Тусгай сангийн тонуулчдаа зарла! | News.MN

Тусгай сангийн тонуулчдаа зарла!

Тусгай сангийн тонуулчдаа зарла!

Тусгай сангийн тонуулчдаа зарла!

Татвар төлөгчдийн бүсийг чангалан байж, төсөвт орлого төвлөрүүлдэг ч эрх мэдэлтнүүд нь албан тушаалаа ашиглан тусгай сангуудыг тонодогт цэг тавих цаг нь болжээ. Хэдий болтол ард түмэн шүд зууж, УИХ, Засгийн газрын гишүүдэд тусгай сангуудаа тонуулсаар суух вэ, хэрээс хэтэрлээ.

Жилийн өмнө Жижиг, дунд үйлдвэрлэлийг хөгжүүлэх сан /ЖДҮХС/-руу УИХ, Засгийн газрын 40 гаруй гишүүн гар дүрсэн дуулиан дэгдсэн бол өнөөдөр Хөдөлмөр эрхлэлтийг дэмжих санг мөн л тэд тоносон тухай шинэ сенсаци “бөмбөг тэсэлж” байна.

Авлигатай тэмцэх газар/АТГ/ энэ хэрэгт холбогдуулан УИХ-ын 12 гишүүн, Засгийн газрын гурван сайд, яамны хоёр дэд сайд, мөн хоёр Төрийн нарийн бичгийн дарга, дүүргийн хоёр Засаг дарга нарыг шалгаж эхэлсэн тухай мэдээлэл цацагдаж эхэлсэн нь эрх баригч нам татвар төлөгчдийн мөнгийг төсвөөр дамжуулан хуваарилалт хийсний дараа найрлаж, хувьдаа ашигладаг болоо юу гэлтэй.

Зөвхөн Хөдөлмөр эрхлэлтийг дэмжих сангаас хууль зөрчин авсан мөнгөний хэмжээ дөрвөн тэрбум төгрөгөөр яригдаж буй юм. Нийт 27 компанид 200 хүртэл сая төгрөг олгосон асуудал хөндөгдөх болсон. Хүү багатай олгогддог энэхүү зээл нь ажлын байр бий болгож, хөдөлмөр эрхлэлтийг дэмжих зорилготой. Тусгайлсан хуультай энэхүү зээлийг зорилго, зорилтоос нь хазайлгаж, тухайн үеийн Хөдөлмөр нийгмийн хамгааллын сайдаар ажиллаж байсан, УИХ-ын гишүүн Н.Номтойбаяр УИХ, Засгийн газрын гишүүдэд дөрвөн тэрбум төгрөгийг хамаарал бүхий компанид нь болон танил талынх нь аж ахуйн нэгжид шилжүүлэх даалгаврыг “цэргүүддээ” тушаасан нь баттай бол хариуцлага хүлээх учиртай. Хууль хяналтын байгууллага ч энэ асуудлыг бөөрөнхийлөлгүй олон нийтэд ил тод зарлах ёстой.

Авлигын 10 мянган ам.доллараа оймсондоо нуусан хурган даргын бичлэгийг олон нийтэд ил болгож, матарладаг хэр нь УИХ, Засгийн газрын гишүүдтэй холбогдох асуудлыг  “Прокуророос зөвшөөрөл өгөөгүй” үндэслэлээр нэр усыг нь ил болголгүй, хаацайлдаг нь бүлэглэлүүд биенээсээ өс авах зорилгоор нийгэмд дуулиан дэгдээж, зохицонгуутаа нам дардаг жишигтэй болчихов уу гэдэг хардлагад  ч хөтөлж байгааг санах учиртай.

Засгийн газрын харьяанд өнөөдөр 28 тусгай сан бий. УИХ-аар жил бүр улсын төсөв хэлэлцэх үед тусгай сангийн зардлыг өсгөж иржээ. Жишээ татвал, тусгай сангуудад төсвөөс 2010 онд 1.1 их наяд төгрөг, 2015 онд 2.2 их наяд, 2018 онд 2.9 их наяд, 2019 онд 3.6 их наяд төгрөг тус, тус хуваарилсан байна. Гэхдээ энэ хөрөнгө нь ард түмний амьжиргааг дээшлүүлэх гэхээсээ албан тушаалтан, эрх мэдэлтнүүдийн бизнесийг дэмжих хэрэгсэл болж ашиглагдаж ирсэн гэвэл бодит үнэнээс хол зөрөхгүй.  Харамсалтай нь, хариуцлага хүлээдэггүй.

Тухайлбал, ЖДҮХС-гаас зээл авсан хэрэгт холбогдсон гишүүдээс дөрвийнх нь бүрэн эрхийг түдгэлзүүлэх асуудлыг жилийн өмнө прокуророос УИХ-д тавьсан ч эрх баригч хүчин хамгаалж, үлдсэн. Заримынх нь бүрэн эрхийг түдгэлзүүлэх асуудал ч хөндөгдөлгүй албан тушаал ахиж, УИХ-ын даргын суудалд тухлан, шударгын дүрд тоглож суугааг өнөөдөр мартах учиргүй.

Тариалан эрхлэлтийг дэмжих сан мөн л улстөрчдийн хувийн бизнесээ дэмжих “банк” нь болж ирснийг УИХ-ын гишүүн Ж.Энхбаяр, Х.Болорчулуун тэргүүтэй улстөрчид зээл авч бизнесээ дэмжиж ирснээс харж болно.

Бизнес эрхлэгчдэд олддоггүй, жилийн гурав, дөрөвхөн хувийн хүүтэй олддог эдгээр зээл зөвхөн улстөрчдийн тэр дундаа эрх барьж буй намын гишүүдийн “халаас”-ыг түнтийлгэж, банк бус санхүүгийн байгууллагаар нь угаагдаж, 30 гаруй хувийн хүүтэй зээл болж, мөнгө угаагдсан байж болзошгүй ноцтой зүйлүүд дуулдсан ч өнөөдөр хэн ч хариуцлага хүлээгээгүй.

Тариалан эрхлэлтийг дэмжих сан болон Мал хамгаалах сангийн хугацаа хэтэрсэн зээлийн хэмжээ өнгөрсөн жил 130 тэрбум төгрөгөөр яригдаж байсан ч төлөгдсөн эсэх нь өнөөдөр ч бүрхэг байна.  Гэтэл Нийгмийн даатгалын сан, Эрүүл мэндийн даатгалын сангууд мөн л  эрх баригчдын буруутай үйл ажиллагаанаас болж, даатгуулагчид хохироод буй. Тухайлбал, Эрүүл мэндийн даатгалын сангийн 134.8 тэрбум төгрөг, Нийгмийн даатгалын сангийн 101 тэрбум төгрөг тус бүр “Капитал” банканд байршиж байх үед банк нь дампуурсан нь олон мянган даатгуулагчийн эрх ашгийг хөндөөд буй.

Хохирлоо нэхэмжлэх зорилгоор салбарын сайд нар нь Монголбанкинд хүсэлт гаргасан гэдэг ч хэзээ эргэн төлөгдөх нь тодорхойгүй хэвээр байна.

Хуулийн байгууллагууд эдгээр хүмүүсийг хаацайлаагүй л юм бол нэрийг нь тодорхой зарлах шаардлага байна. УИХ-ын гишүүдээс нийт хэчнээн хууль тогтоогч ЖДҮХС-гаас хамаарал бүхий компанидаа зээл авсан нь тогтоогдсон, хэд нь тойргоос ирсэн сонгогчдынхоо хүсэлтийг биелүүлж, ЖДҮХС-руу албан бичиг илгээж, албан тушаал эрх мэдлээ хэтрүүлсэн хэрэгт холбогдоод байгаа. Хэд нь Тариалан эрхлэлтийг дэмжих сангаас хамаарал бүхий компанидаа зээл авсан, хэд нь Хөдөлмөр эрхлэлтийг дэмжих сан руу орж, мөнгийг нь авав гэдгийг одооноос  ил тод нээлттэй зарлаад явах ёстой.

Хэдий болтол дүлэгнэж, өөх ч биш булчирхай ч биш мэдээлэл цацаж, цаг алдах вэ. Эрх баригчдын тарыг таниулахад хуулийн байгууллагын ажиллагаа чухал байна.

Г.ХОРОЛ

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
14
ЗөвЗөв
3
ХарамсалтайХарамсалтай
2
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2019-12-03 202.131.233.190

ЭНЭ ХУЛГАЙЧДИЙГ ШУУД ЦААЗАЛ

Avatar

Зочин 2019-12-03 202.131.245.243

Хулгайч нарыг оргуулсан шүүгч нараа зарла.

Avatar

Хулгайч нарыг оргуулсан шүүгч нар хэн бэ? 2019-12-03 202.131.245.243

Нөгөө сахалт эзэн, тарвагадорж нь тэрбумтан шүүгч нарынхаа ачаар бас л оргон зайлцгаасан байх аа?

Avatar

Зочин 2019-12-03 202.131.245.243

Ч.Сайханбилэгийг оргуулсан шүүгч нараа зарла, элбэгдорж оо.

Avatar

Зочин 2019-12-03 202.179.24.148

Үүнд бас элбэгдорж буруутай юу?

Avatar

Зочин 2019-12-03 202.131.245.243

АТГ-аас тодруулахад "Ерөнхий сайд асан Ч.Сайханбилэг гадаадад эмчлүүлэх шаардлагатай болж хилийн хоригоо шүүхээр цуцлуулаад гадагш явсан.

Харин Монголд ирэх хугацаагаа шүүхийн зөвшөөрөл өгсөн хугацаанаас 2-3 удаа хойшлуулаад байгаа учир оргон зайлсан гэж үзэн эрэн сурвалжилж эхэлсэн" гэв.

