Богд Зонховын нирваан дүр үзүүлсний 600 жилийн ой энэ жил тохиож байна. Ойд зориулан олон үйл ажиллагаа болж байгаа бөгөөд өнөө өглөө /2019.12.7/ мандал өргөх ёслол болж, яг одоо Гандантэгчэнлин хийдийн тэргүүн их хамба лам, гавж, Д.Чойжамц "Аврал одуулахын хөтөлбөр, Мигзэмийн лүн" ном айлдаж байна.

Тэрбээр "Бурхан багшийн номыг үзэж гэгээрсэн мэргэд одоогийн хүмүүсийн оюун ухаанд тохируулан бурхан багшийн номыг эмхэтгэсэн байдаг. Багш хүн ёс зүйд суурилсан мэдлэгтэй байж, шавь нартаа мэдлэг түгээнэ. Өтлөх, хүссэн зүйл олдохгүй байх, үхэх зэрэг ертөнцийн найман зовлон бий. Гарцаагүй байдаг энэ зовлонгоос ангижрах зүйл нь сүсэг бишрэл. Сүсэг бишрэлийн ачаар хязгааргүй эрдэмд хүрч болно" гэлээ.

Р.ДУЛАМ