Чуулган: Дубайн гэрээг шийдэх эрхийг Засгийн газарт өглөө | News.MN

Чуулган: Дубайн гэрээг шийдэх эрхийг Засгийн газарт өглөө

LiveЧуулган: Дубайн гэрээг шийдэх эрхийг Засгийн газарт өглөө

16 : 15
2019-11-21

Ардчилсан хувьсгалын 30 жилийн ойн медаль бий болгоно

УИХ-ын чуулганы үдээс хойших хуралдаан эхэллээ. Хуралдаанаар “Ардчилсан хувьсгалын 30 жилийн ойн медаль бий болгох тухай” Улсын Их Хурлын тогтоолын төслийг УИХ-ын гишүүн С.Эрдэнэ өргөн мэдүүлсэн. Тус тогтоолын төслийг хэлэлцэх эсэхийг нь баталснаар анхны хэлэлцүүлэгт шилжүүллээ.

Одоогоос 30 жилийн өмнө нам төвтэй төрийн тогтолцооноос татгалзан олон ургалч үзлийг хүлээн зөвшөөрч, чөлөөт ардчилсан сонгуулийн үндсэн дээр төрийн эрх барих дээд байгууллагаа сонгож байгуулах замаар иргэд улс төрийн болон хуульт ёсны эрх, эрх чөлөөгөө бодитойгоор эдлэх боломжийг олгосон билээ. Төвлөрсөн төлөвлөгөөт эдийн засгаас зах зээлийн эдийн засагт шилжиж, хувийн болон бусад өмчийн хэлбэрийг хүлээн зөвшөөрч, үг хэлэх, хэвлэн нийтлэх, үзэл бодлоо чөлөөтэй илэрхийлэх зэрэг улс төрийн эрхээ эдлэх үйл хэрэг нь Монгол Улсын түүхэнд байгаагүй өөрчлөлт шинэчлэлт байв. Монгол Улс зах зээлийн тогтолцоонд шилжих үйл явц шулуун дардан байгаагүй, саад бэрхшээл, сорилт олныг даван туулж ирсэн. Энэ түүхэн үйл хэргийг санаачилсан, баталгаажуулсан, бэхжүүлсэн, ардчилсан тогтолцоог цогцлон хөгжүүлэх үйлсэд үнэтэй хувь нэмэр оруулсан зарим хүнийг Ардчилсан хувьсгалын 20 жилийн ойг медалиар Монгол Улсын Ерөнхийлөгч шагнаж байв.

Ардчилсан хувьсгалын ой бол монгол хүн бүрийн шинэ түүхийн үеийн, бүхэл бүтэн монголчуудын хэв маяг, нийгмийн шинэ үнэт зүйлийг шинээр бий болгосон үйл явдал гэдэг утгаараа нийт ард түмний баяр юм. Бид олсон ололт, авсан сургамждаа дүгнэлт хийж, хариуцлагатай ардчиллыг цаашид гүнзгийрүүлэх, Ардчилсан хувьсгал өрнөсний 30 жилийн үнэ цэнийг үнэлэн дүгнэж, Монгол орны түүхийг бодит үнэнээр нь баталгаажуулах, бэхжүүлэх, үүнд оролцсон хүмүүсийг алдаршуулах зайлшгүй шаардлагатай байна гэж үзсэний үндсэн дээр Хууль, Улсын Их Хурлын бусад шийдвэрийн төсөл боловсруулах, өргөн мэдүүлэх журмын тухай хуулийн дагуу "Ардчилсан хувьсгалын 30 жилийн ойн медаль бий болгох тухай" Улсын Их Хурлын тогтоолын төслийг боловсруулж, өргөн мэдүүлснийг хууль санаачлагч илтгэлдээ дурдав.

Тогтоолын төсөл нь 3 зүйл, 2 хавсралттай бөгөөд Ардчилсан хувьсгалын 30 жилийн ойн медаль бий болгох, хэнд, хэрхэн олгох харилцааг зохицуулахаар төсөлд тусгажээ.

Тогтоолын төсөл батлагдсанаар нийгэм, эдийн засаг, хууль зүйн аливаа сөрөг үр дагавар үүсэхгүй бөгөөд монгол хүн бүрийн нийгмийн шинэ үнэт зүйлийг шинээр бий болгосон Монгол орны түүхийг бодит нь баталгаажуулах, бэхжүүлэхэд үнэтэй хувь нэмэр оруулах үйл явц болно гэж үзэж буйгаа хууль санаачлагч онцоллоо. Ардчилсан хувьсгалын 30 жилийн ойн медаль нь Ерөнхийлөгчийн зарлигаар олгогдох юм байна.

Хэлэлцэж буй асуудалтай холбогдуулан гишүүд асуулт асууж байна.

УИХ-ын гишүүн О.Баасанхүү:

Хуулийн төслийг дэмжиж байна. Ардчилсан социалист хөдөлгөөн, Шинэ дэвшилтэт хөдөлгөөн гээд тухайн үед монголын ард түмэн өөрчлөлт хийж үг хэлэх, хэвлэн нийтлэх, жагсаал цуглаан хийх гэх мэт олон эрхийг олж авсан. Ардчилсан хувьсгалын 30 жилийн ойн медалийг хэн авах юм гэдгийг тодруулмаар байна. С.Зориг агсныг амь насаа алдсанаас хойш ардчилал анархизм руу явсан. Анархизмийн дээд хэлбэр нь өнөөдөр хэрээс хэтэрч байгаа. Ямар шалгуур хангасан хүнд Ардчилсан хувьсгалын 30 жилийн ойн медалийг өгөх вэ. Хоосон медаль өгмөөргүй байна, Дагалдуулж мөнгө төгрөг өгөх үү. Хоосон медаль хэрэггүй шүү.

УИХ-ын гишүүн Санжмятав:

Олон талын шалгуурыг хангасан хүнийг шагнах ёстой. Хууль батлагдсаны дараа шагналыг эзэнд нь зөв олгох чиглэлээр холбогдох газрууд нь онцгой анхаарах байх. Энэ шагналыг Ерөнхийлөгч зарлиг гаргаж шийдвэрлэх учраас Ерөнхийлөгчийн институт шалгуурт онцгой ач холбогдол өгнө гэдэгт эргэлзэхгүй байна.

УИХ-ын гишүүн Д.Лүндээжанцан:

Ардчилсан хувьсгалын 20 жилийн ойн медалийг бий болгох тухай тогтоолыг тухайн үед хэлэлцэж байхад нь дэмжсэн. Ардчиллын үнэ цэнийн тухай бидний ойлголт гажуудах тал руугаа орох гэж байгаад сэтгэл зовниж явдаг. Ардчиллын 30 жилийн хугацаанд бидэнд алдаж, оносон зүйл олон байгаа байх. Гэхдээ Монголчуудын сонгож авсан ардчиллын замыг алдаагүй гэж би боддог. Ардчиллыг улам гүнзгийрүүлж, үнэт зүйлийг нь хамгаалах, ардчиллын зарчмуудыг төгөлдөржүүлэхэд эргэж буцаж, хөрвөж байгаа асуудал бий. Монголчууд ардчиллын үнэт цэнийг бууруулахгүйн төлөө явах ёстой. Ардчилсан ёсны гол баталгаа нь парламентын засаглал. Ардчиллыг зөв голдрилоор нь авч явахад парламентын ардчилсан тогтолцоог төгөлдөржүүлэх асуудал чухал байна. Ардчилсан хувьсгалын 30 жилийн ойн медалийг бий болгохдоо ч дээрх асуудлыг бодох ёстой. Иргэн бүр эрх чөлөөтэй байхад үүрэг хариуцлагаа яаж ухамсарлах вэ гэдгийг давхар бодох шаардлагатай.

УИХ-ын гишүүн З.Нарантуяа:

Энэ хуулийн төслийг анхны хэлэлцүүлгээр нь баталж өгөхийг АН-ын зөвлөлөөс хүсч байна гэсэн юм. Үүний хариуд УИХ-ын гишүүн Г.Занданшатар байнгын хорооны анхны хэлэлцүүлэг дээр энэ саналаа гарга гэсэн юм.  

Үргэлжлүүлэн “Төрөөс мөнгөний бодлогын талаар 2020 онд баримтлах үндсэн чиглэл батлах тухай” Улсын Их Хурлын тогтоолын төслийн анхны хэлэлцүүлгийг хийж эхэллээ.

