З.Баянсэлэнгийн хэрэгтэй холбоотой арван хүнийг өнөөдөр шүүнэ | News.MN

З.Баянсэлэнгийн хэрэгтэй холбоотой арван хүнийг өнөөдөр шүүнэ

З.Баянсэлэнгийн хэрэгтэй холбоотой арван хүнийг өнөөдөр шүүнэ

З.Баянсэлэнгийн хэрэгтэй холбоотой арван хүнийг өнөөдөр шүүнэ

УИХ-ын гишүүн, Барилга хот байгуулалтын сайд асан З.Баянсэлэнгийг Чингэлтэй дүүргийн Эрүүгийн шатны шүүхийн шүүгчийн захирамжаар өнгөрсөн сард хорих шийдвэрийг гаргаж, цагдан хорьсон. Түүнийг удаа дараа шүүхийн байгууллагад хүндрэл учруулсан хэмээн цагдан хорих, таслан сэргийлэх арга хэмжээ авсан юм.

Улмаар З.Баянсэлэнгэ, М.Болортуяа нарын 11 хүнд холбогдох хэргийг шүүх хурал өчигдөр /2019.11.29/10.00 цагт Чингэлтэй дүүргийн Эрүүгийн хэргийн анхан шатны шүүхэд эхэлж, З.Баянсэлэнгэ хорих ангиас хуралд оролцохоор ирээд байсан. Хуралдааны явцад түүний хэргийг тусгаарлаж, З.Баянсэлэнгийг үргэлжлүүлэн хорих шийдвэр гаргасны дагуу тэрбээр хорих анги руу буцсан юм.

Харин М.Болортуяа, Ц.Энхтунгалаг, Д.Ганбаатар, Ж.Бурмаа, Д.Баярсайхан, Б.Цэндсүрэн, Л.Чинбат, Г.Тогтохбаатар, Б.Эрдэнэбаатар, Сун Гуан Чин нарын яллагдагч нарыг үргэлжлүүлэн шүүж, оройн 19.30 цагт хурал завсарласан юм. Шүүх хурал өнөөдөр 10.00 цагаас үргэлжилнэ.

З.Баянсэлэнгэд холбогдох хэргийг сануулбал, түүнийг нийслэлийн прокурорын газраас 2002 оны Эрүүгийн хуулийн тусгай ангийн 263.2 дахь хэсэгт зааснаар албаны эрх мэдэл буюу албан тушаалын байдлаа урвуулан ашигласан хэргээр шүүж буй юм. З.Баянсэлэнгэ нь  Барилга, хот байгуулалтын сайдаар ажиллаж байхдаа албан тушаалын байдлаа урвуулан ашиглаж "Бэрэн групп" ХХК-ийн барьсан "Хангай" хотхоны орон сууцнаас 123 айлын орон сууцыг тендер зарлалгүйгээр худалдан авч, улсын төсөвт 972.4 сая төгрөгийн хохирол учруулсан байж болзошгүй аж.

 

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
5
БурууБуруу
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-29 103.229.121.86

Мэргэжил,мэдлэггүй,чадваргүй хүнийг сайд болгож тавихаар өөрөөрөө болон бусдаар яаж тоглуулдагын жинхэнэ тод жишээ?! Одоо яая гэхэв ялаа үүрч дээ!! Ухаантай хүн байсан бол би арай дийлэхгүй ээ л гэх…

Avatar

Зочин 2019-11-29 202.9.46.121

З.Баянсэлэнгэд өмгөөлөгч сонгох хугацаа өгсөн ч өмгөөлөгчгүй ирсэн

Avatar

Зочин 2019-11-29 202.9.46.121

За наад Баянсэлэнгэ чинь барилгын сайд байхдаа дутуу хуурамч материал бүрдүүлсэн олон хүнд барилгын зураг төслийн болон угсралтын зөвшөөрлүүдийг 10,20н саяын хахуулиар өгч байсан шүү. Шалгаарай 100% үнэн мэдээлэл болно

Avatar

“Шинжaaн шинфaн” XXК 2019-11-29 202.9.46.121

Зaнгадын Бaянсэлэнгэ болон БХБЯ-ны мэргэжилтэн асан Миеэгомбын Болортуяa, Төрийн банкны ерөнхий захирал Д.Бaярсайхан, гүйцэтгэх захирлаар ажиллаж байсан Б.Цэндсүрэн, өнөөгийн удирдлагын багт нь багтдаг, тэргүүн дэд захирал Д.Гaнбаатар, “Шинжaaн шинфaн” XXК-д эрх бүхий албан тушаал хашдаг Сун Гуaн Чин нарын хүний 11 хүнд холбогдох хэргийг хэлэлцэж байна .Хуралдааны явцад З.Бaянсэлэнгийн хэргийг тусгаарлаж, үргэлжлүүлэн хорих шийдвэр гаргасны дагуу түүнийг хорих анги руу нь ачсан юм.

Avatar

20 ТЭРБУМЫН ХЭРЭГ 2019-11-29 202.9.46.121

ШИНЖААН ШИНФАН КОМПАНИТАЙ ХОЛБОГДСОН ШҮҮ БАЯНСЭЛЭНГЭ . М.ЭНХБОЛДЫН ЕРӨНХИЙЛӨГЧИЙН СОНГУУЛИЙН ҮЕЭР ТӨРИЙН БАНКНААС ШУУД ГАРГУУЛЖ АВСАН МӨНГИЙГ ХЭДЭН БООЛУУД НЬ ҮҮРЭЭД М.ЭНХБОЛД Б.ЧОЙЖИЛСҮРЭН НАР АРД НЬ ЦЭВЭР ХУУРАЙ ҮЛДЭХ НЭЭ. БАЯНСЭЛЭНГЭ МЭДЭЭЖ ЗУУЧ ХИЙСЭН.

Avatar

mgl 2019-11-29 202.9.40.80

эрх ямбын эдэлчихээд хариуцлага ярихаар кабинет гэж бултах уу? Дарга сэтэртэн нар гарын үсгэндээ хариуцлага хүлээдэг гэдгээ мэдэж авцгаа.

Avatar

Зочин 2019-11-29 103.14.38.144

Кабинетын засгийн газар ажилласан шүү дээ. ГАНЦ хүнд холбогдуулж шийтгэх нь зохисгүй бна. Тэр олон тербум шамшигдуулсан нөхөдтэйгээ учраа олооч. Манай хууль шүүхийнхэн Ядарсандаа их дээрэлхүү, чадарсанд их долигнож гар харан горьдож суудаг нь энэ шүү дээ.

NewsMN Гар утасны хувилбар Татах
NEWS.mn

Мэдээллийн эх сурвалж