ХХБанк Тайланд Бат (THB)-ыг төлбөр тооцоонд нэвтрүүллээ | News.MN

ХХБанк Тайланд Бат (THB)-ыг төлбөр тооцоонд нэвтрүүллээ

ХХБанк Тайланд Бат (THB)-ыг төлбөр тооцоонд нэвтрүүллээ

ХХБанк Монгол Улсад анхлан Тайланд улсын мөнгөн тэмдэгт болох Бат (THB)-ыг энэ оны 10-р сарын 15-ны өдрөөс эхлэн гадаад төлбөр тооцоондоо нэвтрүүллээ.

Манай улсын иргэд Тайланд улс руу 2007 оноос эхлэн 30 хоногийн хугацаанд визгүй зорчих боломж нээгдсэнээс хойш жилд дунджаар 10-15 мянган иргэн аялал жуулчлал болон эмчилгээний зорилгоор Тайланд улсыг ихээр зорьдог болсон.

ХХБанк Тайланд улсын валют Бат (THB)-ыг гадаад төлбөр тооцоондоо нэвтрүүлснээр иргэд, харилцагчид Тайланд улсыг зорихдоо ам.доллар худалдан авч, Бат (THB) руу хөрвүүлэн ашигласнаар үүсэж болох ханшийн зөрүүний болон бэлэн мөнгөний эрсдэлүүдээс бүрэн хамгаалагдах боломжтой боллоо.

ХХБанк нь гадаад харилцаа, олон улсын банкны үйл ажиллагаагаар банкны салбартаа үргэлж тэргүүлэгч нь байсаар ирсэн бөгөөд 2019 оны байдлаар Монгол улсад хамгийн олон төрлийн валютаар буюу үндсэн 16 болон бусад 23 нийтдээ 39 төрлийн валютаар харилцагч нартаа үйлчилгээ үзүүлж, Монгол Улсын нийт гадаад төлбөр тооцооны 85 хувь, Худалдааны санхүүжилтийн 57 хувийг дангаараа гүйцэтгэж байна.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж