Оны залуу судлаач шалгаруулах “Прогресс-2019” эрдэм шинжилгээний хурал боллоо | News.MN

Оны залуу судлаач шалгаруулах “Прогресс-2019” эрдэм шинжилгээний хурал боллоо

УЧРАЛ

Оны залуу судлаач шалгаруулах “Прогресс-2019” эрдэм шинжилгээний хурал боллоо

Оны залуу судлаач шалгаруулах “Прогресс-2019” эрдэм шинжилгээний хурал боллоо

Монголын нийгэм, улс төр, шинжлэх ухааны зүтгэлтэн, соён гэгээрүүлэгч, эрдэмтэн судлаач Жамсрангийн Цэвээний нэрэмжит “Прогресс-2019” Оны Шилдэг Залуу Судлаач шалгаруулах эрдэм шинжилгээний бага хурал өнөөдөр Төрийн ордонд явагдлаа. Цаашдаа жил бүр уламжлал болгон зохион байгуулагдах тус эрдэм шинжилгээний хурлыг Нийгмийн Ардчилал Монголын Залуучуудын Холбооноос (НАМЗХ) санаачилж Боловсрол, соёл, шинжлэх ухаан, спортын яам, Боловсролын магадлан итгэмжлэх үндэсний зөвлөл, Залуу багш нарын холбоо, Монголын залуу эрдэмтдийн холбоотой хамтран зохион байгууллаа.

Хуралдаанд УИХ-ын гишүүн, НАМЗХ-ны ерөнхийлөгч, доктор Н.Учрал болон ШУА-ийн Газарзүй, геоэкологийн хүрээлэнгийн захирал, Монголын залуу эрдэмтдийн холбооны ерөнхийлөгч, доктор Д.Баттогтох нар үг хэлсэн бол ИЗОУИС-ийн проректор, Монгол Улсын гавъяат багш, шинжлэх ухааны доктор (Sc.D), профессор Ж.Цэцэгмаа “Ж.Цэвээн шинжлэх ухааны байгууллагын үндэслэгч болох нь” сэдвээр илтгэж, Ж.Цэвээний үйлс гавьяаг залуу судлаач, эрдэмтдэд, хойч үедээ өвлүүллээ.

Нийт 26 залуу эрдэмтний бүтээл ирснээс 13-н бүтээлийг хоёрдугаар шатанд сонгон шалгаруулж, илтгэл хэлэлцүүлсэн юм. “Нийгэм, эдийн засгийн хөгжил” ерөнхий сэдвийн хүрээнд Шинжлэх Ухааны Академи, Их засаг олон улсын их сургуулийн залуу эрдэмтэд дэд бүтэц, мал аж ахуй, хими, эрчим хүч зэрэг өргөн хүрээний сэдвүүдийг хөндсөн илтгэлүүд байв.

Дөрвөн сая төгрөгийн шагналын сантай тус хуралдааны нэгдүгээр байранд шалгарсан илтгэгчид НАМЗХ-ны Ерөнхийлөгч, Улсын Их Хурлын гишүүн Н.Учралын нэрэмжит нэг сая төгрөгийн судалгааны грант, хоёрдугаар байр болон Салбар хуралдааны шилдэг судлаачид 500,000 төгрөгийн судалгааны грантыг олголоо.

П.Золбаяр, магистр, ШУА-ийн Математик тоон технологийн хүрээлэн “Цахилгаан эрчим хүчний хэрэглээний мониторингийн систем байгуулах судалгаа” сэдвээр тэргүүн байр эзэлж нэг сая төгрөгийн грант хүртсэн бол

Б.Мягмаргэрэл, магистр, ШУА-ийн Хими, химийн технологийн хүрээлэн “Монгол орны нефтийн үлдэгдлээс замын битум гарган авах”

Ц.Банзрагч, магистр, ШУА-ийн Физик, технологийн хүрээлэн “Агаарын молекулыг ионжуулж үүл үүсэх процессыг хурдасгах технологийн судалгаа”

Р.Амаржаргал, магистр, ИЗОУИС “Ж.Цэвээний Улсын эрх зохиолд орчин үеийн парламентийн тогтолцооны үндэс туссан байдал”
Ц.Отгонхүү, магистр, ШУА-ийн Газарзүй, геоэкологийн хүрээлэн “Автозамын дагуух үйлчилгээний цэгүүдийн ангилал ба тохиромжтой байршил (Элсэнтасархай-Улаанбаатар-Өндөрхаан чиглэлийн автозамын жишээгээр)” Нар тус бүр 500.000 төгрөгийн грант хүртсэн байна.

"Болор дуран"-аар шалгав.
Энэ мэдээнд өгөх таны сэтгэгдэл?
4
ТэнэглэлТэнэглэл
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-29 202.131.234.242

жидүүчдийг дэмжихгүй, мартахгүй, өршөөхгүй

Avatar

Зочин 2019-11-29 192.82.78.244

1 сая төгрөгийн судалгаа гэж ямар юм байдаг байнаа? Таарсан ч гарууд бол доо

Avatar

Зочин 2019-11-29 45.41.180.154

доктор учрал гэнээ хаха. тэр хип хоп дуу дуулахаар л доктор авдаггүй юм бол аавынхаа сургуулиас авсан хулхи доктороо буцааж өг

Avatar

Зочин 2019-11-29 202.21.127.167

ШУА гэж ялзарсан газар, шинжлэх ухааныхаа эсрэг зүйл хийж байдаг байгууллага болчихсон. Улс төртэй хутгалдсан цагт хэзээ ч шинжлэх ухаан хөгжихгүй.

Avatar

Зочин 2019-11-29 77.191.46.139

Uchral bol ireeduin M.Enkhbold

Avatar

аааа 2019-11-29 92.223.73.107

Хэн ямар шагнал авсныг бичдэггүй тэнэг юм бэ

Avatar

Зочин 2019-11-29 192.82.77.79

Тийм байна.
Бодвол барьж байгаа 2 хүний нэг байх.

Тэр бумаар нь туудаг улс төрчид, нэг хүн дагуулж ирээд 1 сая төгрөгийн шагнал өгөөд инээгээд зогсож байх.

Үйл ажиллагаа нь зөв байж болох ч, тийм л их шалгаруулаад байгаа юм бол шагналыг нь доогуур байлгаад яах ч юм билээ дээ.

NewsMN Гар утасны хувилбар Татах
NEWS.mn

Мэдээллийн эх сурвалж