12 : 16
2019-11-21

"Оюутолгойн гэрээг би эсэргүүцэж байхад Ц.Даваасүрэн, Л.Болд, Б.Бат-Эрдэнэ нар дэмжиж чуулганд оролцсон байсан

Чуулган Занданшатар

УИХ-ын хуралдаанаар Оюутолгой ордын ашиглалтад Монгол Улсын эрх ашгийг хангуулах тухай” Улсын Их Хурлын тогтоолын төслийг хэлэлцэж дууслаа. Тогтоолын төсөлтэй холбогдуулан гишүүд асуулт асууж, үг хэлж дууссанаар тогтоолын төслийг батлах нь зүйтэй гэсэн саналын томъёоллоор санал хураалт явуулахад чуулганы хуралдаанд оролцсон нийт гишүүдийн 100 хувийн саналаар тогтоолын төсөл батлагдлаа.

Энэ үеэр гишүүдийн хэлсэн байр суурийг хүргэж байна.

УИХын гишүүн Ц.Даваасүрэн:

Ч.Сайханбилэгийн Засгийн газрын үед хууль зөрчиж, хоёр асуудлыг зөрчсөн байдаг юм. Нэг нь, Эрдэнэтийн 49 хувийг мөн УИХ-тай зөвшилцөхгүйгээр шийдчихсэн. Дубайн гэрээ мөн адил. 4.7 тэрбум ам.долларын зээлийн асуудлыг УИХ-тай зөвшилцөхгүйгээр Дубайд очоод байгуулчихсан. Гэтэл орж ирсэн энэ тогтоолын хоёрт нь хууль бус төлөвлөгөөг хуульд нийцүүлэн сайжруулсан гэсэн байна. Оюутолгойн гэрээг би анхнаас нь эсэргүүцэж байсан хүний нэг нь. Одоо ч гэсэн байр сууриндаа хатуу зогсоно. Ингэлээ гээд надад ямар ч хариуцлага оногдуулж болно. Монгол Улсын эрх ашгаас урвасан хэдэн хүнийг алдааг би хэзээ ч зөвтгөж чадахгүй.

“Turquoise Hill Resources” Монголын баялгийг барьцаалж, хөрөнгийн зах зээл дээр мөнгө босгочхоод, тэр мөнгөө буцаагаад манайд зээлүүлчихсэн. Энэ чинь луйвар биш өөр юу юм. Өнөөдөр энэ зээлд төлж байгаа хэмжээ нь манайд татвар төлж байгаа төлбөрөөс нь өндөр. Хэрэв шударга шүүх гэж байдаг бол энэ нь цэвэр дээрэм.  Гүний уурхайд 2 тэрбум ам.доллар ороогүй, энийг шалгах хэрэгтэй. Анхны хөрөнгө оруулалтаа шууд эндээс авчихсан учраас айлын талд одоо алдах юм байхгүй. Цаг хугацаа тэднийг шүүнэ. Оюутолгойн асуудлыг гадаад талаас айж шийдэж болохгүй. Цэвэр луйврын хэлэлцээр болсон.

УИХын гишүүн Б.Баттөмөр:

Оюутолгой орд газрыг ашиглахтай холбоотой УИХ-ын даргын захирамжаар 13 хүний бүрэлдэхүүнтэй ажлын хэсгийг Д.Тэрбишдагва гишүүнээр ахлуулж байгуулсан. Тус ажлын хэсэг 86 дүгнэлт гаргаж, Эдийн засгийн байнгын хороонд танилцуулсан. Үүний дараа нь буюу 86 дүгнэлтэд тулгуурлан УИХ-ын тогтоолын төсөл боловсруулах ажлын хэсгийг надаар ахлуулж, 10 гишүүний бүрэлдэхүүнтэйгээр өнгөрөгч зургадугаар сарын 03-ны өдөр байгуулсан. 86 дүгнэлтийн хүрээнд бид ажилласан. Нийт есөн төрлөөр тогтоолын төсөл боловсруулж, ес дахь хувилбарыг УИХ-д өгсөн. Мөн Засгийн газар, ҮАБЗ-ийн саналыг аваад дахин оруулж ирсэн. Дубайн гэрээ Монгол Улсын олон хууль, тогтоомжийг зөрчсөн нь үнэн. Үүнийг өмгөөлж хамгаалаад байгаа зүйл огт байхгүй. Тогтоолд нийцүүлэн сайжруулах гэж бий. Сайжруулах гэдэг үгийг ярилцаж байгаад авч болно. Төсөл хэрэгжээд 10 жил болж байна. Төслийг сайжруулах чиглэлд явах болов уу гэж бодож байна. Д.Тэрбишдагвын ахалсан Ажлын хэсгийн дүгнэлтийн 1.12-т хууль тогтоомжийг зөрчсөн учраас Дубайн гэрээг хүчингүй болго гэсэн санал байгаа. Гэрээг сайжруулж, шинэчлэл хийх, зээлийн хүүг бууруулах, менежментийг сайжруулах, дагалдах элементийн асуудлыг авч үзээд ТЭЗҮ-ийг дахин хийх саналыг Оюу толгойгоос Засгийн Газарт өгсөн юм билээ.

УИХ-ын гишүүн Ш.Раднаасэд:

Бидэнд алдаатай зүйлс бий. Гишүүд энэ асуудалд өөрсдийнхөө сул талыг бага ярьж алдааг яаж засаж сайжруулах уу гэдэг талаас нь яриасай гэж хүсч байна. Ажлын хэсгийн гишүүн болсноос хойш Рио-Тинто компанийн талаас уулзъя гэж маш олон удаа и-мэйл болон таньж мэдэх хүмүүсээр дамжуулж утсаар ч холбогдсон. Би нэгэнтэй нь ч уулзаагүй. Бид нэг цонхны бодлоготой байх ёстой. Тэгэхгүй бол бидний ярьсан зүйл дээр айлын талаас ажиллаад байгаа тал байна шүү. Оюутолгой компанийн ТУЗ-д Монголын талаас гурван хүн ажилладаг. Энэ хүмүүс маш муу ажиллаж байгаа. Тэдний идэвхтэй байр суурь нь ажиглагдахгүй байна. Би энэ төслөөс хувь хүртэх бус сүүлдээ өрөнд орж байна. 34 хувийг эзэмшдэгийнхээ төлөө өрөнд орж болох уу. Мөн сая шүүх дээр юу болов уу. Засгийн газрын итгэмжлэгч төлөөлөгч нь үүнд тайлбар өгөөч.

ЗГХЭГын дарга Л.ОюунЭрдэнэ:

Асуудалд нэг цонхоор харах гэдэгтэй санал нэг байна. Гишүүд айлын талаас уулзъя гэсэн санал болгоныг хүлээж аваад дээр, дооргүй уулзаж, тал талаас утасдахаа болих хэрэгтэй. Өнөөдөр УИХ-аас шийдвэр гарч, Засгийн газар ажлаа хийх боломжийг олгох ёстой. Өнгөрсөн хэдэн сард хэлцэл хийх боломжгүй нөхцөл байдалтай явж ирсэн. Нэг цонхтой холбоотой асуудлыг цаашид хаана хаанаа бодох ёстой. Албаны хүмүүс, Засгийн газрын харьяа агентлагийн дарга нарт ч би анхааруулсан. Эрх бүхий салбарын сайд болон төлөөлж байгаа Засгийн газраас бусад нэг ч хүн албан бусаар уулзалт хийхийг хориглож байгаа. Засгийн газрын шийдвэр тогтоол болон захирамжийн шинжтэй байж болно гээд заачихсан. Гэхдээ Засгийн газрын явж ирсэн өмнөх нийтлэг жишгээр өндөр дүнтэй гэрээ, хэлцэлтэй холбоотой аль эсвэл хөрөнгө шийдэгдэхтэй холбоотой асуудлууд Засгийн газрын тогтоолоор албажих ёстой. Бүх яамнаас санал авах ёстой. Энэ процедургүйгээр Дубайн гэрээг байгуулсан гэж үзэж болохоор байгаа. Шүүхийн шийдвэр нь ч гарсан. 12 хоногийн дараа шүүхийн захирамжийг бичгээр албажуулж авна. Үүний дараа ярилцаж байгаад цаашид хэрхэхээ шийдвэрлэнэ.

