ОХУ Монгол Улсад байгалийн хий нийлүүлж эхлэв | News.MN

ОХУ Монгол Улсад байгалийн хий нийлүүлж эхлэв

ОХУ Монгол Улсад байгалийн хий нийлүүлж эхлэв

ОХУ Монгол Улсад байгалийн хий нийлүүлж эхлэв

«Газпром экспорт» ХХН нь шингэрүүлсэн байгалийн хийгээ шинэ буюу Монголын зах зээлд нийлүүлж эхэлсэн ба бага оврын анхны багцыг тусгай криоконтейнерүүдэд байршуулан аравдугаар сарын 22-ны өдөр Якутскаас ачжээ. Төмөр замаар тээвэрлэж буй Оросын шингэрүүлсэн байгалийн хийтэй анхны цуваа арваннэгдүгээр сарын 2-ны өдөр Орос-Монголын хилийг давж, арваннэгдүгээр сарын 4-ний өдөр Улаанбаатар хотод ирэв. Эхний нийлүүлэлтийн хэмжээ нь 36.0 тонн ба энэ нь ойролцоогоор 50 мянган шоо метр байгалийн хийтэй тэнцэх юм.

Ачааг "Сибирская топливно-энергетическая компания" ("СиТЭК") ХХН илгээсэн бол худалдан авагч нь Монголын "УБ Метан" ХХК байв. Шингэрүүлсэн байгалийн хийг Монгол Улсын нийслэл Улаанбаатар хотын олон нийтийн тээврийн хэрэгслүүдэд ашиглахаар төлөвлөж байна. Худалдан авагчийн тооцоолсноор 2020 он гэхэд шингэрүүлсэн байгалийн хийн хэрэглээ 8000 тоннд (ойролцоогоор 11 сая шоо метр байгалийн хий) хүрэх боломжтой.

"Манай улсын хийгээ нийлүүлдэг орны тоонд Монгол Улс орох болсон нь их таатай байна. Тээврийн салбарт байгалийн хийг ашиглах нь хийн хэрэглээ өсөх хамгийн ирээдүйтэй чиглэлүүдийн нэг юм. Улаанбаатар хотын оршин суугчид шингэрүүлсэн байгалийн хийг моторын түлш болгон ашиглах нь байгаль орчинд хэрхэн ээлтэй болохыг тун удахгүй үнэлж эхэлнэ гэдэгт итгэлтэй байна" хэмээн "Газпром" НХН-ийн ТУЗ-ийн орлогч дарга, "Газпром экспорт" ХХН-ийн ерөнхий захирал Е.В.Бурмистрова хэллээ.

"УБ Метан" компани нь 2017 оноос хойш байгалийн хийн хэрэглээг Монголын зах зээл дээр амжилттай өсгөж байна. Бид манай улсад байгалийн хий оруулж ирээд, тээврийн хэрэгслүүдийг хийн шатахуунаар цэнэглэж буй анхны бөгөөд цорын ганц компани юм. "Газпром Экспорт" болон "СиТЭК" компаниудтай хамтран бид ОХУ-аас манай улсад анх удаагаа шингэрүүлсэн байгалийн хийг тусгай контейнерүүдэд савлан, төмөр замаар тээвэрлэн авчирсан. Энэ нь зөвхөн манай компанийн хувьд төдийгүй манай хоёр орны эдийн засгийн хамтын ажиллагааны хувьд тэмдэглүүштэй чухал үйл явдал ба бид энэхүү хамтын ажиллагаагаа өргөжүүлэх төлөвлөгөөтэй байна" гэж "УБ Метан" компанийн захирал Болдын Басжаргал ярьж байна.

"СиТЭК" ХХН-ийн Ерөнхий захирал Г.Д.Трофимов "Өнөөгийн байдлаар Монгол улсын зах зээл дэх шингэрүүлсэн байгалийн хийн эрэлт хурдацтай өсөж байна. Манай "СиТЭК" болон "Газпром Экспорт" компаниуд нь экспортын шинэ маршрутыг боловсруулсан ба анх удаагаа Оросын хийг төмөр замаар тээвэрлэн, шинэ зах зээлд гаргаж байна. Ингэснээр бид Оросын төмөр замын ачааллыг, мөн Орост үйлдвэрлэсэн криоконтейнерүүдийн эрэлтийг нэмэгдүүлж байна" гэлээ.

ЭХ СУРВАЛЖ: WWW.GAZPROMEXPORT.RU

"Болор дуран"-аар шалгав.
Энэ мэдээнд өгөх таны сэтгэгдэл?
10
ЗөвЗөв
3
ТэнэглэлТэнэглэл
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-12-03 202.21.98.10

хөөрхий Дашваанжил, Горгаз зэрэг Монголын компаниуд зах зээлээ алдаж эхлэх нь дээ.

Avatar

иргэн 2019-12-03 202.9.43.155

Хийн түлш гэдэг сайн хэрэг. Ямар үнэтэй вэ гэдэг том асуудал. Дэлхийн зах зээлд байгальд ээлтэй эрчим хүчний анхдагч эх үүсвэр хийн түлшний эрэлт хэрэгцээ нэмэгдэх хирээр үнэ өсөх нь ойлгомжтой. Иймд өөрийн орны нүүрсний метанхий буюу байгалийн хийг хайх олборлоход л түлхүү анхаарах ёстой. Өөрийн юм өргүй гэлэгдээ.

Avatar

Зочин 2019-12-03 202.179.25.113

avch heregleh n zov. gehdee orosuudaas erchim huchnii hamaaraltai baij bolohgui gegdgee bainga sanaj davhar bodoltoi baitsgaa.

Avatar

. 2019-12-03 122.201.27.2

Хужаад өгдөг үнээсээ илүү үнээр өгч байна уу, адил үнээр өгч байна уу?!

Avatar

zochin 2019-12-03 103.229.123.194

unuudur chini 3 biz dee ,

Avatar

Зооз 2019-12-03 202.179.24.213

бензин нийлүүлэх нь нь яваандаа найдваргүй болж мэдэх болсон тул хий рүү шилжих нь дээ, удахгүй хоолой барих биз

NewsMN Гар утасны хувилбар Татах
NEWS.mn

Мэдээллийн эх сурвалж