Тусгаар тогтнол чамайг тунхаглан бичнэ! | News.MN

Тусгаар тогтнол чамайг тунхаглан бичнэ!

Тусгаар тогтнол чамайг тунхаглан бичнэ!

Тусгаар тогтнол чамайг тунхаглан бичнэ!

Энэ бол Монголчууд Тусгаар тогтнолынхоо төлөө саналаа өгч буй дүр зураг. Түүхийн шаргал хуудсанд ингэж үлджээ. Одоогоос 95 жилийн өмнө буюу 1924 оны арваннэгдүгээр сарын 26-ны энэ өдөр Монгол Улс анхдугаар Үндсэн хуулиа баталж, Хаант засгаас Бүгд найрамдах засаглалд шилжиж, хамжлагат ёсыг халсан нь Монголын түүхэнд тохиосон томоохон үйл явдал юм.

Дэлхий дээр Тусгаар тогтнолын өдрийг 80 гаруй улс тэмдэглэдэг байна.

Үүний нэг нь Монгол Улс. Судлаачдын дүгнэлтээр Бүгд найрамдах улсыг тунхагласан явдал нь XX зууны Монголын хамгийн том ололт гэжээ. Туурга тусгаар Монгол улсыг дэлхий дахинд зарлаж, Үндсэн хуульт Бүгд найрамдах байгууллыг сонгосонд уг өдрийн ач холбогдол оршино.

Зохиолч, яруу Д.Пүрэвдоржийн “Тусгаар тогтнол” шүлэг уг өдрийн үнэ, цэнийг тодорхой илэрхийлсэн алдартай бүтээл юм. Дунд сургуульд байхдаа бид уран зохиолын хичээл дээр ягштал цээжилдэг байж билээ. Гэхдээ хамгийн гол нь зүгээр нэг цээжлэх бус утга, агуулгыг нь сайн ойлгох хэрэгтэйг багш маань их сануулдагсан. Уг шүлгэнд "Улс гэрээ тунхагласан эх оронч өвөг дээдсийн хатан зориг, олон мянган цэрэг эрсийн халуун амь, Монголчууд биднийг сорьсон цадиг түүхийн өмнө бүтэн үлдсэн үндэсний дархлаагаа тунхаглан зарлаж, бахархан омогшиж, үр хойчдоо үеийн үед үүрд сануулан сийлсэн билээ.

