"Банкуудын өндөр хадгаламжаас болж зээлийн хүү буурахгүй байна" | News.MN

"Банкуудын өндөр хадгаламжаас болж зээлийн хүү буурахгүй байна"

"Банкуудын өндөр хадгаламжаас болж зээлийн хүү буурахгүй байна"

"Банкуудын өндөр хадгаламжаас болж зээлийн хүү буурахгүй байна"

Эдийн засгийн байнгын хорооны өнөөдөр /2019.12.04/-ийн хуралдаанаар Төрөөс мөнгөний бодлогын талаар 2020 онд баримтлах үндсэн чиглэл батлах тухай тогтоолын төслийг хэлэлцлээ. Хэлэлцэж буй асуудалтай холбогдуулан УИХ-ын гишүүд саналаа хэллээ. Тухайлбал,

УИХ-ын гишүүн Ц.ГАРАМЖАВ:

-Улсын мөнгөний бодлого тогтворжиж байгаа нь үнэн, эдийн засгийн хямрал тогтворжиж, өсөлттэй байгаа.  Гэвч Төв банктай мөнгөний бодлого шууд холбогдоно. Монголбанк өөрөө мөнгөний бодлого дээр тогтвортой, хариуцлагатай байх ёстой. 2012-2016 оны хугацаанд Төв банкны дотоод асуудлаар шалгалт хийхэд улсын валютын нөөц, эрдэнэсийн сан, долларын ханш гэнэт унасан гэх мэт асуудлууд маш их гарсан. Төв банк өөрөө маш том алдаа гаргасан. Цаашид ханш, мөнгөний бодлогыг тогтвортой байлгах чиглэлээр ямар бодитой, тодорхой арга хэмжээ авч, үйл ажиллагаа хийх вэ. Өмнө нь УИХ-аас гарсан тогтоол, чиглэлүүд бий. Тэдний хэрэгжилт ямар байна вэ.

Ажлын хэсэг:

-Монголбанк бодлогын чиглэлээр дотоод үйл ажиллагааны хүрээнд доголдолуудыг засах зорилгоор дунд хугацааны хөтөлбөрийг хоёр жилийн хугацаанд хэрэгжүүлж байгаа. Төв банкны газар нэгжүүдийн уялдаа холбоо, харилцан хяналтын тогтолцоог бий болгож, суулгаж өгсөн. Тухайлбал, хууль эрх зүйн газар дээр хяналт, бодлого нь тусдаа гэх мэт өөрчлөлт, шинэчлэлүүдийг хийж байгаа. Мөнгөний бодлогын хороо, Хяналт шалгалтын хороодыг бий болгож, ажиллаж байна. Сүүлийн үеийн мөнгөний бодлогын үндсэн зорилт эдийн засгийн уналтыг зогсоож, богино хугацаанд тогтворжуулах бодлого барьсны үр дүнд 2017 онд эдийн засга тогтворжсон учраас 2018 оны мөнгөний бодлогын зорилтыг эдийн засгийн өсөлтийг дэмжих зорилго руу чиглүүлсэн. Бизнес зээл нэмэх, аж ахуй нэгжүүдэд зээл олгох зэрэг багтана. 2019 онд гадаад эрэлт, түүхий эдийн үнэ гэх мэт өндөр өсөлтөө дэвэргэх биш дунд, урт хугацаанд нь савлагаа багасгах чиглэлээр зорилтуудаа тодорхойлсон. Мөн банкуудыг чадваржуулах чиглэлээр бодлого арга хэмжээ хэрэгжээд явж байна.

