхалтай ухаантайн зэрэгцээ маш хөдөлгөөнтэй этгээд байсан аж. Тэд хамтдаа тааварлахын аргагүй гэж зүйл хийж зугаацдаг байжээ. Ричард гэмт хэргийн сэдэл, санаа боловсруулахад ихэнх цагаа өнгөрүүлдэг этгээд араншинтай байсан гэдэг. Эцэст нь тэд аймшигтай гэмт хэрэг үйлдсэн юм. Тэд 14 настай  Бобби Фрэнкийг хулгайлж дагзанд нь хутгалж амийг нь хөнөөгөөд, муу усны сувагт хаяж, дээрээс нь хүчил асгасан байжээ.  Боббигын эцэг тэр бумтан гэдгийг тэд мэдэж байсан тул тэр өдрөө 10 мянган ам долларын барьцаа нэхсэн гэдэг. Мэдээж тэдний хэнд ч тэр мөнгөний хэрэг байгаагүй юм.  Тэд мөрөө баллаж, мөрдөгчдийг төөрөгдүүлэхээр тооцоолсон нь тэр байж. Удагүй Боббигыг цогцос олдож, хүүгийн алуурчныг олох эрэл Чикаго даяар өрнөжээ. Алуурчдыг эцэст нь баривчилж, тус бүрт нь 99 жил шоронд хорих ял оноосон юм. Натан шоронд гомосексч залууд алуулсан бол Ричард 1958 онд суллагдаж Пуэрто Рико руу нүүгээд, 1971 онд нас баржээ. Хүүхдийг хүчээр авч явж,  ямар ч шалтгаангүйгээр амь насыг нь хөнөөсөн энэ хэрэг  Америкчууд эцэг эхчүүдэд том сургамж болсон юм.

Бэлтгэсэн Н.Энх