Монголбанк өнөөдөр хуваарь ёсоор гадаад валютын дуудлага худалдаа зохион байгууллаа. Дуудлага худалдаагаар банкууд 1991.10-1997.11 төгрөгийн ханшаар 15.3 сая ам.доллар, 310.60-313.02 төгрөгийн ханшаар 50.65 сая юань худалдан авах санал ирүүлсэн байна. Харин Монголбанк 12.4 сая ам.долларыг 1994.00 төгрөгийн хаалтын ханшаар, 21.0 сая юанийг 311.51 төгрөгийн хаалтын ханшаар банкуудад нийлүүллээ. Мөн өдрийн своп, форвард хэлцлээр банкууд 4.15 сая ам.доллар худалдан авах төгрөгийн своп, 15 сая ам.доллар худалдах ам.долларын своп хэлцлийн санал ирүүлснийг Монголбанк 100 хуви биелүүлжээ.

 Г.ТУУЛ