Ирэх жилийн сонгуулийг урьтаж эрх баригч нам бүхэн Сонгуулийн тухай хуулийг өөрсдөдөө ашигтай хувилбараар өөрчилдөг жишиг бий болоод нэгэнт уджээ. Энэ удаа ч гэсэн эрх баригч МАН Сонгуулийн тухай хуульд "гар хүрэхээр" бэлтгэл ажилдаа хэдийнэ орсон. Намын бүлгийн өчигдөр /2019.12.02/-ийн хуралдаанаараа сонгуулийн тогтолцоог 50+26 байхаар урьдчилсан байдлаар тохирчээ.

50 гишүүн нь тойрогт нэр дэвших бол улс төрийн намууд 26 нэр дэвшигчийг улс даяар нэр дэвшүүлээд нийлбэр дүнгээрээ тухайн намаас нэр дэвшүүлсэн 26 хүний нийт авч байгаа санал нь нийт сонгогчдын хэдэн хувийн саналыг авсныг тооцох юм байна.

МАН-ын санаачилсан 50+26 гэх хувилбарыг улс төрийн хүчнүүд хэрхэн үзэж байгаа талаар байр суурийг нь тодрууллаа.