З.Баянсэлэнгэ ба түүний “хамсаатнууд” | News.MN

З.Баянсэлэнгэ ба түүний “хамсаатнууд”

З.Баянсэлэнгэ ба түүний “хамсаатнууд”

З.Баянсэлэнгэ ба түүний “хамсаатнууд”

Чингэлтэй дүүргийн Эрүүгийн хэргийн анхан шатны шүүхийн шүүгчийн захирамжаар өнгөрсөн аравдугаар сард УИХ-ын гишүүн, Барилга, хот байгуулалтын сайд асан З.Баянсэлэнгэд таслан сэргийлэх арга хэмжээ авч, ШШГЕГ-ын харъяа Урьдчилан хорих 461 дүгээр ангид саатуулсан. Зарим эх сурвалжийн мэдээлснээр, түүнийг “удаа дараа шүүх хуралдаанд саад учруулж, шүүхийг үл хүндэтгэсэн” гэсэн үндэслэлээр хорьжээ.

З.Баянсэлэнгэ нарын 11 хүнд холбогдох хэргийн шүүх хурал 2019 оны арваннэгдүгээр сарын 28-ны өдөр хаалттай болж, тус шүүхээс түүнд холбогдох хэргийг тусгаарлах шийдвэр гарган, Сонгинохайрхан дүүргийн Эрүүгийн хэргийн анхан шатны шүүхэд шилжүүлэв.

Шүүх хурал тав хоногийн дараа буюу арванхоёрдугаар сарын 2-ны өдөр дахин товлогдох юм.

Хаалттай шүүх хурлын үеэр шүүгдэгч З.Баянсэлэнгэ шүүгч, шүүх бүрэлдэхүүн, тухайн дүүргийн шүүх, мөн өмгөөлөгчөөсөө татгалзаж буйгаа мэдэгдсэн байна. Тэрбээр шүүхээс татгалзаж буй шалтгаанаа үндэслэлтэйгээр тайлбарлаж чадаагүй тул шүүх бүрэлдэхүүн хүсэлтийг нь хангаж шийдвэрлээгүй, харин өмгөөлөгчөөсөө татгалзах саналыг нь хүлээн авчээ. Улмаар З.Баянсэлэнгийг үргэлжлүүлэн 461 дүгээр ангид хорих шийдвэр гаргасан байна. Төрсөн дүү нь өөд болж, ажил явдалд нь оролцохоор батлан даалтад гарах хүсэлтээ шүүхэд хүргүүлсэн ч З.Баянсэлэнгийн хүсэлтийг хангаж шийдвэрлээгүй байна.

Шүүх хуралд түүний өмгөөлөгч М.Мөнхсайханыг оролцуулаагүй. Үүнтэй холбогдуулан М.Мөнхсайхан өмгөөлөгч "З.Баянсэлэнгэд холбогдох хэрэг хоригдох хэмжээний гэм буруутай нь харагдахгүй байгаа. Засгийн газрын шийдвэрийг хэрэгжүүлсэн байгаа юм. Түүнд олон хүний хэргийг хамруулсан мөртөө өөрт нь тийм ч хамаатай хэрэг биш. Энэ асуудлаар өнөөдөр Үндсэн хуулийн цэцэд гомдол гаргана" хэмээн мэдэгдсэн билээ. З.Баянсэлэнгэ нарын 11 холбогдогчтой хэрэгт хэн хэн холбогдсон нь олны анхаарлыг татаж буй юм.

Эх сурвалжийн мэдээлснээр, энэ хэрэгт БХБЯ-ны мэргэжилтэн асан М.Болортуяагаас гадна Төрийн банкны ерөнхий захирал Д.Баярсайхан, Гүйцэтгэх захирлаар ажиллаж байсан Б.Цэндсүрэн, өнөөгийн удирдлагын багт багтдаг, Тэргүүн дэд захирал Д.Ганбаатар, “Шинжиан шинфан” ХХК-д эрх бүхий албан тушаал хашдаг Сун Гуан Чин нар болон Ц.Энхтунгалаг, Ж.Бурмаа, Г.Тогтохбаатар, Б.Эрдэнэбаатар, Л.Чинбат нар холбогдон шалгагдаж буй юм байна.

Энэ оны эхэнд Төрийн банкны захирал Д.Баярсайханаас хууль сахиулах байгууллагынхан байцаалт авсан. Улмаар түүнийг ЭЦА-ны Эдийн засгийн гэмт хэрэгтэй тэмцэх газар, Тагнуулын ерөнхий газар, АТГ-ынхан хамтран шалгаж, яллагдагчаар татах саналыг нь Нийслэлийн прокурорын газрынхан хүлээн авсан талаар хэвлэлүүд мэдээлж байв. Эх сурвалжийн мэдээлснээр, Төрийн банкны ерөнхий захирал Д.Баярсайхан 2016-2017 онд тус банкны Зээлийн ерөнхий хорооны даргаар ажиллаж байхдаа 2017 оны зургадугаар сарын 23-нд 55/01 дугаартай шийдвэр гаргаж, БНХАУ-ын “Шинжан шинфан” компанид 20 тэрбум төгрөгийн зээл зургаан сарын хугацаатай олгосон байна.

