Монгол улсын гавьяат тамирчин Дашзэвэгийн Намжилмаагийн нэрэмжит Ахмад мастеруудын УАШТ өнөөдөр цэнгэлдэх хүрээлэнд эхэллээ. Энэ удаагийн Улсын аварга шалгаруулах тэмцээн 6 насны ангиллаар болж байгаагаараа онцлог юм.

Хөнгөн атлетикийн спортыг сурталчлан таниулах, ахмад мастеруудын ур чадварыг залуучуудад түгээх зорилгоор энэ удаагийн ахмад мастеруудын УАШТ төв цэнгэлдэх хүрээлэнд эхэллээ. Тэмцээн 100 метр, 1500 метр, Уртын харайлт, Бөөрөнцөг түлхэлт, Зээрэнцэг шидэлт гэсэн төрлүүдээр 45-49, 50-54, 55-59, 60-64, 65-69, 70 дээш гэсэн насны ангиллаар болж байна.

Энэ удаагийн Ахмад мастеруудын улсын аварга шалгаруулах тэмцээнийг Өмнөговь аймгийн биеийн тамир спортын газар ивээн тэтгэж ажиллаж байна.