УИХ-ын гишүүн Б.БАТТӨМӨР:

-Монголын эдийн засаг ямар ч зохицуулалтгүй байна.  Хөгжлийн бодлогоо дагасан төрийн зохицуулалт байх ёстой. Үүнтэй холбоотойгоор банкны системд төрийн зохицуулалт байхгүй. Өнөөдөр 13 арилжааны банктай.  Энэ банкууд бүгд бие биенээсээ уралдаад өндөр хадгаламж авчихсан. Гэтэл зээлийн хүүг бууруулахад гол нөлөөлөгч нь хадгаламж эзэмшигч. Хадгаламж эзэмшигч нартай ярилцах боломж бий юу. Дундаж түвшинд инфляцийг яаж удирдах вэ. Монголбанкнаас хамаарахгүй инфляцийн өсөлтийг яаж зохицуулах вэ.

Ажлын хэсэг:

-Хадгаламж, төвлөрөлтэй холбоотойгоор зээлийн хүү буурахгүй байгаа шалтгааны нэг гэдэгтэй санал нэг байна. Сая бид эх үүсвэрийн төвлөрөлд хязгаарлалт тавьж, эрсдэл нь буурвал хүүнд эерэг нөлөө үзүүлэх болов уу гэж бодож байна. Бид банкны салбарын өөрийн хөрөнгийг нэмэгдүүлэхэд зээлийн хүүнд эерэг нөлөө үзүүлэх болов уу гэж  тодорхой арга хэмжээ авч байгаа юм.

Ийнхүү гишүүд үг хэлж, байнгын хорооны хуралдаанд оролцсон гишүүдийн олонх Төрөөс мөнгөний бодлогын талаар 2020 онд баримтлах үндсэн чиглэл батлах тухай тогтоолын төслийг дэмжлээ.

Үүний дараа Хот, суурины ус хангамж, ариутгах татуургын ашиглалтын тухай хуульд нэмэлт оруулах тухай хуулийн төслийг хэлэлцэв. Хот суурин газрын бохир усыг цэвэрлэх техник технологи муудаж, байгальд шууд хаяж, хүнд амын эрүүл мэндэд сөргөөр нөлөөлж байгаа. Улсын хэмжээнд 130 гаруй цэвэрлэх байгууламж байгаагаас ихэнх нь эвдрэлтэй. Цэвэрлэх байгууламжийн доголдлоос жилд 120 сая тонн шоо метр бохир усыг хаяж байгаа юм. Хэлэлцэж байгаа асуудалтай холбогдуулан гишүүд асуулт тавьж, хариулт авав.

УИХ-ын гишүүн Д.ТЭРБИШДАГВА:

-Хот суурины усан хангамж, ариутгалын асуудал чухал. Гэр хорооллын усан сангаас судалгаа хийхэд микро организм маш их байдаг. Гэр хорооллын айлууд нэг литр нь нэг төгрөг. Тонн ус авахад 1000 төгрөг. Тээвэрлэхээр 10 мянган төгрөг. Уснаасаа тээвэрлэлт н өндөр байгаа. Тиймээс цаашдаа гэр хороололд дэд бүтэц авчрах шаардлагатай. Гэр хороолол гэж байгаа ч ихэнх нь байшин болчихсон. Дотор нь халуун, хүйтэн усны дэд бүтэц шийдвэл хөрсний бохирдол, утааны асуудал багасна.

БХБ-ын сайд Х.БАДЕЛХАН:

-Энэ хуулийн төслийг дэмжиж өгөөч гэж УИХ-ын гишүүдээс хүсч байна. Үүн дээр ямар нэг нэмэгдэл зардал гарахгүй. Барилгын мэргэжлийн хяналтын байцаагч ус хангамжийн асуудлыг хариуцдаг. Тиймээс Ус зохицуулах зөвлөлд байгаа зарим мэргэжилтнүүдэд усны улсын байцаагчийн эрх олгоё.

УИХ-ын гишүүн Х.БОЛОРЧУЛУУН:

-Хот байгуулалтыг анхнаас нь зөв төлөвлөх хэрэгтэй байлаа. Төр нь хот байгуулахдаа дэд бүтцээ тавьж байна. Дэд бүтцээ зөв тавиад, үүнийхээ дагуу байшин барьж, дагуул хотоо хийдэг. Үүн дээр бид анхаарах ёстой хэмээв.

Ийнхүү гишүүд байр сууриа хэлсний дараагаар санал хураалт явуулав. Хот, суурины ус хангамж, ариутгах татуургын ашиглалтын тухай хуульд нэмэлт оруулах тухай хуулийн төслийг хэлэлцэхийг байнгын хорооны хуралдаанд оролцсон гишүүдийн олонх дэмжлээ.

Ш.ЧИМЭГ

Энэ мэдээнд өгөх таны сэтгэгдэл?
3
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-04 112.72.15.42

Монгол банк Бодлогын хүүгээ бууруулж байж Зээлийн хүү буурдаг гэдгийг мэддэгүй болтой. ийм МАНгарууд яаж улсыг авч явна даа.

Avatar

Бурхан 2019-12-04 103.9.89.18

Хамгийн эхлээд вальютын ченжийн захаа хаагаад арилжааны банкуудаар вальютын гүйлгээгээ хийдэг болчих, дараа нь долларын хадгаламжуудаа төгрөгт шилжүүлчих. Иймэрхүү маягаар төгрөгийнхөө ханшийг тогтвортой болгочих. Эдгээрийн дараагаар Монгол банкныхаа бодлогыг хүүг тодорхой хэмжээгээр буулга. Арилжааны банкууддаа шалгуур тогтоож ангил. Аль нь хамгийн найдвартай банк гэдгийг нь тодруул. Тэгээд Хамгийн найдвартай банкаар дамжуулан хадгаламжийн хүү өууруулах ажлыг зохион байгуулж эхэлдээ.

Avatar

Зочин 2019-12-04 46.188.125.154

Энэ Макиль Жексон нүд хамартай
Эр я***н энд тэнд дандаа худалаа шааанаа

Avatar

Зочин 2019-12-04 202.126.89.234

УЛС ТӨРЧДИЙН ПОПУЛИСТ АМЛАЛТУУДААС БОЛЖ ТӨГРӨГИЙН ХАНШ СУЛАРЧ БГАА ТУЛ ТӨГРӨГИЙН ХАДГАДАМЖИЙН ХҮҮ ӨНДӨР Б. ТӨГРӨГ ХЭЗЭЭ Ч ХООСОН ЦААС БОЛОХОД БЭЛЭН Б!

Avatar

/*-*/ 2019-12-04 49.0.212.18

Шуналын туламнууд хохь нь

Avatar

Зочин 2019-12-04 202.21.108.229

зээлийн хүүг хүчээр их хурлын гишүүдийн хүчиндэх арга замаар бууруулвал барааны хомсдол, очер бий бодох үүд нээгдэнэ. Хийгээд үзэх эрх дарх нь та нарт байгаа. Хаха

Avatar

Бат 2019-12-04 202.126.88.229

Баттөмөр шал худлаа хоцрогдсон гар шүү, ЖДҮ чин

Avatar

МАН түүхийн хар мөрийнхөө төлөө шударга ард түмний шүүхээр орох цаг айсуй 2019-12-04 202.21.100.210

ЖДУ- гийн 3% хүүтэй мөнгө албан тушаал эрх мэдлээ авсан энэ нөхөр мөн худлаа цуурч байна. Чам шиг юмнууд ард түмэнд очих ёстой 3% мөнгийг замаас нь авч хулгайлсаны төлөө өнөөдөр зээлийн хүү өндөр байгаа шүү өөрийгөө эхлээд толинд хараад үз. МАН-г газрын хөрснөөс арчиж хөрөнгийн хурааж 1937 онд гэм зэмгүй 30 мянган иргэнийг хороосон төлөө шүүх цаг ирсэн. Та нар хэмжээндээ байж үзээрэй татвар төлөгчийн мөнгийг сан нэрээр байгуулан доор хуваан иднэ. 60 тэрбумын хэргээр шүүх ял өгсөн шүү.

