“Говь” брэндийн нүүр царай болон олонд танигдсан загвар өмсөгч Э.Энхболдыг Монголын эрэгтэй моделиудаас хамгийн чадварлаг нь гэдэг. “Монгол модель” агентлаг, Монголын дизайнеруудын холбоонд харьяалагддаг тэрбээр амьдралынхаа ханийг өөрийн ажиллаж буй салбараас сонгосныг уншигчид эчнээ мэдэж буй биз.

Загвар зохион бүтээгч, “O couture” салоны захирал Д.Отгонжаргал бол түүний гэргий. Д.Отгонжаргал “O Couture”  брэндийн загварын шоугаа жил бүр зохион байгуулдаг уламжлалтай. Харин энэ удаа загвар өмсөгч Э.Энхболд өөрийн нэрийн “TARA ENDO” брендийг үүсгэн байгуулсан сурагтай. Тэрбээр олон жилийн мөрөөдлийн биелүүлж, өөрийн эрэгтэй хувцасны брэндийг гаргасан байна.

Түүний брэндийн танилцуулга энэ сарын 29-нд "Zaisan Hill" цогцолборын танхимд болох  “O Couture”  брэндийн “Есөн эрдэнэ haute couture”  шоун дээр танилцуулагдах гэнэ.

А.СҮРЭН