УНТЭ эрхтэн шилжүүлэн суулгасан иргэдэд дархлааны эм олгож эхэлжээ

Хуучирсан мэдээ: 2019.12.09-нд нийтлэгдсэн

УНТЭ эрхтэн шилжүүлэн суулгасан иргэдэд дархлааны эм олгож эхэлжээ

УНТЭ эрхтэн шилжүүлэн суулгасан иргэдэд дархлааны эм олгож эхэлжээ

Монгол Улсын иргэд эрхтэн шилжүүлэн суулгуулах мэс заслыг 1998 онд Хятад улсад бөөр шилжүүлэн суулгуулж эхэлснээр хийлгэж эхэлжээ. Эрхтэн шилжүүлэн суулгуулсан хүмүүс  насан туршдаа дархлаа дарангуйлах эмийг хэрэглэх болсон. Бөөр шилжүүлэн суулгуулсан иргэдэд Програф/Такролимус/ эмийг олгох зохицуулалтыг 2004 оноос эхлээд Эрүүл мэндийн сайд, Сангийн сайдын хамтарсан тушаалаар эмчлэгч эмчийн жорын дагуу олгож эхэлжээ. Улсын нэгдүгээр төв эмнэлэг нь улирал бүр эмийн тайлан тооцоог гарган Эрүүл мэндийн яаманд хүргүүлж ажиллаж байна.

Энэ оны эхний гурван улирлын байдлаар Дархлаа дарангуйлах эмийг Улсын Нэгдүгээр төв эмнэлгийн хяналтанд нийт 500 гаруй хүн ууж байна. Өнөөдрийн байдлаар 2018-2019 онд Эрхтэн шилжүүлэн суулгуулсан иргэдээс УНТЭ-т эмийн хангалтанд орох хүсэлтээ өгсөн элэг шилжүүлэн суулгасан 33, бөөр шилжүүлэн суулгасан найм, Хавдар судлалын үндэсний төвөөс таван хүн хүлээгдэж байна. Эдгээр иргэдийн хувьд өмнө жил нь хэдэн сард хагалгаанд орсноос үл хамааран эмийн зардал нь дараа оны улсын төсөвт тусгагдаж, шинэ оны нэгдүгээр улирлаас нь эмийн хангалтандаа орох ёстой байдаг аж.

Тэгвэл Улсын нэгдүгээр төв эмнэлгийн захиргаа, Эрхтэн шилжүүлэн суулгах төв, Эмзүйн албанаас 2019 оны гуравдугаар улирлын эмийн гүйцэтгэлийн тайланг үндэслэн эмийн тунгийн хэлбэлзэл, гемодиализ эмчилгээнд орсон болон өөр эмэнд шилжсэн шалтгаануудаас эмийн хэмнэлт үүссэн байна. Тэр хэмнэсэн зардлаара хүлээгдэж буй хүмүүсийг Програф/Такролимус/ эмэнд хамруулах боломжийг бүрдүүлжээ.

Улсын Нэгдүгээр төв эмнэлгийн удирдлагууд, Эрхтэн шилжүүлэн суулгах төвийн эмч мэргэжилтнүүд, Эмзүйн албаныхан,эрхтэн шилжүүлэн суулгуулсан иргэдийн холбооны төлөөллийг хүлээн авч, хүлээгдэж буй нийт 46 хүний хүсэлтийг урьдчилан шийдвэрлэж 50 гаруй сая төгрөгийн эмийн олгож эхэлжээ. Мөн гадаадад эрхтэн шилжүүлэн суулгуулсан иргэд Улсын Нэгдүгээр төв эмнэлгийн хяналтанд эмээ ууж эхлэх боломжтой болсон байна.

А.СҮРЭН

 

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж