Бангладеш улсын Шех Расселлийн нэрэмжит олон улсын клубуудын аварга шалгаруулах тэмцээн энэ сарын 11-18-ны хооронд Кхулна хотод болж, 18 улсын 64 теннисчин өрсөлдлөө. Монгол Улсаас Б. Идэр ахлагчтай гурван тамирчин өрсөлдсөнөөс эмэгтэйчүүдийн ганцаарчилсан төрөлд Ч. Маралгоо тэргүүн байр эзэлж аваргын цом, 6000 ам.долларын шагнал хүртжээ.

Харин эрэгтэй төрөлд өрсөлдсөн тамирчид шагналт байрт оржээ. Ийнхүү Ч. Маралгоо нь Монголын теннисний түүхэн дэх өндөр шагналтай тэмцээнд түрүүлсэн анхны тамирчин болжээ.

Эх сурвалж : Mongolian Tennis Association
Б.МӨНГӨНТАМИР