2019 оны Дэлхийн элсний хөлбөмбөгийн аварга шалгаруулах тэмцээн арваннэдүгээр сарын 11-нээс арванхоёрдугаар сарын 1-ний хооронд Парагвай улсын Луквэ хотод зохион байгуулагдаж зургаан бүс нутгаас шалгарсан 16 баг өрсөлдлөө. Нийт 16 баг өрсөлдснөөс Португалийн шигшээ баг гурав дахь удаагаа ДАШТ-д түрүүллээ. Тэд шигшээ тоглолтод Италийн шигшээ багийн эсрэг тоглож 6:4 гэсэн харьцаатай ялалт байгууллаа. Харин ДАШТ-ий гуравдугаар байрт ОХУ-ын шигшээ баг шалгарлаа. Тэдний хувьд хүрэл медалийн тоглолтод Японы шигшээ багтай тоглож 5:4 гэсэн харьцаагаар ялжээ.

Энэ удаагийн ДАШТ-ий шилдэг тоглогчоор Японы Озу Морэйра шалгарсан бол мэргэн буучаар Италийн Габриел Горь 16 гоолоор шалгарчээ.

ДАШТ-ий шилдгүүд:

• Аварга баг: Португаль
• Дэд аварга: Итали
• Гутгаар байр: ОХУ
•  Дөрөвдүгээр байр: Япон

Цэвэр тоглолттой баг : Бразил

Шилдэг тоглогч:

• Алтан бөмбөг: Озу Морэйра (Япон)
• Мөнгөн бөмбөг: Жордан Сантош (Португаль)
• Хүрэл бөмбөг: Лео Мартинс ( Португаль)

Шилдэг хаалгач: Андраде (Португаль)

Мэргэн буучийн жагсаалт:

• Габриел Горь 16 гоол (Итали)
• Эммануэль Зурло 10 гоол (Итали)
• Федор Земсков 10 гоол (ОХУ)

Б.МӨНГӨНТАМИР