Х.Гвардиолыг залгамжлагчаа гэж үзэж байна гэж А.Фергюсон хэлжээ. Хорьдугаар зууны аугаа дасгалжуулагч Алекс Фергюсон “Испанийн дасгалжуулагч Хосеп Гвардиолаг миний залгамжлагч болоосой гэж би хүсэж байна.” гэж хэлжээ.

Х.Гвардиола нь испанийн “Барселона” багийн дасгалжуулагчаар тоглолтын 4 улирал ажиллахдаа 14 цом хүртсэн нэртэй дасгалжуулагч юм. 2012 онд ажлаа өгч бүтэн жил завсарлаж байгаад 2013 онд ХБНГУ-ын Мюнхен хотын “Бавария” клубт очсон ажээ.

“Х.Гвардиола бид хоёр 2012 онд нэгэн удаа Нью-Йорк хотод үдийн хоолонд хамтдаа орсон юм, тэр үед би зодог тайлах тухай бодоогүй байсан учир түүнд тодорхой санал хэлж чадаагүй өнгөрсөн юм. Тэр надад их таалагдсан, 2009, 2011 онуудад дэлхийн клубын шилдэг дасгалжуулагчаар шалгарч байсан, түүнийг өөрийнхөө оронд болгомоор байсан. Тэгээд би түүнд утасдахыг клубын удирдлагаасаа гуйсан ч амжаагүй, Х.Гвардиол 2016 он хүртэл ажиллах гэрээ байгуулж “Бавария” клубын дасгалжуулагч болчихсон.” гэжээ.

А.Фергюсон “Манчестер Юнайтед” багийн ахлах дасгалжуулагчаар 26 жил ажиллаад 2013 онд 72 настайдаа тэтгэвэрт гарсны дараа түүний оронд голландын дасгалжуулагч Луи ван Гал томилогдон ажиллаж байгаа юм.

Бэлтгэсэн Д.ӨЛГИЙСАЙХАН