Оюутолгой ХХКийн ТУЗийн дарга Ц.Түмэнцогт:

Монголын талыг төлөөлж байгаа ТУЗ-ийн гурван гишүүний хувьд ТУЗ-д орж байгаа бүх асуудлаар дээд байгууллага буюу Эрдэнэс Монгол компаниас удирдамж авч ажилладаг. Өнгөрсөн хугацаанд хувь нийлүүлэгчдийн эрх ашиг, зардлын хэтрэлт, эрчим хүчний асуудал, өгөөж дээшлүүлэх, хүүг бууруулах талаар ажиллаж эхэлсэн. Өгөөж бол татвар ногдол ашгаар авахаар байгаа. Тиймээс гэрээнд заасан өгөөжөөс гадна Монголын талын өгөөж нэмэгдүүлэх чиглэлээр ажиллаж байгаа. Хамгийн чухал нь Эрчим хүчийг Монголоос хангуулах. Алсдаа нэмүү өртөг шингээх төслүүдийг яамтай хамтран хийж байгаа. Алт цэвэршүүлэх үйлдвэрийн асуудал байгаа. Энэ үйлдвэр баригдсанаар дотроо боловсруулж, цэвэршүүлэх ажил хийгдэнэ. Бэлтгэн нийлүүлэх ажлыг Монгол компаниудаар хийлгэхэд бид анхаарч байгаа. Төслийн хүрээнд орж ирж байгаа 1.5 тэрбум ам.долларын хөрөнгө оруулалтын 80 хувь нь Монголд бүртгэлтэй компаниудаас бүтээгдэхүүн үйлчилгээ авахад зарцуулагдаж байна. Төслийг урт хугацаанд өгөөжийг харсан бодлогыг "Эрдэнэс Монгол" барьж ажиллаж байна. Томоохон асуудлуудыг ЗГХЭГ-тай байнга хамтарч ажиллаж байгаа.

УИХын гишүүн А.Сүхбат:

Говийн газрын доорх усан дээр бид бодлоготой хандах хэрэгтэй. Энэ ус бол газрын доорх баялаг шиг дахин сэргээгдэхгүй ус. Усны хэрэглээ дээр ямар бодлого барьж байна вэ?

"Эрдэнэс Оюутолгой" компанийн захирал Ц.Түмэнцогт: 

Оюутолгой компани 16.9 тэрбум төгрөгийг усны төлбөрт төлсөн байдаг. Ашигласан усныхаа 90 орчим хувийг дахин ашигладаг. Цаашдаа гадаргуугийн усыг ашиглахад бэлэн байгаа. 

БХБ-ын сайд Х.Баделхан:

Оюутолгойн төсөвт оруулах мөнгө нь "Эрдэнэт"-ээс бага байгаа. Үүнийг олон түмэн мэдэж байгаа. Тиймээс энэ гэрээг засч сайжруулах шаардлагатай.

УИХ-ын гишүүн Б.Бат-Эрдэнэ:

Гадаадын үндэстэн дамнасан том компаниуд жижиг орныг, дээр нь улстөрчид нь ашиг сонирхлын зөрчилтэй ийм улсуудын урьд нь ороод хөтөлчихдөг юм билээ. Гар хөлүүд нь хуульд эвтэйхэн шургуулчихдаг. Яаж одоо урьд гарах уу гэдгийг ярих ёстой. Баялгийнхаа эзэн болоход юунаас нь айгаад байдаг юм бэ. Хайгуулын зардалд 150 сая ам.доллар тохиорсныг нь 750 сая ам.доллар болгоод биччихсэн байх жишээний. Далд уурхайн бүтээн байгуулалтад дахин хөрөнгө шаардлагатай болсон.

УИХ-ын гишүүн Б.Баттөмөр:

2009 онд байгуулсан Хөрөнгө оруулалтын гэрээний зардлыг нөхсөний дараа 2024 оноос Монгол Улс 50-иас дээш хувийг эзэмших хүлээлт байсан. Явцдаа байгуулсан нийт есөн гэрээнээс хоёр нь мөнгө зээлсэн гэрээ. Хамгийн сүүлд Дубайн гэрээг аваад үзэхэд Монгол Улс 2041 он гэхэд үлдэж байгаа 16 хувийг худалдаж авах ийм л нөхцөл байдал үүссэн. Хөрөнгө оруулалтын хэмжээ нэмэгдэх хэрээр Монголын талын ашиг хүртэх хугацаа нь хойшлогдоно. Хувьцааны санхүүжилт, зээлийн санхүүжилт гэж хоёр зүйл бий. Хувьцааны санхүүжилтэд дандаа зээлээр хийгдсэн байдаг. Дэлхийн 15 том банкнаас зээл авсан. Засгийн газар айлын талтай сайн ярилцах ёстой. Баталгааны шимтгэл авч байгаа нь мөн асуудал. Монголын талын төлөх өр лайбертайгаа нийлээд 9.2 хувийн хүүтэй төлөх өр нь өссөөр байгаа. ТЭЗҮ таван жил тутамд шинэчлэгдэх учиртай. Жилд 5500 тонн зэс гаргана гэвэл үндсэндээ 70 жилийн нөөц байна гэсэн үг. Энэ нөөц өсөх магадлал өндөр бий. Жилд 20 тонн алт гаргана гэвэл 2015 оны ТЭЗҮ-ээр 1100 тонн гэж үзэхээр 55 жил ашиглах нөөц байна. Мөн нэмэгдэх магадлалтай. Ирэх 2020 онд ТЭЗҮ-г шинэчлэх үүргийг Засгийн газарт өгч байгаа. Дубайн гэрээнд зургаан тэрбум ам.долларыг босгоно гэж заачихсан. Үүнээс 4.3 орчим тэрбум ам.доллар зарцуулагдсан гэсэн мэдээлэл бий.

Ажлын хэсэг:

Анхны ил уурхайн бүтээн байгуулалт дээр ТЭЗҮ-р орсон зардал нь 1 тэрбум ам.доллараар хэтэрсэн байна. Таны анх хэлсэн өссөн дүн гэж байгааг нарийвчлан тодруулаад танд бичгээр хүргэе.

УИХ-ын гишүүн Л.Элдэв-Очир:

Тогтоолын төслийг дэмжиж байна. Оюутолгойн нөөц дуусах хүртэл бараг 100 жилийн мөнхийн хэрүүл болох нь л дээ.

УИХ, Засгийн газар алдаа завхралыг засч залруулж, цаашид зөв голдрилд нь оруулах эрхэм үүргийг хүлээлээ. Бид дутуу дулимаг хийх юм бол цаашид үргэлжлэх попролтын сэдэв болно. Тогтоолын төсөл харьцангуй сайн болсон гэж үзэж байна. ҮАБЗ хуралдсан. Хуралдаанаар Оюутолгойн төсөлд Монгол Улсын баримтлах байр суурийг зөв, оновчтой чиглэлд өгсөн байна. Тогтоолын төслийн гуравдугаар зүйл дээр хоёр тал тохиролцоод анхны Оюутолгойн гэрээг засч сайжруулах боломж байна гэсэн дээр би анхаарч байна. Бид үүн дээр фокуслаад алдааг нь засах хэрэгтэй. Бид үндсэндээ нэг тэрбум ам.долларын өртэй. Үүндээ 34 хувиа өгөөд эргүүлээд гэрээнд өөрчлөлт оруулаад онцгой рояалти таван хувийг нэмээд үндсэндээ рояалтийг 10 хувь болгох боломж байна. Тэгэхээр тухайн үеийн Лондонгийн биржийн ханшаар бодож авбал жилд үйл ажиллагаанд хугацаа алдахгүйгээр 70-80 хувийн ашиг хүртэх боломж байна. Ингэж л асуудлыг шийдвэрлэхгүй бол хэрүүл хэзээ ч дуусахгүй. Засгийн газар энэ чиглэлд анхаарал хандуулахыг хүсье. ТЭЗҮ-г хэн ч хянаж чадахгүй байгаа.