Avatar

Зочин 2019-12-03 66.181.188.41

Сангуудыг цэгцлэх нь зөвөө.Үлгэр дууриал авсан багш нь АН-ын нөхөд нь гэсээн. Эд нар нь нэг сонгуулийн хугацаанд "улсаа дампууртал идэж байхад, бид нэг сангаас жижиг зээл авчихаад хугацаанд нь төлчихэд яадаг юм" гээч л болсон юм байх

Avatar

Зочин 2019-12-03 64.119.22.26

ШИЛЭН ЦОГОО АЖЛАА ХИЙХЭЭ БҮР БОЛЬСОН УУУ

Avatar

иргэн 2019-12-03 202.70.34.70

Арай ч дээ, ер нь болохгүй байгаа, ядуу байгаа асуудлыг уг үндэс нь энд л байна даа, Энэ хүмүүсээ олонд зарлаач ээ, шийтгээч ээ, Засгийн газраа, хууль хяналтынхаан

Avatar

Зочин 2019-12-03 103.57.95.194

Эл нарын нэрийг зарлана гэж бодож байна уу? Битгий горьд. Хүүкийн төмсөгнөөс атгачихсан, тэр нь тэд нараасаа бүрэн хамааралтай байхад та муусайнууд хичнээн орилоод нэмэргүй.

Avatar

Зочин 2019-12-03 202.131.227.178

цаазлаад байхад л болоо өөр гарц одоогоор алга. сайн дураараа цаазлагч болох хүмүүс зөндөө байна

Avatar

Зочин 2019-12-03 64.119.17.226

Нэртэйгээр нь ЗГ ын гишүүд, 76 гишүүдийг ДЭМЖИХ Сан гээд нэрлэчих, ер нь Коммунистууд л ах дүү нартайгаа хамт хагартлаа баяжиж Банк дээрэмдэх хүчин луйвар хийх барьцаагүй зээл авах хятаджждтаы ниылж улсаа тонох гэнд бүх муу муухай бзхгийг хийж байна даа эднийг ингээд хараад зүгэнр байх нь хир Зөв бол…?

Avatar

хөөх 2019-12-03 192.82.70.138

эрүүл мэндийн даатгалын ийм их мөнгө сарангэрэл авгай этэрч байна хүмүүс их үхэж байна

Avatar

Зэвсэгт хүчний хөгжлийн санг сайн шалгах хэрэгтэй байна. 2019-12-03 202.126.88.206

Зэвсэгт хүчний хөгжлийн санг сайн шалгах хэрэгтэй байна. Гадаадад Энхийг сахиулахаар явах цэргүүдийн бэлтгэлийг хангаж байгаа нэрээ мөнгө угаалт луйвар их гардаг. Чанаргүй бараа материал шахах, Тооцоолсноос илүү бараа материал авч тэр нь тэнд ямар ч үр ашиггүй илүүдэл хог болж үргүй зардал гаргадаг. Гадаадад ажиллагаанд явах цэргийн багийн автотехникийн сэлбэг хэрэгслийг авчихаад явуулдаггүй, дараа жил нь явуулдаг. дараа жилийнх нь автосэлбэг нь авсан нэртэй хий хоосон зарлага бичдэг. БХЯ-ны БХЗ

Avatar

Зочин 2019-12-03 66.181.178.199

Одоо Шинжлэх ухаан технологийн сангийг ил болгож зарлах хэрэгтэй!!!

Avatar

Зочин 2019-12-03 43.242.243.240

Энэ тонуулчдаа хэзээ барих шалгах юм бэ?

Avatar

бодлын хулгайч 2019-12-03 66.181.167.53

ДЭЭРЭМЧИДИЙН НЭРИЙГ ЗАРЛАСАН НЬ ДЭЭР ШҮҮ. ОДОО БОЛОХ СОНГУУЛИАР ХЭНИЙГ СОНГОХОД НЬ ТУС БОЛНО. ТЭГЭХГҮЙ БОЛ ДАХИАД 4 ЖИЛ ТЭД АРД ТҮМНИЙ МӨНГИЙГ ИДНЭ. ТЭДЭНД ШУНАЛААС ӨӨР ЮУ Ч БАЙХГҮЙ.

Avatar

быа 2019-12-03 103.11.195.34

монголдоо амьдрах итгэл сэтгэлгүй болгох юм 76 түүний компани ах дүү амраг садан цүнх баригчид бизнесийн нүдээр буюу ашиг ашига ашиг зоосн цоорхойгоор харагч бизнестэнгүүд тэдний үр удам Бидний дээр заларснаар Эх орноо хөгжүүлэх сэтгэл хэзээ ч гарахгүй. аргагүй болгох юм

NewsMN Гар утасны хувилбар Татах
NEWS.mn

Мэдээллийн эх сурвалж