Avatar

Зочин 2019-12-04 103.229.121.127

хэхэ хадгаламжаас болж зээлийн хүү буурахгүй байна гэнэ үү? Энэ гишүүн гаагүй юу? Ийм энгийн эдийн засгийн мэдлэггүй байх гэж…

Avatar

zochin 2019-12-04 220.244.98.206

hadaglamjaal bagsgaldaa yaagaad hiihgui bgaan be hen hiih yum be heden baychuudn hadaglamjtai bolhorr ted bugd zeeliin huu bagsgahiig hicheehgui bna

Avatar

Зочин 2019-12-04 202.21.108.229

мэдэхгүй чадахгүй мөртлөө хорлон гар уу?
хадгаламжийн хүүний орлогоор дутсан баячууд байгаа бол яршиг л байна.!!!!

Avatar

zochin 2019-12-04 202.179.27.211

bugd chudalch lalruud

Avatar

Зочин 2019-12-04 202.21.108.229

худал хэлэх дээрэм хийх нь бидний яс маханд байдаг байх аа. Энэ их хурлын гишүүдэд лав илүү хэмжээгээр байдаг нь факт болсон. Хаха

Avatar

Зочин 2019-12-04 202.170.68.162

МАН-ын энэ өмхий комунист боловсролгүй мэдлэггүй балай гишүүд, тэдэндээ таарчихсан ү****ц дорой арчаагүй боловсролгүй Монгол банкныхныг зайлуулж байж улс хөгжинө. Төгрөгийн ханшаа хар. Инфляцаа хар. Банкуудаа хар өмхий б а а с нуудаа!!!1

Avatar

Зочин 2019-12-04 192.82.73.145

Улс төрчид санхүүгийн мэдлэгтэй болчоод хадгаламжийн хүү зээлийн хүү ярь

Avatar

зочин 2019-12-04 202.21.108.229

Ямар улс төрчид болохоор гаднаа төм яриад дотроо хулгай дээрэмээ бодоод явдаг байна аа? огиудас хүргэсэн амьтад!!!

Avatar

Зочин 2019-12-04 202.131.231.86

төгрөгийн ханш улам сулаад байхад үхсэний чинь тогтворжиж байна гээд байна. Гарамжав гэдэг хүн гуай банкнаас авсан мөнгөө өгөөчээ тэгээд олон юм ярилдаа. банкаар далимдуулж баахан мөнгө идчихээд олон юм яриад байхын.

Avatar

Зочин 2019-12-04 66.181.177.61

УИХ-ын гишүүн Баттөмөр гэх мэтийн нөхдүүд төр удирдахаар яаж улс хөгжих вэ, Зээлийн хүүнд хадгаламжийн хүүнээс илүү Монгол улсын зээлжих зэрэглэл нөлөөлдөг юм. Тэр зээлжих зэрэглэлийг Монгол улсын мөнгөний, санхүүгийн сахилга бат хэр байгаагаас, төрийн бодлого зөв буруугаас хамаарч тогтоодог юм. УИХ ажлаа муу хийдгээс болоод МУ-ын зээлжих зэрэглэл сайжирдаггүй юм шүү, тэрнээс иргэдийн хадгаламж маш бага

Avatar

bank dampuurna 2019-12-04 202.131.251.130

odor ireh bur togrogiin hansh 1 togrogoor sularch baihad humuus bankind hadgaluulj baigaa n ih yum shuu dee. herev hansh iluu unaval buh bank dampuurna. UIH.n gishuud songuulid heregleh gej heden ch bank dampuuruulahad belen baigaa.

Avatar

Зочин 2019-12-04 202.21.108.229

банк дампуурвал их хурлын гишүүд тэр тусмаа Нямдоржтонгууд олзтой болж таргална, зуд болвол чоно цадна.

NewsMN Гар утасны хувилбар Татах
NEWS.mn

Мэдээллийн эх сурвалж