УИХ-ын гишүүн Л.Энх-Амгалан:

Анх Оюутолгой төслийн гэрээ байгуулагдахад Улаанбаатар хотын гудамжаар дүүрэн талхны зурагтай рекламууд нь тавигдсан. Энэ талхны 70 хувь нь Монголчуудад очно, 30 хувь нь хөрөнгө оруулалтын талынх гэсэн том реклам гарч байсныг бүгд санаж байгаа байх. Гэрээ зурагдаад 10 жил боллоо, талхны 70 хувь бидэнд ирсэн эсэхийг харах хэрэгтэй. Тоонуудыг бодитоор харж бид хэлэлцээний ширээний ард суух цаг нь болсон. Монголчууд 1.4 тэрбум ам.доллартай өрөнд орсон. Өдөр бүр өр үйлдвэрлэдэг хувьцааны эзэд болсон байна. Уг нь бол хувьцаа эзэндээ ногдол ашиг авчирдаг байх ёстой. Гэтэл хувьцааны эзнээ өдөр бүр өрөнд оруулдаг ийм хувьцааны эзэд яагаад бид болчхов гэдгийг яримаар байна.

Анхны хөрөнгө оруулалтын хэмжээ 5.3 ам.доллартай тэнцэнэ гэж байсан ч одоо энэ нь хоёр дахин ихсээд 11.1 тэрбум ам.доллар болчхоод байна. Хамгийн том хөрөнгө оруулагчтайгаа татварын маргаанд орсон. 2010-2012 онуудын санхүүгийн тайланд 3.2 тэрбум ам.доллартай тэнцэх санхүүгийн зөрчил гарсан байна гээд ажлын хэсгээс дүгнэлт гаргасан. Мөн менежментийн төлбөрийн асуудал. Монголчуудын талд энэ төлбөр нь маш сөрөг нөлөө үзүүлж байгаа. Энэ нь цаашид 2 тэрбум ам.долларт хүрэх юм билээ. 2023 онд хүртэх байсан бидний ашиг хүртэх хугацаа 2041 он болж хойшлогдчихсон. Хэрэв хөрөнгө оруулалт нь нэмэгдэх юм бол хугацаа улам хойшилно. Хөрөнгө оруулагч тал гэрээгээ огт биелүүлэхгүй байгаа. Жилд 130-140 сая ам.долларыг зөвхөн эрчим хүчинд төлж, Хятадад алдаж байна. Уг нь хөрөнгө оруулалтын гэрээгээр аль хэдийн эрчим хүчний станцаа барьчихсан байх байсан.

УИХ-ын гишүүн Б.Баттөмөр:

Бид тоотой ярих ёстой гэдэг нь үнэн. Цээжнийхээ бангаар олон юм ярьж хэрэггүй. Тоотой үндэслэлтэй ярих ёстой. 11.1 тэрбум ам.долларын өнөөдрийн өрийг авч үзвэл 2041 онд Монгол Улс 16 хувийг нь л худалдаж авна. Хэрэв цаашид хөрөнгө оруулалт нь нэмэгдвэл 2018 он болж хойшлогдоно. 2009 онд байгуулсан анхны гэрээнд 2013 онд Тавантолгой ордыг түшиглэж цахилгаан станц байгуулна гэж заасан. Гэтэл энэ заалтаа дунд нь хүчингүй болгоод мөнхийн урд хөршөөс эрчим хүч худалдаж авахаар болгосон. Өнөөдөр анхны гэрээний заалт хэвээрээ. Жилд 200 гаруй сая ам.долларыг эрчим хүчинд зарцуулж байгаа. Сүүлд энэ мэдээллийг тодруулж асуусан. Эрчим хүчний зохицуулах хорооноос өгсөн мэдээллээр Оюутолгой компани цахилгаан станц барихад 1 тэрбум ам.доллар хэрэгтэй, зөвхөн станцын шугамыг барихад 300 сая ам.доллар ингээд нийтдээ 1.3 тэрбум ам.долларын хөрөнгөөр цахилгаан станц барих юм байна лээ. Гэтэл адилхан тэнд нь 1.3 дахин бага үнээр буюу 500 сая ам.доллараар станц барих саналаа Монголын компани өгсөн байсан. Татварт мөн асуудал их байгаа. Жил бүр татварын маргаан гардаг.

УИХ-ын гишүүн Н.Амарзаяа:

Ажлын хэсэгт орж ажилласан. Нийт 86 төрлийн үүрэг, чиглэл бүхий дүгнэлттэй танилцаж санал байр сууриа илэрхийлсэн. Тогтоолын төслийн тав дахь заалтад говийн бүсийн гүний уурхайг ашиглах нөхцөлийг харгалзан тогтооно гэсэн асуудал тогтоолын төслийн хамгийн чухал нь гэж харж байна. Газрын доорх ус, говийн газрын доорх ус нөхөгдөшгүй том баялаг. Алт эрдэнэсээс илүүтэй. Цаашид уул уурхайн компаниуд говийн бүсэд үйл ажиллагаа явуулахад нэн түрүүнд анхаарах ёстой асуудал нь говийн гүнийн ус. Мөн төслийн долдугаар хэсэгт байгууллагын чадамж болон хүний нөөцийн чадавхыг олон улсын түвшинд хүргэж бэхжүүлэх талаар тусгагдсан нь маш зөв. ОТ төсөл хэрэгжсэнээр монголын залуус олон улсад төдийгүй дэлхийд, уул уурхайн салбарт удирдаж ажиллах боломжийг бүрдүүлж чадсан. Монголын шилдэг сэхээтнүүд ажиллаж байгаа. Бид дэлхийн тавцанд томоохон уул уурхайг удирдан ажиллах боломжийг өнгөрсөн 10 жил  бүрдүүлж чадсан. УИХ-ын даргаас тодруулж асуухад тухайн үед буюу 2009 онд Оюутолгойн гэрээг байгуулахад та УИХ-ын гишүүнээр ажиллаж байсан. Тухайн үед гишүүн байсан хүмүүс 34 хувьтай холбоотой мөн 57 дугаар тогтоолтой холбоотой асуудалд ихэд шүүмжлэлтэй хандаж байна. Тухайн үед УИХ-ын байр суурь ямар байсан юм бэ. УИХ-ын дарга та тэр үед ямар байр суурьтай байсан бэ, одоо байр сууриндаа хэвээр үү гэдгийг асуумаар байна.

УИХ-ын дарга Г.Занданшатар: 

2008 оны арванхоёрдугаар сард УИХ 40-р тогтоолыг баталсан. Энэ тогтоолд 4-5 заалт байсан. Монгол Улс 34 хувь эзэмших, бүтээгдэхүүн хуваах зарчим, Монгол Улсын хууль тогтоомжид нийцүүлж боловсруулах зэргийг тусгасан тогтоол байсан. Тиймээс би 40-р тогтоолыг дэмжиж байсан. Харин 57 дугаар тогтоолыг батлахад нь би дэмжээгүй, оролцоогүй. Энэ тогтоолоор Оюутолгойн гэрээг батлах зөвшөөрлийг Засгийн газарт өгсөн. Энэ гэрээ алдаатай, бодитой бус байна гэж үзсэн учраас тогтоолыг батлахад оролцолгүйгээр эсэргүүцлээ илэрхийлсэн. Тэр тогтоолыг батлахад оролцсон гишүүд болох Ц.Даваасүрэн, Л.Болд, Б.Бат-Эрдэнэ нар дэмжиж оролцсон байдаг. Нэгэнт байгуулагдсан гэрээний үр ашгийг сайжруулах агуулгаар  2008 онд захирамж гаргасан байдаг. Одоо хэлэлцэж буй энэ тогтоол нь Оюутолгойн гэрээний хэрэгжилтийг сайжруулах, дөрөв, гурав, хоёрдугаар заалтуудыг Монгол Улсын эрх ашигт нийцүүлэх чиглэлд том ахиц болсон ажлын хэсгийн дүгнэлт орж ирсэн гэж үзэж байгаа.

11 : 14
2019-11-21

С.Даваасүрэн, Н.Баяртсайхан нарыг үүрэгт ажлаас нь чөлөөллөө

Н. Баяртсайхан Монгол банкны ерөнхийлөгч

Чуулганы хуралдаанаар Монголбанкны ерөнхийлөгч Н.Баяртсайханыг үүрэгт ажлаас нь өөрийнх нь хүсэлтээр чөлөөлөх асуудлыг хэлэлцээд гишүүдийн олонх нь дэмжлээ.

Энэ үеэр зарим гишүүн байр сууриа илэрхийлсэн юм.

