БНХАУ-ын Шямин хотноо өнгөрсөн сарын 30-наас энэ сарын 6-ны хооронд Ази тивд анх удаа 6 өдөр, 6 шөнө тасралтгүй үргэлжилдэг олон өдрийн гүйлтийн тэмцээн зохион байгуулагджээ. Тус тэмцээнд Монгол Улсын тамирчин, Хэт холын зайн гүйлтийн дэлхийн хошой аварга Б.Буджаргал түрүүлсэн байна.

Тэрбээр олон өдрийн уралдаанд хамгийн өндөр амжилт гаргаж байгаа монгол тамирчдын нэг юм. Монгол хүний тэсвэр тэвчээрийг дэлхийд гайхуулж яваа Б.Буджаргал энэ жил АНУ-д болсон олон улсын тэмцээний 10 өдрийн гүйлтийн төрөлд хурд сорихдоо 1221.8 км замыг туулж түрүүлсэн билээ.

Б.ЖАРГАЛ