Үндсэн хуулийн нэмэлт, өөрчлөлтийн эхийг ёсчиллоо | News.MN

Үндсэн хуулийн нэмэлт, өөрчлөлтийн эхийг ёсчиллоо

Үндсэн хуулийн нэмэлт, өөрчлөлтийн эхийг ёсчиллоо

Үндсэн хуулийн нэмэлт, өөрчлөлтийн эхийг ёсчиллоо

Монгол Улсын Үндсэн хуульд нэмэлт, өөрчлөлт оруулах эхийг баталгаажуулах ёслол Төрийн ордны есөн хөлт танхимд болж, Монгол Улсын Ерөнхийлөгч Х.Баттулга, УИХ-ын дарга Г.Занданшатар, Монгол Улсын Ерөнхий сайд У.Хүрэлсүх нар оролцлоо. Энэ үеэр Монгол Улсын Ерөнхийлөгч үг хэлсэн юм.

 Монгол Улсын Ерөнхийлөгч Х.БАТТУЛГА:

-Монголчуудаа, УИХ-ын эрхэм гишүүд, УИХ-ын дарга, Ерөнхий сайд аа, анхдугаар Үндсэн хуулийн 95 жилийн ойн энэ өдөр Үндсэн хуульд оруулсан нэмэлт, өөрчлөлтийн төслийг баталгаажууллаа. 1992 оны ардчилсан шинэ Үндсэн хуулийн орчин цагийн шаардлага, нийгмийн хэрэгцээнд тохируулан өөрчлөх асуудлыг олон нийт, улс төрийн хүрээнд сүүлийн 11 жилийн турш идэвхтэй хэлэлцэж, дөрвөн удаа өргөн барьжээ. Миний бие 2018 оны намрын чуулганы нээлт дээр хэлсэн үгэндээ “Үндсэн хуульд нэмэлт, өөрчлөлт оруулах замаар засаглалын тогтолцооны зохист хэлбэрийг сонгох, улс төр, нийгмийн хуримтлагдсан асуудлуудыг нэг мөр шийдэх эрс өөрчлөлт хийхийг парламентын гишүүдэд уриалсан билээ. Өнгөрсөн хаврын чуулганаар УИХ Үндсэн хуулийн нэмэлт, өөрчлөлт хийхийг эрс шулуудаж, нийгмийн захиалгыг хагас боловч биелүүлээд байгааг бид чамлах хэрэггүй байх аа. Энэ удаагийн УИХ эрс өөрчлөлт хийж чадаагүй ч урагш хагас алхлаа. Уг нь нэг мөр шийдэх олон асуудал шийдлээ хүлээж байсан боловч бүлэглэлүүдийн явуулгаар бүтэн урагш алхаж чадсангүй, сонгуулийн тогтолцоогоо оновчтой болгож чадсангүй. Гэхдээ чамлахаар чанга атгах цаг иржээ. Үгүй бол бид найман жил хүлээхэд хүрнэ. Улс орны хөгжил тэр хугацаагаар саарч, нийгмийн зохицуулалт цаг үеийн шаардлагаа хоцорно. Төр улс орныг удирдах зохицуулах чадвараа алдах, эрсдэлийг дагуулах нөхцөл бүрдсэн. Улс орны эрх ашгийг эн тэргүүнд эрхэмлэх, үндэсний эв нэгдлийг бүхнээс дээгүүр эрэмблэх зарчмын үүднээс Үндсэн хуулийн нэмэлт, өөрчлөлтийг соёрхон баталж, ёсчлох нь зүйтэй гэж үзлээ. Юуны түрүүнд Монголын эрх ашиг, ард түмний ирээдүй сайн сайхан эрэмблэгдэх учиртай хэн ч мартаж болохгүй. Монголчууд сөргөлдөх бус эвлэлдэх, хойшоо чангаах биш урагш тэмүүлэх цаг ирсэн учраас Үндсэн хуульд нэмэлт, өөрчлөлт оруулахыг ёсчилж байна. Иргэн бүр унштугай, ухаартугай, дагатугай. Мөнх тэнгэрийн хүчин дор Монгол даяар хуульт ёс тэгш үйлчилж, зон олон  шударга төрийн далбаан дор энх тунх жаргах болтугай.

ГЭРЭЛ ЗУРГИЙГ Н.БАТМӨНХ


ҮНДСЭН ХУУЛИЙН НЭМЭЛТ, ӨӨРЧЛӨЛТИЙН ЭХИЙГ ЁСЧИЛНО

УИХ 2019 оны арваннэгдүгээр сарын 14-ний өдөр Үндсэн хуульд нэмэлт, өөрчлөлт оруулж, баталсан. Энэхүү батлагдсан Үндсэн хуулийн нэмэлт, өөрчлөлтийг эхийг Монгол Улсын Ерөнхийлөгчид УИХ-ын дарга биечлэн хүргүүлсэн билээ. Үндсэн хуульд оруулсан нэмэлт өөрчлөлтийн эхийг Ерөнхийлөгч  Анхдугаар Үндсэн хуулиа баталж, Бүгд Найрамдах Улсаа тунхагласны 95 жилийн ойн энэ өдөр ёсчлохоор болжээ.

Ёслол өнөөдөр /2019.11.26/ 11.40 цагт Төрийн ордны 9 хөлт, цагаан тугт танхимд Монгол Улсын Ерөнхийлөгч Х.Баттулга Үндсэн хуулийг ёсчилж, гарын үсэг зурах юм байна. Үндсэн хуулийн өөрчлөлтийг ёсчлох арга хэмжээнд Монгол Улсын Ерөнхий сайд У.Хүрэлсүх, УИХ-ын дарга Г.Занданшатар, бусад төрийн өндөр, дээд албан тушаалтнууд оролцоно. 95 жилийн өмнө Монголын өнцөг булан бүрээс аймаг, шавь, хошууны 77 төлөөлөгч Нийслэл Хүрээнд хуран цуглаж Анхдугаар их хурлаа хийж хаант засгаас бүгд найрамдах засаглалд шилжин, хамжлагат ёсыг халсан анхдугаар Үндсэн хуулийг 15 хоног хэлэлцэж, 1924 оны арваннэгдүгээр сарын 26-ны өдөр баталж байжээ.

"Болор дуран"-аар шалгав.
Энэ мэдээнд өгөх таны сэтгэгдэл?
23
ЗөвЗөв
6
ТэнэглэлТэнэглэл
1
ХахаХаха
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-11-26 66.181.190.100

Манай 3 дажгүй ээ дажгүй энэ эрчээрээ урагшаа давшаад байгаарай гурав аа

Avatar

Зочин 2019-11-26 66.181.178.199

Энэ еерчлелт нийгмийн асуудлыг шийдэж чадах уу?! Хувцасны енге зохицол унэн марзан юмаа!

Avatar

ааа 2019-11-26 62.232.167.210

Воав, манай 3 өндөрлөг сайхан харагдаж байна шүү. Дээл, малгай ямар сайхан зохио вэ. Харин, зурагчин гуай Ерөнхийлөгчийн эрүүгээ шахаж байгаа зургийг биш арай өөр зураг оруулж болоогүй юм байхдаа. Зөндөө л зураг авсан байж таарна даа.

Avatar

Minjin 2019-11-26 122.201.24.32

Ard tumen batlaagyi dan avilgachid hylgaichyyd batalsan bolhoor neg l setgeld buuhgyi tsaana ne dan ed nariin ahsig sonirhol nuugdaad baigaa met sanagdah bolloo

Avatar

Иргэн 2019-11-26 64.119.21.143

Одоо Үндсэн Хуулиа ягштал мөрдөх л үлдлээ.

Avatar

Зочин 2019-11-26 116.34.146.47

Гэр хороололд байгаа иргэдээ маш хурдан орон сууцанд оруулж чадахгүй нөхдүүд ичих хэрэгтэй одоо маш бага цаг хугацаанд том өөрчлөлт хийдэг үе орчноо мэдэрэхгүй 3 мал зогсож байна.

Avatar

Иргэн 2019-11-26 192.82.78.80

Баттулга ард түмэнээсээ урваж МАНАН-ын талд байгаа нь харамсалтай

Avatar

Зочин 2019-11-26 202.179.31.97

tenegt

Avatar

Халх 2019-11-26 202.9.43.45

Женко Баттулга МАН ын хулгайчуудтай нийлж үндсэн хуулийг самарлаадаа. Төрд шургалсан хулгайчууд дахиад л ороод ирэх хууль болсон шүүдээ!!