УИХ-ын гишүүн Д.Лүндээжанцан:

Бусад улсыг харахад Төвбанкны ерөнхийлөгч, Санхүүгийн зохицуулах хорооны дарга нь тогтвортой ажилладаг албан тушаалууд. Нэгийг нь улс төрийн мөчлөгөөс зөрүүлж, зургаан жилийн хугацаагаар томилдог. Ингэснээр банк санхүүгийн салбарын бие даасан байдал руу халдахгүй байх, ялангуяа мөнгөний бодлогыг тогтвортой байлгахад чиглэгддэг. Гэтэл одоо мөчлөгдөө хүрэхгүй солигдож байна. Би үүнд санаа зовж байна. Хөгжингүй орны төв банкны удирдлага солигдоод байдаггүй. Гэтэл манайх эсрэгээрээ байх юм. Монголбанкны ерөнхийлөгч 15-20 минутын мэдээлэл хийх хүсэлтээ байна гэдгээ илэрхийлсэн байна. Мөн цаашдаа манай улс юун дээр анхаарах вэ гэдгийг маш сайн бичсэн байна. Банкны удирдлагуудыг хурдан, хурдан сольж байгаа нь мөнгөний ханшны хэлбэлзэлд нөлөөлж байна. Биднийг тосон ирж байгаа эдийн засгийн хүндрэлүүдийн үед банкны ерөнхийлөгч солигдож байгаатай холбоотойгоор мөнгөний донсолгоо гаргахгүй байх боломж бий юү?

УИХ-ын гишүүн Т.Аюурсайхан:

Эдийн засгийн байнгын хороон дээр ийм асуултыг гишүүд асууж байсан. Н.Баяртсайхан ерөнхийлөгчийн өргөдөл дээр дурдсан асуудлууд байгаа нь үнэн. Хамгийн түрүүнд хариуцлагын асуудал байх ёстой гэдийг байнгын хорооны гишүүд хэлж байсан. Энэ зөвхөн саарал жагсаалттай холбоотой асуудал биш. Арилжааны банк дампуурсан, төр, иргэдийн мөнгийг эрсдэлтэй байдалд оруулсан, гишүүдээс гаргасан санал гээд маш олон үндэслэлээр хариуцлагын асуудал хөндөгдсөн. Өөрийн хүсэлтээр өргөдлөө өгсөн. Банкны ерөнхийлөгчөөр ажиллаж байгаа хүн солигдсоноор зах зээл дээр донсолгоо үүсэхээс сэргийлж ажиллаж ёстой. Цаг хугацаа алдах, оновчгүй томилгоо хийхгүй байх тал дээр Их хурал анхаарч ажиллах ёстой.

УИХ-ын гишүүн Н.Оюундарь:

Би хувьдаа их харамсаж байна. Н.Баяртсайхан өөрийн өргөдөлдөө үүрэгт ажлаа нэр төртэй биелүүлж байсандаа баяртай байна гэж байна. Би ч нэр төртэй биелүүлсэн гэдэгт санал нэг байна. FATF-ын дөрвөн зөвлөмжийг биелүүлээгүй гэдэг шалтгаанаар саарал жагсаалтад оруулсан. Энэ дөрвөн асуудлын аль нь ч Монголбанктай холбоогүй байгаа. Бусад байгууллагын үйл ажиллагаатай холбоотой асуудлаар саарал жагсаалтад орсон. 2016 онд Монгол Улс дампуурлын ирмэг дээр ирсэн. Гэтэл Б.Чойжилсүрэн сайд, Н.Баяртсайхан дарга дампуурлаас гаргах ажилд гар бие оролцож байсан. Ийм нөхцөл байдлаас аварсан хүмүүстээ хариуцлага тооцно гэж яриад байх юм. Өмнө нь Н.Баяртсайхан ерөнхийлөгч ил захидалдаа асуудлаа яръя гэж байсан. Гэтэл яагаад яриулахгүй байгаа юм бэ. Асуудал мэдэж байгаа хүмүүсээсээ асуусан дээр юм биш үү. Шахсаар байгаад өргөдлийг нь өгүүлсэн байж таарна. Эдийн засагт нэлээд ахиц дэвшил гарч байгаа. Валютын нөөц сүүлийн хоёр жил дөрөв дахин өссөн. Алдагдал 1.5 их наядаар буурсан. Төрийн мөнгөний бодлогыг их хурал баталдаг. Мөнгөний бодлоготой холбоотойгоор хариуцлага тооцож байгаа бол буруу шүү.

УИХ-ын гишүүн Т.Аюурсайхан:

Эдийн засгийн өсөлт, валютын нөөц нэмэгдсэн нь дан ганц төв банкны ерөнхийлөгчийн хийсэн ажил биш. Олон хүчин зүйлээс шалтгаалж байгаа.

 

УИХ-ын дарга Г.Занданшатар:

ҮАБЗ-ийн хаалттай хуралдаанаар Н.Баяртсайхан ерөнхийлөгчийн мэдээллийг сонссон. Нэлээд дэлгэрэнгүй сонсож ярилцсан. Эдийн засгийн өсөлтүүд, төсвийн алдагдал буурсан олон эерэг үзүүлэлт байгаа боловч саарал жагсаалтад орсон нь банк санхүүгийн байгууллагын хяналт шалгалттай холбоотой асуудал гэдгийг олон хэлсэн. Тиймээс өөрийнх нь хүсэлтээр албан тушаалаас нь чөлөөлөх асуудлыг хэлэлцэж байна.

10 : 39
2019-11-21

СЗХ-ны дарга С.Даваасүрэнг үүрэгт ажлаас нь чөлөөллөө

image
УИХ-ын чуулганы нэгдсэн хуралдаан эхэллээ. Өнөөдрийн хуралдааны эхэнд Санхүүгийн зохицуулах хорооны даргыг үүрэгт ажлаас нь чөлөөлөх тухай асуудлыг хэлэлцлээ. Уг асуудалтай холбогдуулан гишүүд өмнө нь асуулт асууж, үг хэлж дууссан байсан тул Санхүүгийн зохицуулах хорооны даргыг өөрийнх нь хүсэлтээр үүрэгт ажлаас нь чөлөөлье гэсэн горимын саналаар санал хураалт явуулахад гишүүдийн 60.5 хувийн саналаар дэмжигдлээ. Үүгээр Санхүүгийн зохицуулах хорооны дарга С.Даваасүрэн үүрэгт ажлаасаа чөлөөлөгдлөө.
 
Дараа нь Монголбанкны Ерөнхийлөгчийг албан тушаалаас нь чөлөөлөх тухай асуудлын хэлэлцэж эхэллээ. Монголбанкны ерөнхийлөгч Н.Баяртсайхан  өөрийн хүсэлтээр албан тушаалаасаа чөлөөлөгдөх хүсэлтээ Даваа гаригт УИХ-ын даргад өгсөн байна.
Уг асуудалтай холбогдуулан гишүүд асуулт асууж, үг хэлж байна.
"Болор дуран"-аар шалгав.
Энэ мэдээнд өгөх таны сэтгэгдэл?
14
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

55 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-11-21 202.9.42.11

Тэр Дубай гээчид нь яг юу гээд заачихсийн болоо ??? .. Тэр хоёр амьтнаа ,, сайн ажилласан учраас ,, огцруулж байгаа болтой юм аа даа ? ..Энэ МАНгарууд нэрэндээ таарсан хогнууд шүү ..

Avatar

mongolhvv 2019-11-21 66.181.183.162

oyuintolgoin talaar bol hvmvvs bodol sanaand tom oorchilolt garchee. odoo ingeed ybbal bid ulam ih orond orj ashig olohgui yum bnaa gedegiig bvgd medejee. ene tun sain zvil shuu.negdsen neg bodol sanaatai bgaa ni.. harin ter ovgon kommunist zonoson lvndaa geh hulgailch dalduur bankinii bayrsaihaniig omoorood bgaa vnen teneglej bgaa nee.ter bayrsaihan chin hamar dor kapital bank dampuurch baihad yugaa hiij suusan hvn yum be.ingej ajilaa meddej hiideg hvn baih uu daa…

Avatar

ард 2019-11-21 103.26.195.248

Ч. Хүрэлбаатар гэгч төрсөн ах дүүстэйгээ бүлэглэн Хотгор шанагын уурхайг солонгосуудад олон 10 сая доллараар зардаг ширэн нүүрлэсэн хулгайч Сангийн сайдтай байхад удахгүй хар жагсаалтад орох нь тодорхой шдээ.

Avatar

ИРГЭН 2019-11-21 202.9.45.28

ДУБАЙН ГЭРЭЭ ГЭГЧИЙГ НУУЦААР БАЙГУЛСАН ХҮМҮҮС БОЛ ЭХ ОРНООСОО УРВАГЧИД…. УРВАГЧДИЙГ ШИЙТГЭДЭГ ХУУЛИАР НЬ ХАТУУ ШИЙТГЭХ ЁСТОЙ…

Avatar

Зочин 2019-11-21 62.232.167.210

Мэнгэт Нямдорж гуайн ОТ-н талаар өгсөн ярилцлага яваад байна лээ. Энэ хүн энэ удаа маш зөв ярьж байх юм. ОТ бол Гайхамшигтэй гэрээ шүү. Алдсан, дутуу дулимаг, засах, сайжруулах зүйлс өчнөөн бий ч засаад явж болно. Харин, мэдсээр байж улстөржүүлж тэнэгтдэг зарим улсын амыг хаах хэрэгтэй. 10 хувийн Даваасүрэн ОТ төслөөс нэг ч хувь аваагүй юмуу яадаг юм, дандаа тэхээс тэх гэж эсрэг юм ярьж байх юм.и

Avatar

Зочин 2019-11-21 64.119.25.140

За гайхамшигтай гэрээ нь ч юу юм бэ. Тэнэгтэх юм

Avatar

Зочин 2019-11-21 207.6.112.23

OT -n hulgain gereenees hurtegch hun guai ta bolij uz!

Avatar

buraad mal chin.. 2019-11-21 66.181.183.162

za ter gaihshigtai gereenees chin bolood 1.4 terbumiin ortoi bolood bna.jil bvr nemegdej bgaa.odoo dongoj jild tatbaraar 150 sayiig l ogdog doo.dald uurhai ni ashiglaltand orbol 3 dahin ih 450 say bolj osonoo.. oron harin mash ondor hvvtei 9 hubiar bodoj toloh bolj bgaa daa..ene bol zvgeer luibariin geree ch dee…

Avatar

ааа 2019-11-21 62.232.167.210

УИХ-ын гишүүдийн овоо ажил хэрэгч хэлсэн үгнүүдийг уншиж явтал гэв гэнэт А.Сүхбат, Б.Бат-эрдэнэ аварга гэх мэт улсууд тэс хөндлөн юм яриад ороод ирэх юм аа. Энэ хоёр хүн заримдаа зүгээр л дуугүй суугаад өнгөрөөчихөж болдоггүй юм байхдаа. Энхамгалан, Баттөмөр хоёр л байна даа, зөв ярьж байна. 10 хувийн Даваасүрэнгийн амнаа яагаад дандаа ийм худлаа үг гардаг юм бэ.

Avatar

sanal niilehgui bnaa 2019-11-21 66.181.183.162

dabaasuren harin dandaa vnen vg heldeg bolohoor tegej bgaa yumaa.busad bol hudaldagsan hvmvvs dee.enhamgalan bol yahab ediin zasagch hvn bolohoor ogt ashigui geree olon jil demjij hudalaa helj bolohgui argagui vnentei tulaad ter dee..

Avatar

Зочин 2019-11-21 202.55.188.44

Одоо тэгээд яах юм? 4 жилийн дараа нөгөө муу ждүчин Хүрэлсүхдээ хамаг ялыг нь үүрүүлээд сууж байх уу? Энэ дөнгө болсон 34 хувиасаа л татгалзчих л даа. Үүнийгээ зар. Өрөө өөр хөрөнгө оруулагчид үүрүүл. Тэгээд роялтигийн 5 хувь дээрээ татвараа аваад сууж бай.

Avatar

Зочин 2019-11-21 66.181.190.100

Оюутолгойгоос авилга авч улс хохироосон этгээдүүдийн хөрөнгийг хурааж цаазаар аваачих хэрэгтэй үүнээс хойш дахин ийм хэрэг гарахгүй болтол нам авах ёстой

Avatar

Зочин 2019-11-21 202.126.89.110

ха ха "сайжруулах"гэдэг үг л хамгийн гоё үг байлаа ОТ-н гэрээний хувьд. Яг яаж? Монгол хүмүүний толгой ч хүрэхгүй, сэтгэл ч хүрэхгүй дээ харин нэг.

Avatar

Зочин 2019-11-21 202.21.108.220

Түр зогсоож байгаад хэлэлцээ хийвэл л үр дүнд хүрнэ, аль ч улсад аливаа компануудын монопол эрх, шударга бус өрсөлдөөн, гэрээ контрактыг үйл ажиллагааг нь зогсоож байгаад л шийддэг. Олон тэрбумын торгуулийг шууд тавьдаг. Ажил ингэж л үргэлжилдэг. Амыг нь хараад бууж өгөөд бвал юу ч олдоггүй. Дэлхий даяараа л тийм бна.

Avatar

Зочин 2019-11-21 66.181.183.162

mash ih torguuli noogduulij baij amjiltand hvren dee.geree bilvvleegui talaar bas hudalaa zardalaa osogoj buig ni batlaj baij l hiinee..

Avatar

Зочин 2019-11-21 66.181.183.116

ЗӨВ ШИЙДВЭР. ЭНЭ н**ш 1$-2715 БОЛГОСОН. ЭНИИГ ХУРДАН ЗАЙЛУУЛАХ НЬ ЗӨВ БАЙЛАА.

Avatar

Зочин 2019-11-21 64.119.18.41

Оюу толгойн гэрээг хэрхэн яаж засах талаар Л.Элдэв-Очир гишүүн ганц зөв санал хэллээ!!! 34%-иас бушуухан татгалзаж, татвар рояльти аваад баталгаатай сууж байх нь зүйтэй!!!!!

Avatar

Зочин 2019-11-21 192.82.68.161

https://gadaadmedeeniiorchuulga.blogspot.com/

Avatar

Зочин 2019-11-21 66.181.190.100

Ухаангүй ноёд Ургашгүй албат гэдэг л болоод байна даа. Буруудсан бүхнээ дээр дооргүй мэдээд байх шиг байгаам Том жижиггүй шүүмжилээд л байх юм .НЭГ Л ЮМ БИ ОЙЛГОХГҮЙ БАЙГАА ЮМ.ЭНЭ БҮХ БУРУУ МУУ МУУХАЙГ ХЭН ЯАЖ ЗАСАХ ЮМ БОЛ тэрнэнс биш их хурлынхан бүгд ухаантай цэцэн цэлмэг бурууд хурц мундаг байгаа харагдах юм.ХЭН ЯАЖ ЗАСАХ ВЭ ЭЭ Л ГЭХЭЭР БАЙХГҮЙ

Avatar

Зочин 2019-11-21 124.158.110.82

одон медаль яах вэ. шоронд байгаа хайран залууст өршөөл үзүүлээчээ. санамсар болгоомжгүйгээр, хог шаарнуудын буруутай нөлөөллөөр хэрэгтэн болж хохирсон хүн байгаа ш дээ!!! жирийн иргэддээ амьдрал хайрла!!!

Avatar

иргэн 2019-11-21 202.170.71.157

Төрийн өмнөөс ТУЗ ын гишүүн гэж суудаг ноходыг солилдоо. Эрч хүчтэй залуу хүнийг сонголдоо. Иргэний оролцоо байхгүй байна шдээ

Avatar

Төрийн албаны ахмад ажилтан Ш.Раднаа Үргэлжлэл 2019-11-21 66.181.178.225

Оюутолгойн гэрээг цуцлана гэдэг хүмүүсийг оруулвал хэлцэл хийх нь байтугай манай хөдөөнийхний хэлдгээр эмээлийг нь гэдсэнд нь хийгээд тавиад тууна биз. УИХ ЗГ-т үүрэг өгөөд хэсэгтээ амсхийж, ЗГ-т гол ачаалал ирж байна. Хэлэлцээр хийх бэлтгэлээ сайн хангахыг ЗГ-ын дүү нартаа зөвлөж байна.

