Ким Жон Ун: АНУ Зул сараар ямар бэлэг авахаа даруй шийд! | News.MN

Ким Жон Ун: АНУ Зул сараар ямар бэлэг авахаа даруй шийд!

Ким Жон Ун: АНУ Зул сараар ямар бэлэг авахаа даруй шийд!

Ким Жон Ун: АНУ Зул сараар ямар бэлэг авахаа даруй шийд!

Хойд Солонгосын Гадаад хэргийн дэд сайд Ри Тэ Сон өчигдөр /2019.12.03/ хариуцлагатай бөгөөд сануулга гэж хэлж болох нэгэн мэдэгдэл хийлээ.

Тэрбээр АНУ-д хандаж он дуусах дөхөж, хоёр улсын хооронд өрнөж буй цөмийн яриа хэлэлцээг үргэлжлүүлэх эсэхийг шийдэх цаг мөч ойртсоор байгааг сануулаад, “БНАСАУ өөрийн санаачлагаар гаргасан шийдвэрээсээ ухрахгүй байхыг хамгийн их хичээсэн. Гэвч АНУ-ын талаас цөмийн яриа хэлэлцээнд төдийлөн урагштай хандахгүй байгаагийн дээр энэхүү асуудлыг ирэх онд болох сонгуулийн пи-ар болгон ашиглаж байгаа нь харамсалтай. Тэгэхээр одоо АНУ Зул сараар ямар бэлэг авахаа шийдэх л үлдлээ” хэмээн хатуухан анхааруулсан байна.

Ри Тэ Сон удирдагчийнхаа үгийг дамжуулж байгаа нь энэ аж. Улс төрийн тоймч, Миддлбури олон улсын институтын ахлах шинжээч Жошуа Поллак Хойд Солонгосын тал “бэлэг” хэмээх үгээрээ 2017 онд харвасан шиг тив хоорондын баллистик пуужинг /ICBM/ илэрхийлж байна гэж үзжээ.

Учир нь Хойд Солонгос 2017 оны долдугаар сарын 4-ний өдөр буюу АНУ-ын Тусгаар тогтнолын баярын өдөр тив хоорондын пуужин харвахдаа мөн л “бэлэг” хэмээн тодорхойлж байсан юм. Мөн хэдхэн хоногийн өмнө болсон АНУ-ын талархлын баярын өдөр ойрын зайн тусгалтай пуужин харвасан.

Саяхан Хойд Солонгосын зүгээс Японы Ерөнхий сайд Абэ Шинзод хандан ойрын ирээдүйд жинхэнэ пуужин харваж чадна гэж сүрдүүлсэн билээ.

“Тэд АНУ-ын талд сэтгэл дундуур байна. Магадгүй тэд жилийн эцэс хүртэл АНУ-ыг хүлээхгүй ч байж мэднэ. Зул сарын баярын үеэр Японы дээгүүр тив хоорондын пуужин нисч байвал би лав гайхахгүй” хэмээн хэлжээ.

Дональд Трампын хувьд Хойд Солонгостой хийж буй цөмийн яриа хэлэлцээ нь түүний улс төрийн үйл хэргийн маш чухал ололт амжилтуудын нэг юм. Гэхдээ Зул сарын баяраар Хойд Солонгос тив хоорондын пуужин харвавал тэр дахин сонгогдох тухай бодоод ч хэрэггүй болж мэдэх юм.

Эдгээр өдрүүдэд Лондон хотноо НАТО-ийн уулзалтад оролцож байгаа Дональд Трамп “Тэр үнэхээр пуужин харвах дуртай. Тиймээс л би түүнийг “Rocket man” гэж нэрлэдэг юм. Одоогийн байдлаар АНУ дэлхийд цэрэг зэвсгийн хүчээр тэргүүлдэг, хамгийн хүчирхэг улс. Бид үүнийг ашиглахыг хүсэхгүй байна. Гэхдээ ашиглах шаардлага гарвал ашиглахаас өөр замгүй. Анхны уулзалтын үеэр Ким надад цөмийн хөтөлбөрөө зогсооно гэж амласан. Тэр тохиролцоондоо хүрнэ гэж би найдаж байгаа. Хэрэв би АНУ-ын Ерөнхийлөгч байгаагүй бол өдийд аль хэдийнэ дайн дэгдчихсэн байгаа” хэмээн хэлжээ.

