Хөлбөмбөгийн алтан түнш “Арвайн Үндэс” компани МХБХ-той хамтран дээд лиг болон “1-Р ЛИГ” тэмцээнийг ивээн тэтгэж байгаа билээ. Тэгвэл Хүрхрээ “1-Р ЛИГ” тэмцээний 6-р тойргийн сүүлийн нэг тоглолт өнөөдөр боллоо. Лигийн эхний тойрогт “Хангарьд Сити” багт ялагдсан ч дараалан 4 хожлыг байгуулсан “ФС Баянгол” өнөөдөр эвгүй учраа болох “Хилчин” багтай өрсөлдлөө. 2 баг хамгийн сүүлд Сонирхогчдын УАШТ-ий шигшээд таарч улмаар Баянгол ялж байсан бол энэ удаад ч мөн өрсөлдөгчөө 6:2 харьцаатай үндсэн цагт яллаа.

Ингэснээр “ФС Баянгол” хүснэгтийн дэд тэргүүлэгчийн байранд “Хангарьд Сити” багийн ижил 15 оноотой бичигдсэн хэвээр. Тэднээс өнөөдөр Л.Насандэлгэр 4 гоолыг оруулсанаар мэргэн буучдыг тасархай тэргүүлж байна. Түүний ард  лигийг одоогоор нэг ч хожигдол амсаагүй 6 хожилтой тэргүүлж байгаа “Continental” багийн довтлогч Хамхоев Ислам 12 гоолтой удаалж байна. Хүснэгтийг тэргүүлж буй 3 баг "Хүрхрээ" дээд лигийн эрхийн төлөө ширүүн өрсөлдөөнийг үзүүлэх бол Хилчин баг ийнхүү сүүлийн 3 тоглолтонд ялагдал хүлээснээр тэргүүлэгчийн өрсөлдөөнөөс хасагдлаа.

Эх сурвалж: http://the-mff.mn