Avatar

Төрийн албаны ахмад ажилтан Ш.Раднаа Үргэлжлэл 2019-11-21 66.181.178.225

Энэ багууд тооцоо судалгаа хийж, дүгнэлт санал боловсруулж ЗГ-ыг хэрэгтэй мэдээллээр хангана. Гаднаас зөвлөх компани авна гэхээр хөлс нь дийлдэхгүй, найдвэргүй байх эрсдэлтэй. Авахгүй гэхээр өөрснөө чадавхи тааруу. Оюутолгойтой хэлэлцээр хийх Монголын талын бүрэлдэхүүнийг ч ажил бүтээх талаас нь сайн бодолцох хэрэгтэй.Оюутолгойн гэрээг дэмждэг хүмүүсийг оруулвал “Барууны тэжээврүүд” гээд хүмүүс хүлээж авах нь тааруу.

Avatar

Төрийн албаны ахмад ажилтан Ш.Раднаа 2019-11-21 66.181.178.225

Бид мэдэхгүйгээс алдсан.Бид мэдэхгүйгээ мэдэхгүй байсан нь буруу.Одоо бид бас мэдэхгүй байгаа юм биш үү.Бэлтгэлгүй, мэдлэггүй байж Оюутолгойтой хэлэлцээрийн ширээний ард сууж болж байгаа юм уу. Олон улсын гэрээний эрх зүйгээр мэргэшсэн баг, уул уурхай, геологийн чиглэлээр мэргэшсэн баг, олон улсын санхүү, нягтлан бодох чиглэлээр мэргэшсэн баг гэх мэт бусад шаардлагатай чиглэлээр гадаад, дотоодод ажилласан туршлагатай хүмүүсээс бүрдсэн зөвлөгөө өгөх мэргэжлийн багууд байгуулвал зөв болов уу.

Avatar

Зочин 2019-11-21 64.119.18.41

Уул нь маш зөв санал байна. Ийм асуудлаар мэргэшсэн дэлхийн хэмжээний том зөвлөх компаниуд байдаг, манайх шиг туршлагагүй буурай орнууд тэднийг хөлслөн гэрээ хэлэлцээр хийлгэдэг юм билээ л дээ. Мэдэхгүй чадахгүй байж өөрөө дайрч ороод өөрийгөө баллаад хаячихдаг гашуун туршлага Африкт зөндөө л байдаг юм билээ! Бид мунхаг хүний унасан нүхэнд заавал унаж байж ухаардаг баймааргүй байна!!! Уул нь монголчууд бид тэнэг улс биш шүү дээ!! Даанч хамгийн адгуудаа төрийн толгойд залчихаад баларч сууна!!

Avatar

МӨӨГИЙ 2019-11-21 103.240.241.110

ЭНЭ ХҮНИЙ ҮНДСЭН ҮҮРЭГ ЛОМБАРД БАНК БУСЫН ХҮҮГ ДЭЛХИЙД №1 БУЮУ САРЫН 6-8% ЖИЛИЙН 72-96% СБУУЛГААГҮЙ НЬ МӨНГӨ ХҮҮЛЭЛТ БОЛЖ ДЭЛХИЙД ҮНЭЛЭГДСЭЭН, ЛОМБАРДНЫ ЭЗЭН ХАДГАЛАМЖ АВААД ХҮНИЙ МӨНГӨ ӨСГӨЖ ӨГӨӨГҮЙ ЦЭВЭР ӨӨРИЙНХЭЭ МӨНГИЙГ ХҮҮЛЖ БАЙГАА НЬ ДЭЛХИЙН ШИВШИГ БОЛСООН

Avatar

ЗОЧИН 2019-11-21 202.55.191.194

Жилд 5500 зэс гэж андуурсан байна 130 000 тн зэс байх ёстой. алтыг 4,5г/тонн гэж тооцмоор юм энд бас алдаа гарсан байх

Avatar

зочин 2019-11-21 202.21.120.66

Энэ Түмэнцогт, Да.Ганболд гэсэн хүмүүсээс салаагүй цагт Монгол улс Оюутолгой, Таван толгой өөр ямар толгой байдагийм хаанаас нь ч альнээс нь ч ямарч ашиг хүртэхгүй эхлээд энэ луйварчдыг зайлуулах хэрэгтэй энэ 2 нөхөр 1992 оноос Монголын алт эрдэнэсийг гадаадынханд алдсаар өдий хүрсэн

Avatar

Иргэн 2019-11-21 202.126.89.39

Энэ Ж.Мөнхбат гэдэг нөхөр дуугарахаа больжээ. Ийм дээр дуугардаг байсан. Ордныхоо я***н хүүхэн зөвлөх нэртэй А.Солонго хүүхэнтэй холбогдоод тэр хүүхний амтанд ороод бүр таг. Нөгөөдөх нь эртний нөхрөө хуурч гэр бүлтэй эрчүүдтэй холбогдсон сурсан архаг явдалтан. Хаана билээ их сургуульд багшлах нэрийн дор сургуулийнхаа захирал, оюутнуудтайгаа явалддаг байсан гэж сонссон

Avatar

Зочин 2019-11-21 202.21.108.220

Оюунэрдэнэд итгэхгүй бна, дараагын Баярцогт, Сайханбилэг биш гэдэгт яаж итгэхийн. Магадгүй Аюурсайхан Оюунэрдэнэд итгэдэггүй болхоороо шууд хариуцлагын тавцанд ганцааранг нь аргаж өөр хэн ч хариуцллаг хувааж үүрэхгүйгээр шахаж бж магадгүй. Одоо сонгууль дөхсөн МАН д алдах эрх бхгүй болхоор гэрээ Монголд ашигтай болж өөрчлөгдөж магадгүй. Гэхдээ Оюук намаа, ард иргэдээ мурихгүй гэх баталгаа байна уу Аюурсайхаан?

Avatar

Гунгаа 2019-11-21 122.201.21.154

Энэ эрх барьж байгаа нам юу хийхийг харж л байя баярын хийсэн балгыг арилгаж чадвал дахьж ард тумний итгэл багач гэсэн авах байх чадахгуй бол тэр чигтэй баяртай даа 2020 онд ард тумэнг дахьж хуурч чадахгуй шуу ард тумэн мэдэж байгаа

Avatar

ЖОГОРХОЙ 2019-11-21 202.21.108.159

БАТАЛГААТАЙ "ХИЙДЭГ" ХАР МАШИН БАЙХАД АРД ТҮМЭН Ч ЁСТОЙ НОХОЙН ЖОГОРХОЙ Л БН

Avatar

ХУД-ийн иргэн Ш.Раднаа: МАДНААС ГАРАХ НҮҮДЛЭЭ ХАЙЦГАА ЗАЛУУЧУУД АА 2019-11-21 66.181.178.225

Дэлхийн шатрын аварга, Голландын иргэн Эйви зургаа авахуулдаггүй учир түүнийг нутгийнхан нь ч танихгүй.Эйвитэй вагонд хамт явж байсан хүн нь шатар тоглоё гэхэд нь Эйви цааргалсан дүр үзүүлж байгаад тоглоод хоёр удаа хожчихжээ. Тэр хүн “Би тосгоны шатрын аварга. Гэтэл тааралдсан замын хүнд хожигдчихлоо.Юуных нь тосгоны аварга байхав дээ” гээд сэтгэлээр их унасан байдалтай байсан гэдэг.Бид Эйви шиг үл таних үндэстэн дамнасан компанитай Оюутолгойн гэрээ байгуулаад маданд орчихлоо шүү дээ.

Avatar

Зочин 2019-11-21 66.181.161.46

ккк.Баттөмөр гишүүн зөв хэллээ.Баахан сайд дарга нар мэдэмхийрч томоо харуулах гэж гэрээнд хутгалдаад ийм жонхуу болсон гэж.Жонхуу гэж төмөр замд орооцолдоод амь тавих гэж бгаа мал бн.Хүүк гэж юугаа мэдэгдэхгүы сүржигнэсэн хөдөөгүүр хэсэж тууз хайчилсан алиалагч бн.Оюунэрдэнэ хүүхэд Риотинтотой харьцаж энэ гэрээнд суухаар жонхуу болно.Олон улсын хуулийн баг,төслийн ТЭЗҮ дээр ажилладаг баг хөлслөх хэрэгтэй.

Avatar

Зочин 2019-11-21 66.181.183.162

ted nariig chin vndesten damansan avarga ri -rinto kompani hahuulidaad abchihnaam esbel tedenii ohin kompaniud l baij baidag yumaa.baruunii bank sanhvv bol er ni bvgd holbootoi ch dee tsaaguurai.harin oros ypon metiin ted nartai ani man vzdeg hondolongiin kompani bol bolj bna..