Тусгаар тогтнол

Д.Пүрэвдорж

Ханат цагаан гэрийн од хийморийн тоонон дээр
Хасаг халуун тулганы омог дєрвєн тотгон дээр
Хан Алтай аавын онгон тэргvvн оргил дээр
Хатан Сэлэнгэ ээжийн одод орчих мандал дээр
Тусгаар тогтнол чамайг
Тунхаглан бичнэ би
Ганган улаан тэмээний зогдор дэвсэх тэшил дээр
Гантай мєнгєн хэтний зоолог тээх тээгэн дээр
Галбын халуун говийн хулан ангах ээрэм дээр
Гантиг чулуун хясааны янгир халих элгэн дээр
Тусгаар тогтнол чамайг
Тунхаглан бичнэ би Хvж дурдан бvсний ташаа дарах нугалаан дээр
Хvрэл манан хєєргєний даалин дарах наргиан дээр
Хvйсийн шvvдэр буусан уулын гацаа бууцан дээр
Хvннv дээдсийн тамгалсан улбаа гархин буурин дээр
Тусгаар тогтнол чамайг
Тунхаглан бичнэ би
Ширмэн тємєр дєрєєний шивээ зурах тавган дээр
Шижир алтан ээмэгний шигтгээ чимэх гархин дээр
Шинийн хоёрны саран хаяарч шингэх тэнгэр дээр
Шинэ нялх ногоо ханшиж задрах газар дээр
Тусгаар тогтнол чамайг
Тунхаглан бичнэ би
Аавын мєнгєн хазаарын найман цэнгийн товруун дээр
Азын алаг мэлхийн наян нэгэн шагайн дээр
Алиахан саарлын унага хєллєн тэнцэх нуга дээр
Ангирын хоёр дэгдээхэй хєвєн цэнгэх нууран дээр
Тусгаар тогтнол чамайг
Тунхаглан бичнэ би
Индэр улаан галын цац бадман дєлєн дээр
Ижил хоёр загалын цацаг шанхан дэлэн дээр
Идэр гурван есийн цас чахрах цайдам дээр
Есєн голын цан хєєрєх царман дээр
Тусгаар тогтнол чамайг
Тунхаглан бичнэ би
Бэлгийн цэнхэр хадагны хоёр гардах дэлгээс дээр
Бэхэн хар гэзэгний хосоор дарах сvлжээс дээр
Бэрийн домогт цэцгийн хорвоо уярах дэлбээн дээр
Бидэрт мєнгєн сарны хоймор унах туяан дээр
Тусгаар тогтнол чамайг
Тунхаглан бичнэ би
Урсгал татмал усны хєл алдах ёроол дээр
Ургамал таримал модны хєрсєнд хавах ёзоор дээр
Уяран мэлмэрэх янагийн дурлал амилах харцан дээр
Уйлан мэндлэх vрийн дуулан орхих манцуйн дээр
Тусгаар тогтнол чамайг
Тунхаглан бичнэ би
Ажнай сайн хvлгийн гал цахилах тууран дээр
Аагисан улаан хvдрийн ган царцах хайлш дээр
Амар тvвшин жаргалтай ам бvлийн дансан дээр
Алтан босго єлзийтэй айл бvхний vvдэн дээр
Тусгаар тогтнол чамайг
Тунхаглан бичнэ би
Баяр найрын ширээний амтат тансаг идээн дээр
Баян хангайд мєнхєрсєн арц хуш зээгэн дээр
Балтаар давтан хийсэн анжисны торгон ирэн дээр
Багц дvvрэн ургасан атрын тарианы мєрєн дээр
Тусгаар тогтнол чамайг
Тунхаглан бичнэ би
Эрт айлын хаяа дархан хилийн дээсэн дээр
Энхтайвны харуул дайчин эрсийн тангараг дээр
Эрдэнэ зуугийн хэрэмний зуун найман суварга дээр
Энэ зууны єргєєний зуун тvмэн цонхон дээр
Тусгаар тогтнол чамайг
Тунхаглан бичнэ би
Эрх чєлєєний зарлиг ардын vндсэн хууль дээр
Эрх хэл соёлынхоо ад биш баян сан дээр
Эрдэнэтийн арга билиг алтан соёмбын гачил дээр
Эх нутгийн шорооны амиар солих ширхэг дээр
Тусгаар тогтнол чамайг
Тунхаглан бичнэ би
Аав ээжийн буянтай єлзийт цагаан хоймор дээр
Амин гарвалын толботой єлгийт нялхсын єєжин дээр
Ардын журамт цэргийн єргєж ялсан туг дээр
Амьсгалаа бидэнд єгсєн єрлєг дээдсийн дурсгал дээр
Тусгаар тогтнол чамайг
Тунхаглан бичнэ би
Хан тэнгэрт сvмбэрлэсэн vйлдвэр уурхайн яндан дээр
Хаяа нийлж сvндэрлэсэн vлгэрийн харшийн туурган дээр
Хангай говь талын vлэмжийн єв баялаг дээр
Халуун эх оронч бvхний vндэсний их бахархал дээр
Тусгаар тогтнол чамайг
Тунхаглан бичнэ би
Сав саваар саалийн харваж хvрэхгvй зэлэн дээр
Сая саяар сvргийн хатирч хvрэхгvй билчээр дээр
Сар нарны єртєєнд хагацаж болшгvй учрал дээр
Сайхан монгол орноо хайрлаж ханашгvй ерєєл дээр
Тусгаар тогтнол чамайг
Тунхаглан бичнэ би
Єглєє бvрийн нарны асгаран буух цацрал дээр
Євгийн морин хуурын аялгуу хослох утсан дээр
Єргєн цээж чєлєєтэй амьсгалж яваа газар дээр
Єєрийн толгой мэдэлтэй амьдарч яваа заяан дээр
Тусгаар тогтнол чамайг
Тунхаглан бичнэ би
Ухаа хонгорын жолоог захлан татсан талбай дээр
Ухаант жанжин Сvхбаатарын зарлан дуудсан тунхаг дээр
Улаанбаатар нийслэлийн заяа тэтгэх дээвэр дээр
Улсаа ачлан захирсан засаг тєрийнхєє ордон дээр
Тусгаар тогтнол чамайг
Тунхаглан бичнэ би
Нvvрэнд нь гал бадарсан монгол эцгийн хийморь дээр
Нvнжгэнд нь нар гэрэлтсэн монгол эхийн сэтгэл дээр
Нvvдлийн єргєєнд нэгдсэн монгол аймгийн холбоон дээр
НҮБ-ын шилтгээнд заларсан монгол улсын далбаан дээр
Тусгаар тогтнол чамайг
Тунхаглан бичнэ би
Эзэн сууж жаргасан их заяагаа сvсэглэж
Эх орон талынхаа ирээдvйн таалалд нийцvvлж
Эрдэнэсийн далайгаас шvvрдсэн итгэлийн сувд vгсээр
Эрх жаргалаа баталсан иргэн бvхний гараар
Тусгаар тогтнол чамайг
Тунхаглан бичнэ би.

