Мэдэгдэл: МУИС-ийн удирдлагууд дүн засах боломжгүй | News.MN

Мэдэгдэл: МУИС-ийн удирдлагууд дүн засах боломжгүй

Мэдэгдэл: МУИС-ийн удирдлагууд дүн засах боломжгүй

Мэдэгдэл: МУИС-ийн удирдлагууд дүн засах боломжгүй

МУИС-ийн зарим удирдлагыг зохион байгуулалттайгаар илтэд гүтгэсэн, ташаа мэдээлэл нэр бүхий хэвлэл мэдээллийн хэрэгсэл, сэтгүүлчийн цахим хуудсаар арваннэгдүгээр сарын 30-ны өдөр гарлаа. Тус мэдээнд МУИС-ийн нийт 1500 гаруй багш, ажилтан, 20 мянга орчим оюутныг өдөөн турхирсан, зарим албан тушаалтан руу илтэд дайрсан, гүтгэлгийн шинжтэй зүйлүүд байсан тул энэхүү мэдэгдлийг гаргаж байна.

МУИС нь СиСи мэдээллийн системийг 2003 онд зохион бүтээж, хөгжүүлэн 2010 оноос сургалтын үйл ажиллагаанд үе шаттайгаар нэвтрүүлсэн. Хуучин сурлагын дэвтэр, дүнгийн хуудас дээр тавигдсан дүнг цахимжуулж эхэлсэн юм. Мэдээллийн систем нэвтрэх үед дутуу орсон дүнгүүд ихээр хуримтлагдсан байсан бөгөөд үүнээс үүдэн оюутнууд залгамж холбоотой хичээлээ судалж чадахгүй, хугацаандаа төгсөх боломжгүй болох зэрэг хохирлууд амссаар байсан. Тиймээс 2014 онд МУИС-ийн шинэ бүтцээр Сургалтын нэгдсэн алба байгуулагдсанаар эдгээр асуудлыг цэгцлэх санаачилга гаргаж, 2014 оны арваннэгдүгээр сарын 25-ны өдрийн МУИС-ийн Захиргааны зөвлөлийн хурлаар хэлэлцүүлж (хурлын товч мэдээллийг https://news.num.edu.mn/?p=46455-аас харна уу) хурлын шийдвэр, үүргийн дагуу Бүрэлдэхүүн сургуулиудад 2014 оны арваннэгдүгээр сарын 25-нд 2/2010 тоот албан бичгийг тухайн үеийн Сургалт эрхэлсэн дэд захирал Д-р. О.Мөнхбат илгээж байсныг хавсралтаас үзнэ үү.

Үүний дараа, 2014 оны 12 дугаар сарын 9-ний өдрийн Захиргааны зөвлөлийн хурлаар тус асуудлыг судлан үзэж дахин хэлэлцүүлээд шийдвэрлэх чиг үүргийг Сургалтын нэгдсэн албаны дарга Д-р. Ч.Ундрамд даалгасан юм (хурлын товч мэдээллийг https://news.num.edu.mn/?p=46469-аас харна уу). Сургалтын нэгдсэн алба, Мэдээллийн технологийн алба, бүрэлдэхүүн сургуулийн сургалтын албаны дарга, эрхлэгч, мэргэжилтнүүд маш өндөр ачаалалтай ажиллаж үе шаттайгаар асуудлыг шийдвэрлэж ирсэн. Энэ үед Мэдээллийн технологийн алба нь МУИС-ийн Захирлын шууд удирдлагад, үйл ажиллагаагаа хараат бусаар явуулж байсныг онцлон тэмдэглэж байна. МУИС-ийн Захирал болон дэд захирлуудад СиСи системд дүн засах эрх байхгүй, харин давхар хянах боломжтой байдаг. Дүнг засах эрх зөвхөн багшид байдаг бөгөөд түүнийг системд оруулах, зөвшөөрөх үүрэг сургалтын албаны мэргэжилтэн, холбогдох албан тушаалтнуудад ногддог.

Дахин сануулан хэлэхэд МУИС-ийн эрдэмтэн багш, профессоруудын тухайн суралцагчид оноосон дүнг хэн нэгэн ажилтан, удирдлага засах тухай ойлголт нь байж боломгүй зүйл бөгөөд энэхүү асуудлыг нэр бүхий багш нарын гомдлын дагуу хууль, хяналтын байгууллага шалгаж үндэслэлгүй болохыг тогтоож шийдвэрлэсэн болно.

Гэтэл хэвлэл мэдээллийн хэрэгслээр дүн засдаг мэт ойлголт төрүүлэн гүтгэж буй нь өөрөө хууль зөрчсөн үйлдэл болохыг хатуу анхааруулъя.

МУИС-ийн Захиргаа

"Болор дуран"-аар шалгав.
Энэ мэдээнд өгөх таны сэтгэгдэл?
6
ТэнэглэлТэнэглэл
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-05 202.9.46.40

Ундрам гэж но-той хүүхэн дээ

Avatar

Gomboo 2019-12-05 202.21.102.226

Сурдаг оюутан охиноо жирэмслүүлээд дутагдлаар ажлаас халагдсан Амартүвшинг яагаад эргүүлээд багшаар авсан бэ? МУИС-ын удирдлагаа???????????????????????????????????????????? Давтан үйлдүүлэх гээд байна уу????????????????

Avatar

Зочин 2019-12-05 202.179.26.202

Муур багш

NewsMN Гар утасны хувилбар Татах
NEWS.mn

Мэдээллийн эх сурвалж