Avatar

Самбуу 2019-11-21 64.119.16.206

Доллар 1980 төг тэнцэх ханштай ажил аваад өнөөдөр 2720 төг н ханшийг 2 жилийн дараа бий болгоод Өөрийгөө ажлаа нэр төртэй гаыхалтай сайн хийсэн гэж өөртөө дүн тавьсан нь ээрээ зээргүй ubs хүний шинж тэмдэг ., ийм л ойворгон хүмүүс шүү дээ, дараагийн хүн дээр зөв томилгоо хийх хэрэгтэй

Avatar

sanal neg bna.. 2019-11-21 66.181.183.162

bas kapital bankiig dampuurch baihad medeegui suuj baidag tov bankinii darga gej baih uu daa.vvnees bolood uls 245 terbum togrogoo luibarchin abgaid aldaad bna.iim hvn ajilaa sain hiisen gej uu dee..

Avatar

Лүндээ нэртэй хөгжин ухнад 2019-11-21 202.70.34.70

Яагаад төв банкны удирдлага солигдоод байгааг чи мэдэхгүй байна уу, Танай намын толхилцоон, улс төрөөс болж энэ хүнийг томилсон, муу ажилласан, солихоос өөр арга байхгүй, Угаасаа Сангийн яам, Хууль зүйн яам, Монгол Банкны Ерөнхийлөгч мафын шинжтэй нэг бүлэглэлийн гишүүд байна гэж байж болохгүй асуудал. Дараагийн хүнээр увсын хүн битгий тавиарай, гуйж байна.

Avatar

Зочин 2019-11-21 202.170.68.162

Баяртсайхан ч шорон ш а а х байх оо. Тэр шинжан шинпа гэж хятадын компанид мөнгө гаргасан гээд олон хууль бус асуудал яригддаг. Ханшаа тавьж туугаад инфляцаа алдсан энэ мангуутай ажлынх нь талаар юу ч ярихав. F үнэлгээ л өгнө.

Avatar

Зочин 2019-11-21 66.181.183.162

deer kapital bankiig dampuurch baihad medeegui ch dee.. ajilaa meddegui mal daa..

Avatar

Ганбаа 2019-11-21 202.55.191.130

Оюутолгойтой гишүүд гэж ямар толгойтонг хэлдэг юм бэ? Адьамаа. Ер нь чамайг сэтгүүлч бүү хэл Монгол гэж хэлэхэд хэцүү байна. Ядаж гарчиг аа зөв бичээч

Avatar

Иргэн 2019-11-21 66.181.188.50

Нямдорж Хүрэлбаатар нар ажлаа өгөх ёстой

Avatar

Зочин 2019-11-21 66.181.161.104

Угтаа бол Нямдорж, Хүрэлбаатар нар л эхлээд ажлаа өгмөөр юм. УИХ-ын гишүүний дархан эрх гэдэг чинь ямарч алдаа гаргасан дархан гэсэн үг болтой.

Avatar

ХУД-ийн иргэн Ш.Раднаа 2019-11-21 66.181.178.225

Манайхан өмнөх хүнээс нь дордуулаад томилдог гэмтэй шүү. Хөдөө аж ахуй хариуцсан сайд Сэргэлэн, Эрчим хүчний сайд Ганхүү нар сайн ажиллаж байсан.Дараа нь дордуулсан.Аюурсайхан Баяртсайханыг эртнээс л гоочлоод байсан юм. Одоо өөрийн хүнийг Баярсайханы оронд лоббидох гэж байгаа биш биз.Манай улс төрчид үл үзэгдэх багтай шүү.

Avatar

ene ervvl hvn mon uu 2019-11-21 66.181.183.162

hudalaa bitgii buraad bail daa.bayrsaihan chin kapital bankiig dampuurch bhad medehgui suuj baisanii toloo ch halij bolonoo. iim tov bankinii eronhiilogch baih uu daa.dollariig hanshiig haraach ee 0doo 2700 hvrlee ch dee…1900 l bsan ch dee…

Avatar

ДАВААСҮРЭН БАЯРТСАЙХАН ХОЁРТ 2019-11-21 202.179.24.5

ОДОО ХАРИН ЯРИАГҮЙ ҮЛДСЭН 90 ХУВИА ДЭЛГЭХИЙМ БАЙГАА БИЗ ДЭЭ. ИХ ХУРАЛ ДЭЭР ШАНТААЖ ХИЙГЭЭД БАЙСАН…. ХҮМҮҮС НОМ БИЧЭЭЛ БАЙГАА ШД

Avatar

иргэн 2019-11-21 202.70.34.70

Наад их хурал дээрээ битгий яриа, илжигний чихэнд ус хийсэн ч сэгсэрнэ, алт хийсэн ч сэгсэрнэ, харин бүгдийг нь дараа нь нэг сайхан ярилцлагаар ил гаргаад түмэн олондоо дуулгачих, Ард түмэн мэдэх ёстой, жаахан өөрсөддөө эвгүй юм байхаар л нууцын зэрэглэлд аваад хуйвалдаж дарж ирдэг зуршаа манай томчууд хэзээ хаях вэ, Тэр цагт улс оронд шударга ёс тогтоно.

Avatar

tenegtee 2019-11-21 66.181.183.162

vhsenii yrih yum bgaa yum be dee..ene hoer bol ajilaa hiij chadahgui hvmvvs ch dee.kapital bankiig damuurahad ene hoer yugaa harj baisan yum be dee.dollariin hash 2700 barag hvrlee ch dee.ug ni ajil abahad ni 1900 baisan ch dee.deer har jagsaaltand ulsaa hiilee.yugaa hiij baisan hvmvvs yum be dee..

Avatar

Зочин 2019-11-21 202.179.24.38

Шоронгүй салсандаа баярал өмхий коммнистаа

Avatar

аа 2019-11-21 124.158.110.82

хүний мууд дуртай л***р чи л шоронд явах байх даа.

Avatar

монгол 2019-11-21 66.181.184.154

Аюурсайхан мэтийн популистууд дараагийн сонгуульд гарахын тулд монголыг баллаж байна . Энэ лалруудыг шийтгэх хууль хэрэгтэй байна. популистууд монголыг минь усггалаа шүү

Avatar

Чингэлтэй дүүргийн иргэн 2019-11-21 202.126.89.232

Аюурсайхан гэгч нэг хутгуур өөрийн хүнээ Монгол банкны ерөнхийлөгчөөр шахахын тулд мөн ч улайрч байх шив дээ. АЮУЛсайхан хэмжээгээ мэдэж галзуураарай чамайг сонгосондоо бид туйлын ихээр харамсаж байна Ийм хүмүүсийг сонгож болохгүй гэдгийг залуу чууд ойлгож эхэлсэнд талархаж байна.

Avatar

Зочин 2019-11-21 202.21.100.210

Төгрөгийн ханш унагаасан асуудал бол ядаж 30% ийг хариуцах ёстой, 20%УИХ-н эдийн засгийн байнгын хороо үлдсэн 50% У.Хүрэслсүх сангийн сайд Д.Хүрэлбаатар нар болно. Харин тэр УИХ гишүүн Гарамжавтай холбогдсон төв банк ны 10 тэрбумын асуудалд яагаад дав заалдах шүүхэд гомдол гаргаагүй асуудал бүрхэг байна

Avatar

Баярсайхан 2019-11-21 202.70.34.70

10 тэрбум төгрөгний 5 тэрбумыг нь МАН-д хандивласан юм аа, тэгэхээр энэ хэргийг дарахгүй яах юм бэ, Тэр мөнгөөр манай нам ялсийн ш дээ,

Avatar

Зочин 2019-11-21 45.51.113.91

Саарал жагсаалтаас гадна гол нь төгрөгийн ханшийг унагаасанд нь хариуцлага тооцох ёстой . Мэдэхгүй байж амаа тамшаалж, биеэ тоосон хачин нөхөр шүү. Төлөвлөгөөт эдийн засгийн үед бол явах л байсан байх. Зах зээлийн эдийн засгийн үеийн мөнгөний бодлогыг ойлгохгүй юм билээ

NewsMN Гар утасны хувилбар Татах
NEWS.mn

Мэдээллийн эх сурвалж