Энэ мэдээнд өгөх таны сэтгэгдэл?
11
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-11-26 202.179.26.231

Миний хайртай эх орон хэзээ нэг цагт хулгайчдаасаа салаад аятайхан болох биз дээ. Туснаар тогтнол гэдэг эрхэм зуйлээрээ бахархаж байна. Харин алдчихвий дээ.

Avatar

Зочин 2019-11-26 150.129.141.162

Сэтгүүлч хүн улс орныхоо түүхийн хамгийн чухал үеийн тухай ийм дорд мэдлэгтэй байх ямар гутамшигтай вэ. 1924 оны энэ өдөр Анхдугаар Үндсэн хуулиа баталж, Богт хаант засаглалаа халж Бүгд найрамдах засаглалаа тунхагласан өдөр. Харин наад зураг чинь энэ өдөртэй ямар ч холбоогүй бөгөөд Монгол Улсын тусгаар тогтнолын төлөө бүх ард түмний санал хураалт 1945 оны 10 сарын 20-нд болсон юм. 1945 оны зураг л даа. 1924 онд БНУ болсон, 1945 онд тусгаар улсаа баталж монголчууд 100 хувь санал өгсөн.

Avatar

Төрийн соёрхолт Хөдөлмөрийн баатар Дэндэвийн Пүрэвдорж 2019-11-26 103.212.117.16

НҮБ-ын шилтгээнд заларсан Монгол улсын далбаан дээрТусгаар тогтнол чамайг Тунхаглан бичнэ би Агуу Агуу Агуу

Avatar

Ардын уран зохиолч Төрийн соёрхолт Хөдөлмөрийн баатар Дэндэвийн Пүрэвдорж 2019-11-26 103.212.117.16

… НҮБ-ын шилтгээнд заларсан монгол улсын далбаан дээрТусгаар тогтнол чамайг Тунхаглан бичнэ би Агуу Агуу Агуу

Avatar

Zochin 2019-11-26 66.181.178.211

Aguu

Avatar

Зочин 2019-11-26 64.119.25.140

Монгол улс минь үүрд мандан бадрах болтугай.

Avatar

зочин 2019-11-26 202.179.26.231

Еоое. Уншиж байхад л хоолой зангираад байхымаа.

Avatar

1407 2019-11-26 202.21.108.92

Танай сайт чинь галзуурчихсан юм уу? Өчигдөр л су-29 авч тусгаар тогтнолоо баталгаажуулж байхад л эргүүтсэн нийтлэл бичээд байсандаг.

Avatar

бат. 2019-11-26 202.9.46.22

Хулхи баяр.

Avatar

ZOCHIN 2019-11-26 192.82.78.23

Gaixamshigtai shuleg dee.Mundag zoxiolch.

NewsMN Гар утасны хувилбар Татах
NEWS.mn

Мэдээллийн эх сурвалж