Эргэн төлөх хугацаа нь 2017 оны арванхоёрдугаар сарын 22-нд дууссан ч дээрх компани одоо хүртэл зээлээ бүрэн гүйцэд төлөөгүй гэх. Мөн уг зээлийг олгохдоо Д.Баярсайхан Банкны тухай болон өөр нэг бус хууль зөрчсөн нь тогтоогдсон учраас 2019 оны нэгдүгээр сарын 7-ны өдрөөс эрүүгийн хариуцлагад татан шалгаж эхэлсэн аж.

Тухайн үеийн Сангийн сайд Б.Чойжилсүрэнгийн зөвшөөрлөөр 20 тэрбумын зээл авч чадсан гэгддэг “Шинжиан Шинфа” нь 2008 онд Улсын бүртгэлд Сун Гуанг Чен (Sun Guang Chen) гэх Гүйцэтгэх захиралтай “барилгын засвар, засал чимэглэлийн чиглэл”-ээр үйл ажиллагаа явуулах чиглэлтэйгээр бүртгүүлж байжээ. Дараа нь 2017 оны аравдугаар сарын 23-нд “Си Вай Си Кэй” гэх ХХК-ий Сан Гуан Ченийн хамтаар хувьцаа эзэмшигчээр бүртгүүлсэн байна.

З.Баянсэлэнгэд холбогдох хэрэгт Д.Баярсайхан, "Шинжиан шинфан”-ы Сун Гуан Чин нар хэрхэн холбогдсон нь сонирхол татаж буй юм.

З.БАЯНСЭЛЭНГЭ УЛСЫН ТӨСВӨӨС ГУРВАН ТЭРБУМ ТӨГРӨГ ЗАВШСАН УУ?

Сонгинохайрхан дүүргийн Эрүүгийн хэргийн анхан шатны шүүх өнгөрсөн жилийн наймдугаар сард УИХ-ын гишүүн, Барилга, хот байгуулалтын сайдаар ажиллаж байсан З.Баянсэлэнгэ болон БХБЯ-ны мэргэжилтэн М.Болортуяа нарт холбогдох албан тушаалын байдлаа урвуулан ашигласан хэргийг хэлэлцэж шийдвэрлэсэн билээ. З.Баянсэлэнгийг Засгийн газраас хэрэгжүүлсэн, “Бэрэн групп” ХХК-ийн барьсан “Хангай” хотхоноос 123 айлын орон сууцыг тендер зарлалгүйгээр худалдан авч, улсад 972.4 сая төгрөгийн хохирол учруулсан хэргээр буруутгасан юм.

Шүүхийн хэлэлцүүлгийн явц болон мөрдөн байцаалтын шатанд З.Баянсэлэнгэ мэргэжилтэн М.Болортуяагаа "Хуралд орох гээд байна. Хурдан бичиг баримт бүрдүүл” хэмээн шахаж шаардсаар, улсын төсвийн 972.4 сая төгрөг гаргуулах шийдвэрийг Засгийн газрын хурлаас гаргуулсан нь тогтоогдсон. Түүнчлэн “Хангай” хотхоны байрандаа МАХН-ын гишүүн, дэмжигчээс гадна өөрийн хамаатныг оруулсан байсан бөгөөд тэднээс мөрдөн байцаалтын шатанд гэрчээр мэдүүлэг авсан байдаг. Тухайн үед хамаатных нь дүүгийн нөхөр согтуугаар АТГ-ын мөрдөн байцаагчийн ажилд саад учруулахыг оролдсон тохиолдол ч гарч байжээ.

Засгийн газрын хурлын шийдвэрийн талаар тухайн үеийн сайд нар болох Ч.Сайханбилэг, Д.Баярцогт, Ц.Оюунбаатар, Д.Гантулга нар гэрчийн мэдүүлэг өгсөн билээ.

Хаалттай шүүх хуралдаан дээр шүүгчдэгч З.Баянсэлэнгэ “Сангийн сайд мөнгийг нь гаргаж гарын үсэг зурсан. Мөнгө шилжсэн. Гэтэл өөрөө мөнгийг нь гаргачихаад, эргээд мөнгөө нэхээд хохирогч гээд явж болох уу. 15 тэрбум төгрөг нь Засгийн газрын буюу төрийн мөнгө. Засгийн газар мөнгөө гаргаад худалдаад авчихсан. Хэрэв хохирсон гэж үзвэл Засгийн газар хохирогчоо өөрөө тогтоохоос АТГ, тэр дундаа Сангийн яамыг хохирогчоор тогтоох хууль зүйн үндэслэлгүй” гэж хэлж байжээ.

Шүүх 11 холбогдогчтой дээрх хэргийг гурван өдрийн турш хэлэлцээд, шүүгдэгч З.Баянсэлэнгэ, М.Болортуяа нарыг албаны эрх мэдэл, албан тушаалаа урвуулж, улсын төсөвт 972.4 сая төгрөгийн хохирол учруулсан гэм буруутайд тооцсон. Улмаар 2002 оны Эрүүгийн хуулийн 263.2 дахь хэсэгт зааснаар З.Баянсэлэнгийг төрийн байгууллагад ажиллах эрхийг гурван жилийн хугацаагаар хасч, хөдөлмөрийн хөлсний доод хэмжээг 100 дахин нэмэгдүүлсэнтэй тэнцэх хэмжээний буюу 19.2 сая төгрөгөөр, М.Болортуяаг төрийн байгууллагад ажиллах эрхийг нэг жил хасаж, хөдөлмөрийн хөлсний доод хэмжээг 51 нэг дахин нэмэгдүүлсэнтэй тэнцэх хэмжээний буюу 9792000 төгрөгөөр торгох ял шийтгэсэн. Харин улсад учруулсан 972.4 сая төгрөгийг "Бэрэн групп”-ээс гаргуулж, улсын орлогод оруулахаар шийдвэрлэсэн юм.

С.Баянсэлэнгийг хорьж саатуулан шалгаж буй тухайд, улсын мөнгөнөөс гурван тэрбум төгрөг завшсан байж болзошгүй гэсэн үндэслэлээр дахин шалгаж эхэлсэн гэх "таамаг" байгаа аж.

Өмнө нь буюу шүүхийн шийдвэр гарсны дараа ярилцлага өгөхдөө тэрбээр "Төр ямар ч алдагдал хүлээгээгүй. Хэн ч хохироогүй. Хохирсон хүн гэвэл би. Намайг МАХН-ын гишүүн  гэдгээр нь яллаж  байна. Яагаад заавал Сонгинохайрхан дүүрэгт шүүж байгаа юм бэ. Энэ бүхэн учир холбогдолтой гэж би харж байгаа. Дээр нь 2016 оны сонгуулийн өмнө “Эрдэнэт”-ийн 49 хувийг хувийн компанид өгсөн асуудлыг ил болгож, олон нийтэд мэдээлсний хариуд надтай улс төрийн тооцоо бодож байх шиг байна. Энэ бүхэн дээрээс шидсэн чулуу хэдий ч би бууж өгөхгүй” хэмээн мэдэгдсэн билээ.

"Болор дуран"-аар шалгав.
Энэ мэдээнд өгөх таны сэтгэгдэл?
10
ТэнэглэлТэнэглэл
4
ЗөвЗөв
1
ХөөрхөнХөөрхөн
1
БурууБуруу
0
ХахаХаха
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-02 202.21.108.72

Хулгайчууд дарин нэмэгдэх хулгайчид дуртай байхуу, яаж дотуур хувцасгүй оруулчаагүй юм хаха

Avatar

ард 2019-12-02 43.228.131.45

10,20 сая төгрөгөөр торгоод, 3 жил төрийн албанаас чөлөөллөө гээд энэ хүмүүс шийтгэгдлээ юү

Avatar

Ард 2019-12-02 202.72.245.122

Ундармааг бас шийтгэ. Тэгвэл хуулийн байгууллага, төр шударга юм байна гэдэгт итгэх болно

Avatar

Зочин 2019-12-02 66.181.161.22

энэний хажууд бишрэлт группийн Ундармаа бол боссын босс залилангийн хаан юм аа

Avatar

зочин 2019-12-02 202.126.89.24

энэ муу эмэгтэйд яасан ч эр бар юм бэ дээ.Бусад хулгайч нараа шийтэгчээд Баянсэлэнгийг шийтгээч.Тэд нарыг шийтгэвэл эргүүлж авах мөнгө нь монголыг юутай хийтэй нь дуугай 20 жил тэжээнэ дээ,Дарга цэрэг шүүгчтэйгээ бүгд авилгач луйварчид……

Avatar

Зочин 2019-12-02 139.5.218.159

Монгол хүн иймхэн юманд будлиж байгаа бол хэзээч хөгжихгүй мөхөх болно. Баянсэлэнгийн мэддэг шийдсэн зүйл биш. Ийм жижиг тоглолтыг тайлж чадахгүй байх гэж цагхожоод чулуу хөөлгөөд байна. Монгол дуусжээ…

Avatar

зочин 2019-12-02 59.153.114.23

монгол барилгын компани байраа борлуулж чадахгүй байхад хятад эзэнтэй компанийн байрыг тендергүйгээр төр худалдан авч байгаа нь албан тушаалаа урвуулан ашигласан нь тодорхой байна. Боловсролгүй хүнээр удирдах ажил хийлгэхээр ийм л болж байна. Хийсэн хэрэгт нь зохих ял өгөх нь зөв. Худлаа улс төржүүлээд, энэ хүүхэн төрийн бодлого явуулна гэвэл хошин шог

Avatar

Зочин 2019-12-02 182.160.0.116

Энэ авгайг юу ч хийж мэдэх нөхөр гэдэг юм билээ. Ямар балай авгайгаар сайд хийлгэдэг юм бэ?Хэзээ ч луйвраа буруугаа хүлээх сэтгэлгүй гэдэг юм байна.

Avatar

Зочин 2019-12-02 202.9.46.63

МИ ОВОГТОНД "ИЙМ Л ХҮҮХЭ" ХЭРЭГ БОЛДОГ ЮМШД ОЙЛГО

Avatar

Нанун 2019-12-02 66.181.189.200

Сайд хунээ сонгох хэрэгтэй аргагуй торд ажиллаж узээгуй хувийн эрх ашиг сониролтой яаж монгол орон хогжин дор

Avatar

Зочин 2019-12-02 202.9.46.63

Эцэстээ Баянсэлэнгэ Энхбаярын хүн биш М.ЭНХБОЛДЫН ТАВИУЛ ТАГНУУЛ гэдгийг ойлго. Шинжиан Шинфантай ч энэ сэжимээр холбогдсон. Миеэгомбын БОЛОРТУЯА чинь М.ЭНХБОЛДЫН төрсөн дүү ш дээ.

Avatar

Уншигч 2019-12-02 192.82.68.77

Бишээ, овог нь ижил юм байна лээ,

Avatar

Зочин 2019-12-02 202.9.46.63

ЭНЭ МЭТ ЦАЙЦАН ХУЛГАЙЧДАА ЭХНЭЭС НЬ ЦЭГЦЛЭЭ , ЦЭГЦЛЭХГҮЙ БОЛ УЛС ОРОН УРУУДАЖ СҮЙРЭХ ТАЛРУУГАА ЯВЖ БАЙНА

Avatar

иргэн 2019-12-02 43.228.130.60

Мууг дагавал могойн хорлол гэж энэ дээ

Avatar

Зочин 2019-12-02 66.181.187.244

Enkhbayaryn n l ajillagaany ur dun shdee. Shuud gusdag technologg ene tsagt hetsuu shuu

Avatar

иргэн 2019-12-02 182.160.33.57

Сайдын алба хаших нь битгий хэл хорооны засаг даргын ажил хийж чадмхгуй мэдлэг болвсролгуй хунийг улс торийн томилгоогоор тавьсаны хар гайг Баянсэлэнгэ оороо хариуцлагаа эдлэнэ. Ямарч арга байхгуй. Энхбаярын заавраар яваад адаг суулд нь шоронд ороод дуусна.

Avatar

зочин 2019-12-02 202.126.88.195

Энхбаярийн бууны нохой хэрэг хийсэн бол хэргээ хулээж ялаа эдэл гомдол байвал Авилгалийн загалмайлсан эцэг Энхбаяртаа гомд хэн чамайг улс терч гэхийн яамар амьтан байлаа одоо яаж сэхснийг чинь харж байна

Avatar

Зочин 2019-12-02 202.126.89.45

Orkuud ergeldeed ehelne gedeg songuuli oirtsony shinj

Avatar

Зочин 2019-12-02 158.255.179.98

ШИЙЛЭГДАМБА, БАЯНСЭЛЭНГЭ ГЭЭД Л Н.ЭНХБАЯРЫН ХЯЗГААРГҮЙ ШУНАЛЫН ЗОЛИОС МӨН ОЛОН!!!

Avatar

Зочин 2019-12-02 103.111.68.3

ТОМ АКУЛУУДАА ИНГЭДЭГ БОЛООСОЙ ЭНЭ ТӨР. ДҮР ЭСГЭСЭН ШҮҮХ. МОНГОЛЫН АРД ТҮМНИЙ ИРЭЭДҮЙГ ХУЛГАЙЛСАН ТАХАЛТАЙ ТАРВАГА, БУЗАРБАЯР, МИЙЁО ОВОГТОО ХАМГААЛСАН ЗАВХАРСАН ТӨР.

Avatar

Зочин 2019-12-02 202.9.46.70

Баянаа эгээ чинь том акул ш дээ

NewsMN Гар утасны хувилбар Татах
NEWS.mn

Мэдээллийн эх сурвалж