Ким Жон Ун Дональд Трамп нар энэ оны дөрөвдүгээр сард Вьетнамын нийслэл Ханой хотноо хоёр дахь удаагаа дээд хэмжээний уулзалт хийсэн. Тэдний уулзалт үр дүнгүй өндөрлөсөн. АНУ-ын талаас Ким Жон Ун бүх хоригийг бүрмөсөн цуцлахыг шаардсан. Гэхдээ ийм боломжгүй учир тохиролцоонд хүрээгүй хэмээн тайлбарласан. Харин Хойд Солонгосын зүгээс эсрэг тайлбар хийж, АНУ-аас бид хоригуудыг хэсэгчлэн цуцлахыг хүссэн, харин АНУ үүнийг хүлээн зөвшөөрөөгүй, тэд “алтан боломж”-ийг алдлаа хэмээн буруутгаж байсан юм.

Үүнээс хойш хоёр сарын дараа АНУ-ын Ерөнхийлөгч Дональд Трамп хоёр Солонгосын зэвсэггүй бүсэд анх удаагаа зочилж, Ким Жон Унтай богино хэмжээний уулзалт хийв. Трамп ийнхүү Ерөнхийлөгчийн албан үүргээ гүйцэтгэж байхдаа зэвсэггүй бүсэд зочилсон АНУ-ын анхны Ерөнхийлөгч болж, тухайн үед хоёр удирдагч яриа хэлэлцээгээ цааш үргэлжлүүлэх болно хэмээн мэдэгдэж, уур амьсгал ч таатай өндөрлөсөн. Гэвч удалгүй Хойд Солонгос пуужин харваж эхэлсэн юм.

Зургадугаар сараас өнөөдрийг хүртэлх хугацаанд тус улс нийт дөрвөн удаа ойрын зайн тусгалтай найман пуужинг Япон тэнгис рүү харвасан байна. Үүгээрээ тэд өөрсдийн зэр зэвсгийн хүчин чадлыг бататган харуулах, АНУ-ыг цөмийн яриа хэлэлцээнд идэвх санаачлага гаргахыг шаардах зэргээс гадна сүүлийн хоёр жилийн хугацаанд цөмийн хөтөлбөр ямар ч саадгүй үргэлжилж байгаа гэдгийг харуулахыг зорьсон байж магадгүй хэмээн ажиглагчид үзжээ.

Японы “Асахи Шимбүн” сонин даваа гариг /2019.12.02/-т Хойд Солонгос пуужин харвах тусгай зориулалтын бетонон талбай барьж байна гэж мэдээлсэн. Ийм талбайг зөвхөн тив хоорондын болон дунд зайн баллистик пуужин харвахад ашигладаг байна. Учир нь ийм төрлийн пуужинг энгийн хөрсөн дээрээс харвахад пуужингийн эд анги эвдрэх, хурд саарах, тусгал өөрчлөгдөх зэрэг эрсдэлтэй байдаг аж. Мөн пуужин хөөргөх талбайг маш олон газарт байгуулж байгаа нь пуужинг яг хаанаас харвахыг олж тогтооход хүндрэлтэй болгож, төөрөгдүүлэх зорилготой гэж үзжээ.

