Мongolian Business Database (MBD) Монгол, Британийн Худалдаа, аж үйлдвэрийн танхимтай хамтран энэ сарын 30-ны өдөр Лондон хотод зохион байгуулах “Doing Business With Mongolia” семинарт Монголоос 10 орчим компанийн төлөөлөл оролцохоор Улаанбаатар хотоос мордох гэж байна.

Уг арга хэмжээ 2010 оноос хойш тасралтгүй хэрэгжиж байгаа бөгөөд Лондонд төвтэй уул уурхай, хөдөө аж ахуй, барилга, газар тариалан, мал аж ахуйн чиглэлийн 100-150 орчим хөрөнгө оруулагч бизнес эрхлэгчид оролцож ирсэн билээ.

Mongolian Business Database ирэх оны эхээр Австралийн Сидней хотод олон улсын Франчайсингийн үзэсгэлэнд Монголын бизнес группыг зохион байгуулах бөгөөд энэ үеэр Австралийн франчайсингийн хуулийг боловсруулалцсан хуульчид болон Австралийн нэр хүндтэй франчайнгийн компаниуд Монголын бизнес эрхлэгчдэд зориулсан тусгай сургалт семинар зохион байгуулна.

Мөн ирэх оны 5 сард Канадын Оттава хотод зохион байгуулагдах Хойт Америк Монголын Бизнесийн Зөвлөлийн Хөрөнгө оруулагчдын чуулганд бизнес групп зохион байгуулахаар бэлтгэж эхлээд байна.

Mongolian Business Database www.mongolianbusinessdatabase.com өөрийн бааз дахь мэдээ мэдээллээ улам өргөжүүлж  "Эх Сурвалжууд“ ”Бизнес саналууд" болон бусад шинэ бизнесийн мэдээ мэдээллүүдийг багтаадаг боллоо.