КиберТрак Дубайн цагдаагийн машин болно | News.MN

КиберТрак Дубайн цагдаагийн машин болно

КиберТрак Дубайн цагдаагийн машин болно

КиберТрак Дубайн цагдаагийн машин болно

Дубайн цагдаагийн газар албан ёсоор КиберТракыг албаны машин болгохоор төлөвлөж байгаа хэмээн Арабын бизнес сэтгүүл мэдээлжээ. Мөн тус цагдаагийн газар твиттер хуудаснаа өөрсдийн тэмдэг бүхий КиберТракын зургийг "2020" гэж бичээд нийтэлсэн байна.

Харин уг машиныг зохион бүтээгч Тесла компаний гүйцэтгэх захирал Элон Маск лхагва гарагт КиберТрак 250 мянган захиалга хүлээн авсан талаар жиргэсэн юм.

Дубайн цагдаагийн дарга Абдулла Халифа Ал Марри Арабын бизнес сэтгүүлд шинэ цагдаагийн машинууд жуулчид ихээр зорчдог хэсгүүдийн амгалан тайван байдлыг найдвартай сахин хамгаалахад чухал үр дүнтэй хэмээн хэлжээ.

Дубайн цагдаагийн газар үүнээс өмнө ч дэлхийн хамгийн хурдан, тансаг Бугатти Вейрон, Ломборгини Авентадор тэргүүтэй машинуудыг цагдаагийн албаны хэрэгцээнд ашигладгаараа алдартай байсаар ирсэн билээ. Харин КиберТрак сансрын хөлгийн материалаар хийгдсэн бат бөх их бие, сум нэвтэрдэггүй цонх зэргээрээ цагдаагийн машин байхад тун тохиромжтой аж. Түүгээр ч зогсохгүй КиберТрак зогсоогоос 97км/ц хурдлах хүртэл гуравхан секунд зарцуулдаг бөгөөд зогсолтгүйгээр 804 км зам туулах чадвартай гэнэ.

Гэвч КиберТрак 2021 оны сүүлээр худалдаанд гарах гэж байхад Дубайн цагдаагийн газар хэрхэн дараа жилдээ уг машиныг авах гэж байгаа нь тодорхойгүй хэвээр байна.

Б.АМАРБАЯСГАЛАН 

Эх сурвалж: futurism.com

Энэ мэдээнд өгөх таны сэтгэгдэл?
2
ЗөвЗөв
1
ГайхмаарГайхмаар
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж