ОХУ-ын агаарын тээврийн “Аэрофлот” компанийн онгоц Москва-Анапа чиглэлд нислэг үйлдэж байх үед хоёрдахь нисгэгч нас баржээ. Онгоц өглөөний 8:20 цагт Шереметьево буудлаас хөөрсөн боловч нисгэгчийн бие муудсаны улмаас 10:00 цагт Ростов на Донуд түр газарджээ.

Үүссэн нөхцөл байдалтай холбоотой онгоц ослын буулт хийсэн боловч нисгэгчид эмнэлгийн тусламж үзүүлж амжаагүй байна. Амиа алдсан нисгэгч 49 настай байсан бөгөөд үхлийн шалтгааныг урьдчилсан байдлаар зүрхний шигдээс хэмээн үзэж буй аж. Онгоц үүнээс хойш хоёр цагийн дараа нислэгээ үргэлжлүүлэн Анапа хотод газарджээ.

Эх сурвалж: Svoboda.org