Байгалийн түүхий музей газрын наймааны золиос болсон гэв | News.MN

Байгалийн түүхий музей газрын наймааны золиос болсон гэв

Байгалийн түүхий музей газрын наймааны золиос болсон гэв

Байгалийн түүхий музей газрын наймааны золиос болсон гэв

“Монгол туургатан төв холбоо”-ноос “Улсын төв музейд хууль бусаар халдаж байна” сэдвээр өнөөдөр /2019.11.25/ мэдээлэл хийлээ.

Байгалийн түүхийн музейг авч үлдэх зорилготой иргэд, төрийн бус байгууллагуудын зүгээс барилгыг хүчитгэн засахад шаардагдах хөрөнгийг улсын төсвөөс гадуур шийдвэрлэх боломжийг бий болгоод байсан. Бидний хоёр сар гаруйн тэмцэл үр дүнд хүрсэнгүй. Бид дийлдлээ. Улсын төв музей буюу Байгалийн түүхийн музейн барилгыг буулгаад дуусч байна. Урдаас нь харахад зүгээр байгаа мэт боловч ард талыг нь буулгаад дууссан байна. Нэг л өдөр нүүрэн тал нь буух байх. 2019 оны дөрөвдүгээр сард Засгийн газрын тогтоол гарч, Чингис хааны музей байгуулах болсныг зарласан бөгөөд наадмын өмнө Байгалийн түүхийн музейг буулгах шийдвэр гарсан" хэмээн Улаанбаатарт иргэдийн форумын гишүүн Д.Цэрэнжав  хэлсэн юм.

Улаанбаатар хотын музейн эрдэм шинжилгээний ажилтан Г.Очбаяр “Яагаад улсын төв музейн барилгыг авч үлдэх ёстой вэ гэхээр уг музей нь Монголын орчин цагийн хот байгуулалтын түүхийн гэрч болсон архитектурын дурсгал юм. Уг барилгыг 2015 онд соёлын өвд бүртгэж авсан. Байгалийн түүхийн музейг соёлын өвд бүртгэсэн хэд хэдэн шалтгаан бий. Тус музей нь Улаанбаатар хотын орчин цагийн анхны барилгуудын нэг буюу түүхийг гэрчилж буй гол барилга юм.

Хоёрдугаарт, маш гоё хийцтэй, урдаа баганатай бөгөөд үүгээр бол Бага тойруу дахь Улаанбаатар хотын архитектурын чуулга болдгоор онцлогтой. Хот байгуулалт хотын төв, архитектур ой санамж гэсэн дөрвөн чиглэлээр соёлын өв гэдэг нь батлагдаж байгаа юм” гэлээ.

Тус төвийн тэргүүн Э.Одбаяр “Наадмын өмнө хуучин барилгыг нураагаад оронд нь Чингис хаан музей байгуулна гэсэн шийдвэр гарсан. Байгалийн түүхийн музей Улаанбаатар хотын хамгийн анхны барилгуудын нэг. БСШУСЯ-нд манай холбооноос шаардлага хүргүүлж, Захиргааны хэргийн анхан шатны шүүхэд нэхэмжлэл гаргасан.

Байгалийн түүхийн музейн барилгыг буулгаж байгаа асуудлын цаана газрын наймаа явж байгаа. Мэргэжлийн хяналтын байгууллагын хоёр, гурван удаагийн дүгнэлт бий. 2013, 2015, 2018 онд гарсан зөвлөмжид "музейн удирдлагуудаа холбогдох яаманд хүн ажиллах үйл ажиллагаа явуулах орчин нөхцөлийг яаралтай бүрдүүл" гэж зөвлөсөн байна лээ. Гэтэл дотор нь урсгал засвар хийдэггүй ч юм уу, музейн үзмэрийг зарж борлуулах гэх мэт үйл ажиллагааг явуулсаар байгаад эцэстээ газар руу нь орж байна.

Энэ тендерт “Аяа” ХХК ялсан. Тендерийг аваад өчигдрөөс дээврийг хуулсан байна лээ. Тус компанийн захиралтай холбогдоход “Асуудал шүүхэд явж байгаа. Шүүхээр явж дуустал та нар ар өврөөс нь буулгаж болохгүй. Хэрвээ барилга байгуулалтын ажил эхлүүлэх гэж байгаа бол барилгын тухай хууль, журамд заасны дагуу үйл ажиллагаа зохион байгуулаагүй байна. Энд аль ч  талаасаа та нар хууль зөрчиж байна” гэж хэлсэн. Компанийн захирал нь тухайн үед шүүх дээр асуудал дуустал энэ үйл ажиллагаагаа зогсоолоо гэсэн. Дараа нь бид уулзах гээд утсаар холбогдоход та нартай уулзах шаардлагагүй, буулгана гэсэн байр суурийг илэрхийлсэн. Одоо шөнө дөлөөр тоног төхөөрөмж оруулаад ирчихсэн, байгалийн түүхийн үндсэн барилга руу халдах нөхцөл байдал үүсчихлээ.