"Болор дуран"-аар шалгав.
Энэ мэдээнд өгөх таны сэтгэгдэл?
4
ЗөвЗөв
2
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ХАХА 2019-12-04 183.81.171.2

ХОЙДЫНХОН ЯГ ҮНЭНДЭЭ АМЕРИКТ ЮУ Ч БИШ Л ДЭЭ ..УЛС ТӨРИЙН ШОУ Л ХИЙЖ БАЙГААГААС ЦААШГҮЙ … ЯГ ҮНЭНДЭЭ ХОЙДХОНЫ ЭНЭ ОЛОН САЯ ХҮНИЙГ ХЯДХАД ДЭЛХИЙ ЮУ БОЛОХ БИЛЭЭ … АЛЬ АЛЬ ТАЛД НЬ БОЛОМЖГҮЙ Л БАЙХГҮЙ ЮУ ДАА ӨНӨӨ ЦАГ__ ЭНЭ БАЙДАЛЫГ Л ХОЙДЧУУД АРД ТҮМЭНЭЭ ХҮЛЦЭНГҮЙ ДАРЛАЖ БАЙХ ГЖ ЗАСАГЛЛАА БАЙНГ БАЙЛГАХ Л ГЖ ШОУДАЖ БАЙГАА ЮМ..

Avatar

Зочин 2019-12-04 202.131.245.243

Ёо, үнээрийн мундаг залуу шүү. Шийртэй эр хүн гэдэг чинь энэ шүү дээ, ардчиллын баян бүрдийн нүцгэн гуйлгачингууд аа.

Avatar

Зочин 2019-12-04 202.55.191.130

тэгвэл хойдууд баяжиж үхэж байгаа юм байна л даа хахаха. ТЭР АУГАА ОРОНДОО ОЧИЖ АМЬДАР.

Avatar

хятадын тоглоомны улс 2019-12-04 185.220.101.15

хятад хажууд байгаад байгаа болохоос аль хэдийн эзэлчихсэн байгаа. хятадууд АНУ-тай зөрчилдөөнтэй байгаа АНУ эсрэг юм хэл гэсэн ойлгомжтой. АНУ бол үнэндээ арчина ш дээ.

Avatar

Зочин 2019-12-04 202.131.245.243

Сирид холбоотноо хаяад сүүлээ хавчин зугтсан AHУcууд арчлаа юу? ккккккккккккккккк

Avatar

Зочин 2019-12-04 202.131.227.30

Уйлах хүүхдийн хошного урд өдөр гэдэг билүү

Avatar

Зочин 2019-12-04 66.181.161.120

Odoo Trump Shinzo Abe 2 omdondoo dusaaj baigaa daa haha

Avatar

Зочин 2019-12-04 202.131.228.118

Он гартал тэвчихгүй ямар бэлэг авах вэ ч гэх шиг. Энэ мангар пацаан их даварч бн аа. Мангаруудыг устгалд оруулах цаг болсон бус уу.

Avatar

Зочин 2019-12-04 192.82.78.84

ЭНЭ ЗАЛУУ ЧИ БИДНИЙГ БОДВОЛ БҮХЭЛ БҮТЭН УЛС УДИРДАЖ БАЙГАА. АРАЙ Ч ЧИ БИД 2 ШИГ ЮМААР ЗААЛГАХААР ТАРХИ БИШ БИЗ. ЧИ НААД ҮГЭЭ АРХИНЫ ШИРЭЭНИЙХЭЭ Л АРД ХЭЛ. БИ БОЛ ЧАМААС ИЧИЖ БАЙНА

Avatar

Зочин 2019-12-04 202.131.225.197

Болор дурангаар шалгав гэдгээ хасчих уу? Мах их алдаа байна шдээ.

Avatar

МАХ 2019-12-04 59.153.112.179

Тиймээ мах их алдаа байна….

Avatar

Зочин 2019-12-04 202.21.108.225

Пуужинтай залуу шүү.

Avatar

Зочин 2019-12-04 107.77.173.53

АНУ-д ч бас байгаа,байх байхдаа зөндөө олон байгаа. Сэм авгын тэвчээр нэг алдарвал….

Avatar

Зочин 2019-12-04 107.77.173.53

Саддам яалаа ?

Avatar

Зочин 2019-12-04 66.181.188.206

saddam puujingui baisaan

NewsMN Гар утасны хувилбар Татах
NEWS.mn

Мэдээллийн эх сурвалж