Өмнөд Солонгосын охидын KARA хамтлагийн гишүүн асан Кү Ха Ра ням гаригт /2019.11.24/ Гангнам дүүрэг дэх гэрээсээ нас барсан байдалтай олдсон талаар мэдээлсэн билээ.

Энэхүү хэргийг мөрдөн шалгах ажиллагаа үргэлжилж байгаа ба цагдаа нар түүний гэрээс “ихэд сэтгэлээр унасан, гутарсан” байдалтайгаар бичсэн гар бичмэл олсон талаар “Korea Times” мэдээлжээ.

Гэхдээ энэ захидлыг дуучин амиа хорлох сэдлээр бичиж үлдээсэн гэрээслэл гэж хэлэх боломжгүй байгаа ба захидал дээр бичсэн нарийн зүйлсийн талаар тайлбар өгөөгүй байна.

Сөүл хотын цагдаагийн газрын хэвлэлийн төлөөлөгч “Түүний гэрээс маш богинохон гар бичээс олдсон. Энэ бичээсээс харахад тэр өөрийн амьдралдаа тийм ч сэтгэл хангалуун байгаагүй, их сэтгэлээр унаж байж” хэмээн хэлсэн байна.

Эх сурвалж: KOREA TIMES