Завхан аймгийн Алдархаан сумын Мандат багийн “Таван Улиас” гэдэг газар гурван настай хүү энэ сарын 24-ний өдөр 12:00 цагийн орчим гэрийнхээ гадаа тоглож байгаад сураггүй болсон тухай мэдээлэл ОБЕГ-т ирсэн байна. Дуудлагын дагуу аймгийн Онцгой байдлын газар, цагдаа, орон нутгийн иргэд нийлсэн 67 хүн эрэн хайх ажиллагааг зохион байгуулж өнөөдөр Бурхын голоос хүүгийн цогцосыг олжээ. Тиймээс ОБЕГ-аас эцэг эхчүүд хүүхдээ хараа хяналттай байхыг сэрэмжүүлж байна.

Г.ТУУЛ