Avatar

Amar 2019-11-26 182.160.35.138

За ингээд иргэдээ гэсэн нийгэмтэй болох хууль, эрх зүйн асуудал шийдэгдлээ.Сайхан шүү.

Avatar

Зочин 2019-11-26 103.26.194.94

Агуу эх оронч Баттулга ерөнхийлөгч мандтугай эх орноо гэсэн эгэл даруу зөв хүн төрийн тэргүүн болсноор ард нийтээрээ шударга эгэл жирийн байхын утга учрыг эрхэмлэж эхэллээ

Avatar

Зочин 2019-11-26 43.242.243.19

Хориг тавина гээд байсан нь худлаа юм байж л дээ.

Avatar

1 2019-11-26 66.181.161.33

Humsaa nuusan hulgaichuud

Avatar

Зочин 2019-11-26 202.126.89.47

ЯМАР Ч БАЙСАН БАЯР ХҮРГЭЕ БАЯРЛАЛАА ЕРӨНХИЙЛӨГЧӨӨ

Avatar

Зочин 2019-11-26 122.201.22.146

Уг нь эрс өөрчлөлт хийх л байсан юм даа .Одоо яана гэхэв ,гэхдээ урагшаа нэг алхсан нь үнэн л дээ.яг одоогийн энэ системээр 30 жил явлаа албан тушаалтанд ээлтэй ард түмэнд халтай ийм л дүр сургаар 30жил явлаа даа.Уг нь ард түмэнд ээлтэй албан тушаалтан ,улс төрчдөд халтай ,хатуу байдаг системийг л хэрэгжүүлэх шаардлагатай байлаа даа

Avatar

бат. 2019-11-26 202.9.46.22

Женкогийн 10 жил төрийн тэргүүнд суух хүсэл нь дийлж дээ.

Avatar

Зочин 2019-11-26 202.55.191.130

хууль зөрчиж бусад нам, ТББ-ын саналыг уландаа гишгэн ёс зүйн чадамжгүй МАНАН бүлэглэл Үндсэн хуулийг самарлаа…

Avatar

ХУД-ийн иргэн Ш.Раднаа: 10 ХОНОГИЙН ӨМНӨХ МИНИЙ ДҮГНЭЛТ ИЙМ БАЙЖЭЭ 2019-11-26 66.181.178.225

ХУД-ийн иргэн Ш.Раднаа
1/Сонгуулийн олонхийн тогтолцоог Үндсэн хуульд авч үлдсэнээрээ МАН ирэх 8 жил төрийн эрх барих зорилгоо хангахад ТОМ АЛХАМ хийлээ.УБ хотод өөр ч, хөдөөд бусад намууд МАН-тай өрсөлдөхөд хэцүү. 2/Үндсэн хуулийн нэмэлт өөрчлөлтөөр бүх юм сайн сайхан болчихно гэвэл гэнэн хэрэг болно. Гэхдээ энэ чиглэлд НЭГ АЛХАМ хийлээ.ОДОО ДАГАЖ ГАРАХ ХУУЛИУДАА ЯАРАЛТАЙ, ТУН ЧАМБАЙ БОЛОВСРУУЛЖ БАТЛАХ ХЭРЭГТЭЙ.Ингэж чадвал энэ нэмэлт, өөрчлөлтийн үр өгөөж улам мэдрэгдэх болно. 2019.11.16

Avatar

Амар 2019-11-26 182.160.35.138

Хөөе.Ерөнхийлөгч өө. Гадны юмыг шууд хуулдагаа болимоор байна.Үндсэн хуулинд сонгуулийн пропорционал системийг суулгачихвал УИХ-д баахан Баасанхүү, Баянсэлэнгэ ороод ирнэ шүү дээ.

Avatar

Amar 2019-11-26 182.160.35.138

Хөөе.Ерөнхийлөгч өө. Гадны юмыг шууд хуулдагаа болимоор байна.Үгдсэн хуулинд сонгуулийн пропорционал системийг суулгачихвал УИХ-д баахан Баасанхүү, Баянсэлэнгэ ороод ирнэ шүү дээ.

Avatar

Зочин 2019-11-26 24.12.0.213

yostio khuurkhun bnaa

NewsMN Гар утасны хувилбар Татах
NEWS.mn

Мэдээллийн эх сурвалж