БСШУСЯ-ны сайд Ё.Баатарбилэг газар асуудалтай байгаа гэдгийг хэлсэн. Мөн Ерөнхий сайд газарт асуудал үүссэнийг хүлээн зөвшөөрсөн. Газрын наймааны хардлагатай холбоотой баримтуудыг бид дэлгэнэ.

Захиргааны хэргийн анхан шатны шүүхээс энэ барилгыг буулгах шийдвэрийг түдгэлзүүлсэн. Гэтэл Засгийн газар иргэдийнхээ эсрэг давж заалдсанаар өнгөрөгч долоо хоногт болсон давж заалдах шатны шүүх хурал дээр түдгэлзүүлсэн шийдвэрийг хүчингүй болгож шийдвэрлэсэн. Хүчингүй болгосны дараа Аяа компани буулгалтын ажил руугаа орсон. Дотор нь нууцаар буулгаж ажил үргэлжилсээр байна.

Музей доторх үзмэр нэлээд гэмтсэн. Тухайлбал, үзмэрийг зарж борлуулж, нийтийн өмчийг худалдсан асуудал үүссэн. Шүүх хурлын тов зарлагдахаас өмнө буулгах ажил өрнөж байна” гэсэн мэдээллийг өглөө.

Э.АРИУН 

Энэ мэдээнд өгөх таны сэтгэгдэл?
2
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Батболд 2019-11-25 192.82.65.132

Үзмэрүүд хаана байна вэ? түүхээ худалдсан улсад төрсний гэрчилгээнээс өөр хэвлэмэл цаас үлдэхгүй дээ

Avatar

hasaa 2019-11-25 59.153.87.19

УЛСЫН АРХИВЫН ТӨВ БАРИЛГА ЭНЭ ЖИШГЭЭР ЯВСАН.

Avatar

Зочин 2019-11-25 103.229.120.122

Хотын өнгө үзэмж гутаасан муухай дээр нь хэзээч хамаагүй нурж гэмгүй хүн а**х байшинг нураа.

Avatar

Hotel bosoh ni dee 2019-11-25 202.126.89.124

Tom hotel bosoh ni dee. Nuguu 800 hujaa chin 8000 bolj avilgadaj orj ireed bairlah ni dee

Avatar

Zochun 2019-11-25 64.119.16.36

Bat-Yyliin yed garsan shidver bil yy?

Avatar

Зочин 2019-11-25 202.21.108.106

Нураах л юм бол газарт нь Хүүк өөрийн барилгаа барих биз, музейг нь уулын аманд аваачна гэсэн шүү. Хүүк Миеэгийн халааг авч байна.

Avatar

Зочин 2019-11-25 66.181.161.106

Нурааж л барина гэнэ шүү. Одоо өндөр шилэн байшин оффис болоод бөөн зогсоолгүй машин эргэлдсэн гамшиг болох нь ээ

Avatar

Зочин 2019-11-25 193.83.195.158

Тусгаар Монгол орны түүхийн эрч болсон уран барилга, байгууламжаа ад үзэж байгаад туйлын харамсаж байна.
Түүх, соёлоо хадгалж, бахархах зүйлтэй байж тусгаар улс, ард түмэн оршин тогтноно.
Энд сэтгэгдэл бичсэн хүмүүсийн өмнөөс ичиж байна. Сэтгэлгээний хомсдол, оюуны ядуурал яах аргагүй нүүрлэсэн байна!!!

Avatar

Зочин 2019-11-25 122.201.24.245

Bagana l baival tuuhiin tursgal boldog umbol haana hed herevteigee helchih ajliin sadaa min

Avatar

Зочин 2019-11-25 66.181.178.15

СУУРИН ДЭЭР НЬ ЯГ УРДНЫ ЗАГВАР ХИЙЦИЙГ ХАРУУЛЖ ХАДГАЛСАН ШИНЭ БАРИЛГА БАРИАД УГ МУЗЕЙГ ОРУУЛАХ ХОНШООР, ШУДАРГА ҮНЭНЧ ЧАНАР МОНГОЛЫН ЗГ БОЛОН УБ ХОТЫН ЗАХИРГААНД ТҮҮНИЙ УДИРДЛАГУУДАД БАЙНА УУ ҮГҮЙ ЮУ ГЭДЭГ НЬ ЮУ ЮУНААС ЧУХАЛ БӨГӨӨД СОНИРХОЛТОЙ БАЙНА.

Avatar

Irgen 2019-11-25 192.82.70.230

Nuraah heregtei iim bariilga tuuhiin dursgal bolood yahav dee.ajil hiih gej bgaa humuust bitgii saad bol .iim zuil yarij balairch bgaa humuusiin tsaana uursdiin hun ni erh ashig bgaa …

Avatar

эгэл 2019-11-25 66.181.191.212

элийрээд байгаач Мал эмнэлгийн зориулалтаар баригдсан барилга шүү дээ

Avatar

Зураач 2019-11-25 103.212.117.42

Нураагаад хавраас шинэ музейгээ эхлэх нь зевее одоол барилга денгеж бариж сурч бг улсууд шуудээ дараа нь Улаанбаатар хотын музей гэдэг амбаарыг нурааж Улаанбаатарын орчин уеийн урлагын тев барих хэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж